IP: 157.*.*.* Indonesia

பெற்ற வயிறு பற்றி எரிந்திருக்கிறது...

காலம் வெகுவாகக் கெட்டுப் போய்க்கிடக்கிறது. ஒரு காலத்தில் எல்லோரும் நல்லது செய்வர்; எங்காவது சிலர் தவறிழைப்பர்; எனவே, அது பாரதூரமானதாக இருந்தது...

இன்றோ, எல்லோரும் தவறு செய்ய - எங்கோ, யாரெவரோ ஓரிருவர் நல்லது செய்தால், அவர்கள் மனிதப் புனிதர்களாகப் பார்க்கப்படுகிறார்கள்.

அந்த வகையில், பெண்குலத்திற்கெதிரான பாலியல் வன்முறைகள் இன்று சர்வ சாதாரணமாகிப் போனது. யாரும், யாரையும் தட்டிக் கேட்கத் திராணியற்ற நிலையில்தான் மனித சமூகம் இன்று இருந்து வருகிறது.

எத்தனை சட்டங்கள் வரட்டும்! எத்தனை பேர் வேண்டுமானாலும் தத்துவம் பேசட்டும்!! எல்லோரையும் படைத்த இறைவன் அளிக்கும் சட்டங்களால் மட்டுமே முழுத் தீர்வு கிடைக்கப் பெறும். ஆனால், அதை ஏற்றுக்கொள்ள மனங்கள்தான் திறக்க வேண்டும்.

அங்கொன்றும் இங்கொன்றுமாக - இஸ்லாம் இயம்பும் சட்டங்களை வெவ்வேறு வடிவங்களில் திரைப்படங்கள் வாயிலாகவும், அரசியல் பேட்டிகள் வாயிலாகவும் பலரும் வெளிப்படுத்தித்தான் வருகின்றனர். சூழல் அவர்களை அவ்வாறு பேச வைத்திருக்கிறது.

தவறுகள் தவிர்க்கப்பட இயலாதவையாகக் கருதப்படும் ஆணாதிக்கச் சமூகத்திற்கு கட்டுரையாளர் சரியான சவுக்கடி கொடுத்திருக்கிறார்.

“ஆம்புள புள்ள...
அவன் சேத்தக் கண்டா முங்குவான்...
ஆத்தக் கண்டா குளிப்பான்...”

குரூர சிந்தனைகளால் மயங்கிப் போன மனதுடையவர்களின் உதடுகள்தான் இதுபோன்ற சொல்லாடல்களை உச்சரிக்கும்.

இறைவன் நம் அனைவரையும் பாதுகாக்கட்டும்!!!