IP: 106.*.*.* India

சமீப காலங்களாக தமிழகம் முழுவதும் இந்த பைக் விபத்துக்கள் ஒரு விதமான பீதியை மக்கள் மத்தியில் ஏற்படுத்தியுள்ளது. வீட்டிலிருந்து புறப்பட்ட கணவன் மனைவி மகன் மக்கள் திரும்பவும் வீடு வந்து சேருவார்களா என்ற சந்தேகம் பரவலாக ஏற்பட்டுள்ளது.

அதுவும் குறிப்பாக நமதூரில் நடைபெற்று வரும் விபத்துக்கள் 12 வயது கூட நிறைவடையாத மாணவர்கள் தாறுமாறாக பைக் ஓட்டி விபத்துக்களை சந்திக்கிறார்கள். முதியவர்களும் இயலாதவர்களுக்கு தெருவில் நடக்கவே பயப்பட்டு அல்லோலகல்லோலப் பட்டுக் கொண்டிருக்கிறார்கள்.

இந்த நிலையில் இந்த நிறுவனம் அறிவித்துள்ள செய்தி மனதுக்கு மிக்க மகிழ்ச்சியை தருகிறது. இந்த தகவலை ஒரு நோட்டிஸ் ஆக வெளியிட்டு எதிர்வரும் ஜும்மா நாளில் எல்ல ஜும்மா பள்ளிகளிலும் விநியோகிக்க ஆவண செய்யுங்கள் .

ஒரு நல்ல விஷயத்தை யார் முன்னெடுத்து செய்வார்களோ யார் அதற்கு பரிந்துரை செய்வார்களோ அவர்களுக்கு அந்த நல்ல விஷயத்தில் ஒரு பங்கு உண்டு என்பது இறைவனின் வாக்கு. தமிழ்நாடு அரசுக்கு இந்த தகவலை அறிவித்து இதை ஒரு சட்டமாகவே இயற்றி தமிழ்நாடு கெஸட்டில் அறிவித்து நாடு முழுவதும் இதை அமுல்படுத்த நமது ஊரிலுள்ள பொது நல அமைப்புக்கள், ஐக்கிய பேரவை , நடப்பதென்ன என்ற அமைப்புக்கள் எல்லோரும் சேர்ந்து அரசுக்கு ஒரு மனுவை அளித்தால் அவசியம் நமது சட்டமன்ற உறுப்பினர் அனிதா அவர்களும் நமது மண்ணின் மைந்தர் அபூபக்கர் அவர்களும் முயற்சி செய்து சட்டமன்றத்தில் பேசி ஒரு நல்ல முடிவை அறிவித்து இந்த விபத்து மிக்க பைக் கலாச்சாரத்துக்கு ஒரு முற்றுப் புள்ளி வைக்க முடியும் என நினைக்கிறோம்.

அல்லாஹ் இந்த நல்ல முயற்சியில் ஈடுபடும் எல்லோருக்கும் நல்ல உடல் ஆரோக்கியத்தையும் செழுமையான வாழ்வையும் தந்தருள்வானாக. நமது இளைஞர்களின் பெறுமதியான விலைமதிப்பில்லாத உயிர்கள் பாதுகாக்கப்படவும் அருள் புரிவானாக.