IP: 163.*.*.* Japan

புனித ரமலானில் நோன்பு நோற்றுக் கொண்டு வெயிலையும் பொருட்படுத்தாமல் ஊர் நலனில் அக்கறை கொண்டு மாவட்ட ஆட்சியரை சந்தித்து மனு கொடுத்தவர்களுக்கு அல்லாஹ் ரஹ்மத் செய்வானாக.

இப்படிப்பட்டவர்கள் எதிர்காலத்தில் நமது நகர்மன்ற உறுப்பினர்களாக வரவேண்டும். இளைஞர்களை நம்பித்தான் ஒரு சமுதாயம் இருக்கிறது. முதியவர்கள் புதியவர்களுக்கு வழி விட வேண்டும்.புதியவர்கள் முதியவர்களிடம் ஆலோசனை பெற வேண்டும். வேகமும் விவேகமும் ஒன்றிணைந்தால் நமது ஊருக்கு எவ்வளவோ நன்மைகள் செய்ய முடியும்.

இந்த பேருந்து பிரச்சினை நீண்ட காலமாக இருந்து வருகிறது. இப்போது ஒரு நல்ல முடிவு வரும் என்று எதிர்பார்ப்போம். நமது நியாயமான கோரிக்கைகளை ஆட்சியர் அவசியம் கவனிப்பார் என்று நம்புவோம். அது நடக்காத பட்சத்தில் நீதி மன்றங்களை அணுகினால் அது கிடப்பில் போடப் பட்டு விடும். மற்ற ஊர்களை போல் சாலை மறியல் போன்ற போராட்டங்களை அரசு விதிகளுக்கு உட்பட்டு நாம் முன்னெடுத்து சென்றால்தான் பயன் கிடைக்கும்.

நீரோட்டம் இல்லாமல் நிலம் விளைவதில்லை
போராட்டம் இல்லாமல் நலம் விளைவதில்லை.

சர்வ கட்சிகளும் இந்த போராட்டத்தில் இணைந்தால் வெற்றி நிச்சயம். முதியவர்களின் ஆலோசனைகள் அங்கீகாரங்கள் பாராட்டுக்கள் இளைஞர்களுக்கு போதும் அவர்கள் சாதித்துக் காட்டுவார்கள். 100 இளைஞர்களை தாருங்கள் அவர்களை இந்த நாட்டின் சிற்பிகளாக்கி காட்டுகிறேன் என்று விவேகானந்தர் சொல்கிறார். உண்மையும் அதுதான்.

நமது கோரிக்கைகளை வென்றெடுக்க இளைஞர்களை ஊக்குவிப்போம். அவர்களுக்கு நகர்மன்றத்தில் பதவிகளை கொடுத்து உட்கார வைத்து நாம் வேலை வாங்குவோம்.

வருகின்ற ஊராட்சி மன்றம் இளைஞர்கள் மன்றமாக பரிணாம வளர்ச்சி பெற்று ஊர் எல்லா வகையிலும் முன்னேற்றம் காண இனி ஒரு விதி செய்வோம்.