IP: 118.*.*.* China

பாசத்திற்குரிய எனது அருமை தாய் மாமா அல்ஹாஜ் யூஸுப் சாஹிப் (சாபு) அவர்களின் பிரிவு எங்களையெல்லாம் மிகவும் கவலைக்குள்ளாக்கியது . இன்னா லில்லாஹி வ இன்னா இலைஹி ராஜிஊன்.

மிகவும் ஒரு சிறந்த சமூக சேவையாளர். இளைனர் ஐக்கிய முன்னணி எனும் ஒரு சிறந்த பொதுசேவை நிறுவனம் உருவாக அவர்களின் பங்கு மகத்தானது.

நமது முஹல்லாவில் உண்டான குருவித்துரைப் பள்ளி, புகாரிஸ் சரீப் ,ஹாமிதிய்யா ,ஈக்கியப்பா தைக்கா என அனைத்திலும் அவர்களின் பொதுசேவை பங்கு என்றேண்டும் நினைவு கூறத் தக்கது.

சிறந்த விளையாட்டு வீரர்... எப்போது வீட்டுக்கு வந்தாலும் அவர்களின் நகைச்சுவையும், உரத்த குரலிலான சிரிப்புப் பேச்சும் வீட்டையே அதிரச் செய்யும். எல்லா உறவினர் வீடுகளுக்கும் முறை வைத்து வருகை தந்து குடும்ப உறவை மிகவும் பேணிகாத்து வந்தார்கள்.

பழங்கால அரிய பெரியவர்களின் புகைப்படங்களை இவர்கள் சேர்த்து வைத்துள்ள பாங்கே அலாதி.

நான் ஊருக்கு போகும்போதும், திரும்பி வரும்போதும் அவர்களை சந்தித்து விட்டுதான் வருவேன். அப்போதெல்லாம் பல நாகளின் நாணயங்கள், நோட்டுகள் இவைகள் அனுப்பிவை என்பார்கள். அதைப் போல் நானும் அனுப்பிவைத்து அவர்களின் இந்த ஆர்வத்தில் பங்கேற்றுள்ளேன்.

பழைய காலத்து பெரியோர்கள் ,குடும்ப பாரம்பரிய போட்டாக்கள் அனைத்தையும் மிகச் சிறப்பாக சேர்த்து வைத்துள்ளார்கள். ஒவ்வொரு ஆல்பமாக காண்பித்து அது யார் ? என்ன ? என்ற அணைத்து விபரங்களையும் சொல்வார்கள்.

வல்ல அல்லாஹ்வின் கட்டளைக்கிணங்க மர்ஹூம் (மாமா) அவர்கள் தமது இவ்வுலக வாழ்வை முடித்துக்கொண்டார்கள்.

மர்ஹூம் அவர்களது பிரிவால் துயரிலிருக்கும் எனதன்பு மச்சான் எஸ்.ஒய்.எஸ்.செய்யித் முஹம்மத் ஸாஹிப் ஆலிம் மஹ்ழரீ, அருமை மாமி உள்ளிட்ட குடும்பத்தார் யாவருக்கும் அல்லாஹ் ‘ஸப்ரன் ஜமீலா’ எனும் அழகிய பொறுமையை வழங்கியருள்வானாக...

உங்கள் அனைவருக்கும் எனது சார்பாகவும், எனது குடும்பத்தார்கள் சார்பாகவும் ஆழ்ந்த இரங்கலை தெரிவித்துக் கொள்கிறேன்.

அவர்களும், நாமும் நம் வாழ்நாளில் அறிந்தோ, அறியாமலோ செய்த பாவப்பிழைகள் அனைத்தையும் கருணையுள்ள அல்லாஹ் தன் அளப்பெரும் கிருபை கொண்டு பொறுத்தருளி, ஜன்னத்துல் ஃபிர்தவ்ஸ் எனும் உயர்சுவனத்தில், நபிமார் - ஸித்தீக்கீன் - ஷுஹதா - ஸாலிஹீனுடன் இணைந்திருக்கும் பாக்கியத்தை அவர்களுக்கும், நமக்கும் நற்கூலியாக வழங்கியருள்வானாக... நமது நாயகம் (ஸல் லல்லாஹு அலைஹி வ ஸல்லம் ) அவர்களின் சபாஅத் எனும் பரிந்துரையை அவர்களுக்கும் நம் அனைவருக்கும் வல்ல நாயன் வழங்குவானாக !

அனைவருக்கும் அஸ்ஸலாமு அலைக்கும் வரஹ்மத்துல்லாஹி வபரக்காதுஹ்.