IP: 128.*.*.* Romania

"நடப்பது என்ன" என்ற பெயருக்கேற்ப நடந்துவரும் ஒரு வாட்ஸப் ஊடக தளம். ஊரில் ஒரு அசாதாரண நிகழ்வுகள் நடக்கும் பொழுது ,அந்த நிகழ்வு நமது மக்களை பாதிக்கும்பொழுது, அந்த பாதிப்புக்களை போக்கும் முகமாகவும், நீக்கும் முகமாகவும் உடனடியாக ஓடிச்சென்று அதற்குறிய நடவடிக்கையை நொடிப்பொழுதில் செய்யும் புண்ணியர்களைப்பெற்ற தளம்தான் இந்த நடப்பது என்ன வாட்சப் தளம்!

இது மிகைப்படுத்துதல் அல்ல..என்னால் ஏராளமான சான்றுகளை சமர்ப்பிக்க முடியும்.

மேலே குறிப்பிட்ட இந்த சம்பவம் நடந்த நேரத்தில் கூட நேரிடையாக தளத்திற்கு சென்று, அந்த துர்வாடை எங்கே ,எங்கிருந்து வீசுகிறது, அது புறப்படும் எல்லை எது, இடம் எது என்ற ஆய்வில் "நடப்பது என்ன" அன்பு சகோதர்கள் ஈடுபட்டார்கள். அப்பொழுது நேரம் என்ன தெரியுமா? நடு நிசியையும் தாண்டிபின்னிரவு ஒருமணிக்கு மேல். .

ஒவ்வொரு 10 நிமிடத்திற்கொருமுறையும் அடுத்து அரைமணிக்கொருமுறையும் தகவல்களை தந்துகொண்டிருந்தார்கள்.

அதை அரபுநாட்டிலிருந்து கேட்டு அனுபவித்தவன் நான்!

பொதுத்தொண்டு, பொதுநல சங்கம் என்று ஒரு சில அமைப்புகள் பெயருக்கு இயங்கிக்கொண்டு, ஏராளமான விளம்பர வெளிச்சத்தில் தங்கள் முகங்களை முன்னுக்கு காட்டிக்கொண்டிருக்கும் நிறைய போலி நிகழ்வுகளையும் பார்த்துக்கொண்டிருக்கும் இச்சூழலில்,

ஊருக்கு ஒரு ஆபத்து என்றால் அலறியடித்துக்கொண்டு அந்த இடத்தில் ஆஜராகும் அன்பு இதயங்களே, உங்களுக்கு அந்த அல்லாஹ்வின் நற்கூலி நிச்சியம் கிடைக்கும். ஏனென்றால் நீங்கள் எந்த எதிர்பார்ப்புகளையும், எந்த பதவிகளையும் பெறவேண்டுமென்ற குறிகிய நோக்கம் கொண்டவர்களல்ல!

ஆகவே,உங்களைநோக்கி வீசும் விமர்சனங்களை,வான் நோக்கி வீணாக ஒலியெழுப்பும் ஒரு உருவமாக எண்ணி அதை உதாசீனப்படுத்தி, உங்களின் உள்ள சுத்தியான உன்னத தொண்டுகளை தொடருங்கள், உங்களுடன் துணை நிற்போம் உறுதியான உள்ளத்துடன் உலகத்தில் எந்த மூலையில் இருந்தாலும்!

அல்லாஹ் அனைத்தும் அறிந்தவன்.

அன்புடன்,
முஹம்மது ஆதம் சுல்தான்!