IP: 175.*.*.* Sri Lanka

அரசியல்வாதிகள் எப்படியும் பேசலாம். நாளொரு மேடை பொழுதொரு நடிப்பு என்பதுதான் அநேகமான அரசியல் கட்சிகளின் நிலைப்பாடு.

தமிழ்நாடு முஸ்லீம் முன்னேற்றக கழகம் என்ற அரசியல் இயக்கம் ஆரம்பிப்பதற்கு மறுப்பு தெரிவித்த பீ ஜெயினுள் ஆபிதீன் அவர்கள் கருத்து சொன்னபோது அரசியல் கட்சியாக எப்போது மாறுகிறோமோ அப்போது நமது தனித்தன்மையை இழந்து விடுவோம். ஆளும் கட்சிக்கு அல்லது நமக்கு தற்காலிகமாக ஆதரவு தரும் கட்சிக்கு நாம் சாதகமாக பேச ஆரம்பித்து விடுவோம்.என்ற கருத்தை ஆணித்தரமாக சொல்லி அவர் அதற்கு அங்கீகாரம் தரவில்லை.

ஆனாலும் காலத்தின் கட்டாயம் அப்படி அரசியல் கட்சியாக மாறி சட்ட மன்றத்துக்குள் நுழைந்தால்தான் முஸ்லிம்களுக்குண்டான உரிமைகளை பேசி வென்றெடுக்க முடியும் என்ற உண்மையையும் நாம் நினைத்துப் பார்க்கிறோம்.

முஸ்லீம் லீக்கும் இதற்கு விதி விலக்கல்ல. சில கொள்கைகளை சமரசம் செய்ய வேண்டியும் வருகிறது.

ஆனால் தமிழ் நாட்டு முஸ்லீம் முன்னேற்றக கழகத்திலிருந்து மனித நேய மக்கள் கட்சி பிறந்தது. அதிலிருந்து உடைந்து மனித நேய ஜனநாயக கட்சி யாக ஒன்று புதிதாக பிறந்தது. ஒரு கட்சி கலைஞருக்கும் இன்னொரு கட்சி அம்மாவுக்கும் ஆதரவு தெரிவித்து தங்கள் நிலைப் பாட்டை தக்க வைத்துக் கொண்டார்கள்.

ஆனால் சமுதாயத்தில் 100 ஆண்டுகளுக்கு மேலாக கோலோச்சி வரும் முஸ்லீம் லீக்குக்கும் அதனால் பின்னடைவு ஏற்பட்டது.

எனவே ஊர் விஷயத்தில் இஸ்லாமிய அரசியல் கட்சிகள் ஊர் அமைப்பான முஸ்லீம் ஐக்கிய பேரவையின் முயற்சிகளுக்கு தார்மீக ஆதரவு அளிக்க வேண்டும் அல்லது ஒதுங்கி இருக்க வேண்டும். இப்படி அபத்தமாக கருத்து தெரிவிப்பது மாற்று மத சகோதரர்களுக்கு ஒரு சாக்காக அமைந்து விடும்.

தனிப்பட்ட முறையில் மனித நேய ஜனநாயக கட்சிக்கு இது சாதகமாக இருக்கலாம். ஆனால் முஸ்லீம் சமுதாயத்துக்கு ''தன் பல்லைக் குத்தி தானே நாற்றம் பார்க்கும்'' கதை போல் ஆகிவிடும். அவர்கள் கருத்தை நேரடியாக ஐக்கிய பேரவைக்கு சென்று கூறியிருக்கலாம். இப்படி வெளிப்படையாக அறிக்கை வெளியிட்டிருப்பது ஐந்தாம் படை என்று சொல்வார்களே அந்த ரகத்தை சேர்ந்ததாகவே மக்கள் கருத இடமுள்ளது.