IP: 223.*.*.* India

எப்போதும் புன்முறுவலுடன் காணப்படும் முகம்.

அவனை தொழுகைக்கு வரும்போது நான் அடையாளம் கண்டு கொண்டு தொழுகை முடிந்த பின் ''இந்த அறிவிப்பு பலகை உனக்காக வெகு நாளாக காத்திருக்கிறது. இன்று ஒரு ஹதீதை பதிவு செய்'' என்று கூறி CHALK PIECE சை கொடுத்து ஹதீது தமிழ் மொழிபெயர்ப்பு நிறைந்த MUNTHAKHAB AL AHADHEES என்ற நூலையும் கொடுத்து நான் அருகில் நின்று வாசிக்க அவன் எழுத, அவனது மணியான எழுத்துக்களை நான் ரசிக்க, அல்ஹம்து லில்லாஹ் ...அந்த நாட்கள் கண்ணில் நிற்கிறது....

இதோ புனித ரமலான் வருகிறதே...? இவனை எங்கே காணோம்... ஆட்சி மாற்றத்துக்கான ஓட்டையும் போட்டுவிட்டு அதற்கான துஆவையும் இங்கு பதிவு செய்துவிட்டு கிளம்பி விட்டானே... என்று எண்ணிக் கொண்டிருக்கும்போதுதான் அந்த இடி போன்ற செய்தி என்னை வந்தடைந்தது.

அவனது முழு உருவ நிழல்படத்தை பார்ப்பவர்களுக்கும் அவனை பற்றிய ஒரு நல்லெண்ணம் ஏற்படும்.

எனது மகன் அஹ்மத் மௌரூப், அப்துல்லாஹ் மக்கி ஆலிம். LS மாமா பேரன் அப்துல்லாஹ் ஹாபிசா பெங்களூர், மருமகன் முஜாஹித் போன்றவர்கள் மர்ஹூம் அபூதாஹிர் எல்லோரும் ஒரே செட்.

சொல்வதற்கு வார்த்தை இல்லை கண்கள் குணமாகிறது. அவனது இறுதி மூச்சை விடு முன் அவன் இந்த நாட்டிலே நல்லாட்சி மலர வேண்டும் என்ற து ஆ வை எழுதி எல்லோர் உள்ளத்திலும் பதிவு செய்து விட்டு சென்றிருக்கிறான்.

மருமகனே உனது து ஆ வை அல்லாஹ் நிச்சயம் கபூல் செய்வான். உனது மறைவு ஒரு ஷஹீதுடைய மறைவு என்று பெரியோர்கள் சொல்வார்கள். அல்லாஹ் அந்த நிலையையும் உனக்கு ஏற்படுத்தி தருவான்.

உனது மண்ணறையை அல்லாஹ் சுவன பூங்காவாக ஆக்கி வைப்பானாக. உனது நல்ல செயல்களை பொருந்தி கொள்வானாக. நீ அறிந்தோ அறியாமலோ செய்த பாவங்களை அல்லாஹ் பொருத்தருள்வானாக.

உனது மனைவி மக்களுக்கு அல்லாஹ் மேலான பொறுமையை தந்தருள்வானாக. உனக்கு மேலான சுவர்க்க வாழ்வை நசீபாக்கி தந்தருள்வானாக.அமீன்.

இந்த மொகுதூம் பள்ளி உள்ளவரை உனது பொன் எழுத்துக்கள் உனது பெயர் சொல்லி கொண்டிருக்கும்.