IP: 180.*.*.* India

இந்த “நடப்பது என்ன?” குழுமம் யாரோ சிலருக்குச் சொந்தமானது அல்ல. நமதூரின் அனைத்துப் பகுதி மக்களையும் மாச்சர்யங்களுக்கு அப்பாற்பட்டு இணைத்துக்கொண்டு, ஒவ்வொருவரின் மதிப்பிற்குரிய கருத்துக்களையும் தீவிரமாகப் பரிசீலித்து, நிறைவில் கருத்தொற்றுமை அடிப்படையில் நல்ல முடிவுகளைத் தீர்மானமாக்கி, அதனடிப்படையில் செயல்பாட்டில் இறங்கி வருவதை, இக்குழுமத்தில் அங்கம் வகிக்கும் அனைவரும் அறிவர்.

இந்தக் குழுமத்தில் இணைய “தனி அடாப்பு” கிடையாது. “பொது அடாப்பு”தான்!

இதில் இருக்கும் அட்மின்கள் இக்குழுமத்திற்கு உரிமையாளர்களோ, தங்கள் மனவோட்டங்களை குழுமத்தில் திணிப்பவர்களோ அல்ல! மாறாக, குழுமத்தை மேலாண்மை செய்ய, வீதிகளை எடுத்தியம்பிட, விதீமீறல்கள் ஏற்பட்டால் நடவடிக்கை எடுக்க மட்டுமே அட்மின்கள் இயங்கி வருகின்றனர்.

இத்தகவல்களை வாய்ப்பு கிடைக்கும் அனைத்து இடங்களிலும் நாம் பகிர்ந்துள்ளோம். “நடப்பது என்ன?” சார்பில் நடத்தப்பட்ட முதலாவது கலந்துரையாடல் கூட்டத்திலும் இதுகுறித்து தெளிவாக விளக்கப்பட்டுள்ளது.

இத்தனையையும் நன்கறிந்திருந்தும், சிலர் திருமண விருந்துகளுக்கு அழைக்கப்படும் அடாப்புகளுக்கு அளிக்கும் முக்கியத்துவத்தை இதுபோன்ற நகர்நலப் பணிகளுக்கு அளிக்காமல், என்ன நடக்கிறது என்பதை ஆய்ந்தறிய அவர்களுடன் நெருங்கிய தொடர்பில் பலர் இருந்தும், அவர்களின் தொடர்பு எண்களும் கையிலிருந்தும் ஆராய முற்படாமல், இதுபோன்று செய்திகளின் கீழ் பக்கம் பக்கமாக கருத்துக்களை எழுதி, “நீங்க அப்படி செய்யுங்க..?”, “நீங்க ஏன் இப்படி செய்யலை?” என மேஸ்திரி தொணியில் கேள்விகளை எழுப்புவதற்கு உரிமை இல்லை என்று சொல்ல நான் என்ன சட்டாம்பிள்ளையா?

எல்லோருக்கும் உள்ள உரிமை இவர்களுக்கும் உள்ளது. அவர்களுக்குத் தெரிந்ததை அவர்கள் செய்து வருகிறார்கள். எமக்குத் தெரிந்ததை யாமும் செய்வோம், இன்ஷாஅல்லாஹ்!

மகிழ்ச்சியுடன், எஸ்.கே.ஸாலிஹ்.