IP: 223.*.*.* India

நாம் என்னவெல்லாம் புதுமை என்று நினைத்தோமோ அதெல்லாம் நமக்கு கேடு விளைவிக்கும் பொருள்களாக மாறி விட்டதை காலம் கடந்து உணர்கிறோம்.

பிளாஸ்டிக் பைகள் பிளாஸ்டிக் வாளிகள் நமது மண்பாண்டங்களையும் துணிப் பைகளையும் ஏன் நல்ல காற்று வீசும் பனை ஓலை விசிறிகளை நாம் புறம் தள்ளுவதற்கு காரணமாக அமைந்தது.

அரசுகள் அந்த செயற்கை பொருள்களுக்கு ஊக்கம் தந்தது அதை தயாரிக்கவும் அனுமதிகள் வழங்கின. செயற்கை உரங்கள் நமது இயற்கை உரங்களை பாழ்ப்படுத்தவும் அரசுகள் ஊக்கம் தந்தன விளைவு இப்போது அதன் கேடுகளை நாம் அனுபவித்து வருகிறோம்.

நமது கல்யாண விருந்துகளில் கந்தூரி வைபவங்களில் வழங்கப் பட்ட மண் சிட்டிகள் கலயங்கள் பலாப்பெட்டிகள் பனை ஓலைப் பெட்டிகள் எல்லாம் ஒரு தலைமுறைக்கு காணாமல் போய்விட்டது.

இன்று இருபது வயதுள்ள ஒரு இளைஞனுக்கு அவை எல்லாம் ஆச்சரிய பொருளாக மாறி விட்டது. இப்போது ''பழையன கழிதலும் புதியன புகுதலும்'' என்ற சொல்லாடல் விடைபெறுகிறது என்பதை எண்ணும்போது மனதுக்கு சந்தோசமாக உள்ளது. இந்த மண்பாண்ட விற்பனையை நாம் ஊக்குவிக்க வேண்டும்.

''ஊக்கு விற்பவனை ஊக்குவித்தால்
ஊக்கு விற்பவனும் தேக்கு விற்பான்
என்று ஒரு புது கவிதை சொல்கிறது.

கலயங்களும் சிட்டிகளும் மீண்டும் நமது மணவிழாக்களில் இடம்பெறவேண்டும்.

கோடை காலங்களில் மின்விசிறிக்கு பதிலாக இயற்கை சுகம் தரும் பனை ஓலை விசிறிகள் நம் வீட்டில் இடம் பெறவேண்டும்.

நமது கந்தூரி வைபவங்களில் மீண்டும் ஓலைப் பெட்டி பலாப் பெட்டி.

நமது வீடுககளில் ஐஸ் பெட்டிகளுக்கு பதிலாக மண்பாண்ட குடங்கள் சட்டிகள் நமது அடுப்பங்கரைகளை வந்து அடைய வேண்டும்.

இதற்கு ஒரு அடையாளமாக இந்த கலாச்சார மாற்றத்தை இங்கு அரங்கேற்றி இருக்கும் இளைஞர்களுக்கு நமது வாழ்த்துக்கள்.