IP: 106.*.*.* India

அஸ்ஸலாமு அலைக்கும் (வரஹ்).

இத்திட்டப்படி, வீடுகளில் உள்ள பழைய இணைப்புகள் அகற்றப்பட்டு, புதிய இணைப்புகள் மூலமாகக் குடிநீர் வழங்கப்பட வேண்டுமா!!!???. - அப்படியானால் – அது நிறைவு அடைய ஒரு மகாமகம் ஆகுமே!

-------------------------------------

ஒரு வேளை பழைய இணைப்புகளை அகற்றிவிட்டு புதிய இணைப்புகள் கொடுக்கப்பட வேண்டும் என்று காண்ட்ராக்டில் இருந்தால் , அதன்படி அவர்கள் செயல்படுத்தும்போது அவற்றை, ”நேர்மையான பொதுமக்கள்” உஷாராக இருந்து கண்கானிக்க வேண்டும் - கள்ளத்தனமான இணைப்புகள் கொடுக்கப்படுவதை தடுக்க வேண்டும்.

-------------------------------------

நம் மக்கள்களிலேயே பல பிரிவுகளாக இருந்து, ஒருவருக்கொருவர் அவசியமற்ற கருத்துக்களை பதிவதில் எவரும் எவருக்கும் சளைத்தவரில்லை என்று மார்தட்டுவதை விட்டுவிட்டு , பொதுவான விசயங்களில், வீரியத்தை காட்டுவதைவிட காரியத்தை சாதிப்பதில் நேரத்தை செலவழித்தால் பயனுள்ளதாக இருக்கும்.

இதுதான் நல்ல சந்தர்ப்பம், இதைப் பயன்படுத்தி, இதற்கு முன்பு கொடுக்கப்பட்ட அத்தனை கள்ளத்தனமான குடிநீர் இணைப்புகளையும் அகற்றுவதற்கு – இந்த சந்தர்ப்பத்தை தவரவிட்டால் பிரிதொரு சந்தர்ப்பம் கிடைப்பது அரிது.

ஆகவே, எல்லாத்தரப்பினறும் ஒன்றாக செயல்பட்டு முறையின்றி கொடுக்கப்பட்ட குடிநீர் இணைப்புகளை அகற்றுங்கள் – முறையாக குடிநீர் இணைப்புகள் பெற்றவர்களுக்கு தடையின்றி குடிநீர் கிடைக்க வழி வகுங்கள்.

---------------------------------------

நகராட்சி அதிகாரிகளே!

முறையாக குடிநீர் இணைப்பு பெற்றவர்களுக்கே! புதிய இணைப்புகளை கொடுங்கள்.

மேலும் குடிநீர் கட்டணம் நிலுவை உள்ளவர்களுக்கு புதிய இணைப்புகள் கொடுக்க வேண்டாம்.

நிலுவையில் உள்ள கட்டணத்தை செலுத்தி, அந்த ரஷீது வைத்திருப்பவர்களுக்கு மட்டுமே, புதிய இணைப்பு கொடுக்கப்படும் என்பதை மக்களுக்கு முன் அறிவிப்பு செய்து, இணைப்புகளை கொடுக்க தொடங்குங்கள்.

அதை பொருட்படுத்தாமல் இருப்பவர்களுக்கு கொடுக்க வேண்டாம் – அது எவ்வளவு பெரிய மனிதராக இருந்தாலும் சரி, ஊருக்கு உபதேசம் செய்கிற என் போன்றவராக இருந்தாலும் சரி.

-------------------------------------

இந்த சந்தர்ப்பத்தை பயபடுத்தி, நீங்கள் ஒழுங்குப்படுத்தினால் நகராட்சிக்கு பல நன்மைகள் ஏற்படும் – முறையின்றி கொடுக்கப்பட்ட இணைப்புகள் இரத்தாகும் – நிலுவையில் உள்ள குடிநீர் கட்டணங்கள் முழுவதும் வசூலாகும்.

நிலுவையில் உள்ள குடிநீர் கட்டணம் ஒரிரு இலட்சங்கள் அல்ல - குறைந்தது 40 (நாற்பது) இலட்சம் ரூபாய்கள்.

எந்த ஒரு மாநகராட்சியிலும் இல்லாத அளவில் நமது நகராட்சியிலே குடிநீர் கட்டணம் பெரிய தொகையாக நிலுவையில் உள்ளது என்பதை நினைவு கூற விரும்புகிறேன்.

----------------------------------------

மக்களே!

குடிநீர் கட்டணம் மட்டும் இவ்வளவு பெரிய தொகை பாக்கியா? இதற்கெல்லாம் காரணம் இவர்தான், அவர்தான் என்றும் அவர்கள் செய்த நிர்வாகத்தின் இலட்சணம் இதுதான் என்றும் முன்னால் தலைவர்களை எல்லாம் குறை கூறிக்கொண்டிருக்க வேண்டாம்.

தலைவர்களும், உறுப்பினர்களும் கட்டணங்களை வசூலிக்கவில்லை – அரசு அலுவலர்கள்தான் கட்டணத்தை வசூலிப்பவர்கள் – அகா, ஓகோ என்று அரசு அலுவலர்களை புகழ்கிறீகளே! வசூல் செய்யப்படாமல் இருந்ததற்கு காரணம் யார்? எந்தை சிந்தியுங்கள்.

அடுத்து தலைவர்களுக்கும், உறுப்பினர்களுக்கும் கட்டணங்கள் வசூல் செய்வதின் நெறிமுறைகளை ஒழுங்குப்படுத்துவதில் பங்குண்டு அவர்கள் எல்லாம் இவ்வளவு காலமாக என்ன செய்து கொடிருந்தார்கள்? என்பதையும் உற்று நோக்கவேண்டும்.

ஒருசில உறுப்பினர்களையும் ஆகா, ஓகோ என்றும் புகழ்கிறீர்கள் – இதுவும் தவிர்க்கப்பட வேண்டும்.

கட்டணங்கள் நிலுவையிருப்பது ஒற்றை இலக்க வருடங்கள் அல்ல இரட்டை இலக்க வருடங்கள். ஆகவே கட்டண பாக்கி இருப்பதற்கு இந்த நிர்வாகம்தான் காரணம் என்றோ! இல்லை அந்த நிர்வாகம்தான் காரணம் என்றோ! யாரையும் குறிப்பிட்டு சொல்வதற்கில்லை - அனைவரும் தான் காரணம் என்பதை மக்கள் உணர வேண்டும்.

வஸ்ஸலாம்.