IP: 220.*.*.* Singapore

அன்பர்களே... இதே செய்தி தூத்துக்குடி ஆன்லைன் வலைதளத்தில் 31.07.2011 அன்று பின்வருமாறு வெளியிடப்பட்டுள்ளது:-

காயல்பட்டினத்தில் பாதாள சாக்கடை திட்டத்தை செயல்படுத்த கவுன்சிலர்கள் கடும் எதிர்ப்பு தெரிவித்தனர். இத்திட்டத்திற்கு தலைவர் உட்பட 4 பேர் மட்டும் ஆதரவு தெரிவித்தனர்.

காயல்பட்டினம் நகராட்சி கவுன்சிலர்கள் சாதாரண கூட்டம் நடந்தது. நகராட்சி தலைவர் வாவு செய்யது அப்துர் ரஹ்மான் தலைமை வகித்தார். கமிஷனர்(பொறுப்பு) கண்ணையா, ஓவர்சீர் அருள்மணி ஆகியோர் முன்னிலை வகித்தனர்.

கூட்டத்தில் நகராட்சியில் நீண்ட காலமாக பணிபுரிந்து வரும் 14 தற்காலிக பணியாளர்கள் கொண்ட பல்வேறு பணிகள் செய்யப்பட்டு வருகின்றன. இப்பணியாளர்கள் கடந்த 4 ஆண்டுகளாக குறைந்த ஊதியத்திலேயே பணியாற்றி வருகின்றனர். இவர்களுக்கு 25 சதவீத ஊதிய உயர்வு அளித்து தீர்மானம் நிறைவேற்றப்ப்பட்டது.

இதனையடுத்து காயல்பட்டினம் நகராட்சியில் பாதாள சாக்கடை திட்டம் நிறைவேற்ற ஆரம்ப கட்ட சர்வே பணிகளை மேற்கொள்ள நகராட்சியில் தீர்மானம் நிறைவேற்ற நகராட்சி ஆணையரிடமிருந்து கடிதம் வந்து தொடர்பாக வாசிக்கப்பட்டது. இத்திட்டத்திற்கு கவுன்சிலர்கள் மும்பை முகைதீன், சதக்கதுல்லா, சொளுக்கு உள்ளிட்ட பலர் கடும் எதிர்ப்பு தெரிவித்தனர்.

இதனையடுத்து நகராட்சி தலைவர் வாவு செய்யது அப்துர் ரஹ்மான், ஆதரவாக இருப்பவர்கள் மட்டும் கையை உயர்த்தவும் என கூறினார். அப்போது தலைவர் வாவு செய்யது அப்துர் ரஹ்மான், கவுன்சிலர்கள் காசிராஜன், திருத்துவராஜ் உட்பட 4 பேர் மட்டுமே திட்டத்தை செயல்படுத்த ஆதரவு தெரிவித்தனர்.

அப்போது பேசிய கமிஷனர் கண்ணையா, பாதாள சாக்கடை திட்டத்தை செயல்படுத்த அரசு முடிவு எடுத்துள்ளது. எனவே கவுன்சிலர்கள் எதிர்ப்பு தெரிவித்தாலும் இத்திட்டம் நிறைவேற்றப்படும் என்றார். அப்போது பேசிய எதிர்ப்பு கவுன்சிலர்கள், எங்களது எதிர்ப்பை தீர்மான புத்தகத்தில் எழுதிவிடுங்கள் என்றனர்.

இதனையடுத்து பேசிய கவுன்சிலர் திருத்துவராஜ், நகராட்சி பகுதியில் 325 இடங்களில் தெரு விளக்குகள் மாட்டுவதற்கு எம்எல்ஏ நிதி ஒதுக்கி தந்தார். இதில் 65 லைட்டுகள் இன்னும் மாட்டப்படவில்லை. இதுகுறித்து மின்வாரிய இன்ஜினியரிடம் கேட்டால் எங்களிடம் மாட்ட வேண்டிய லைட்டுகளை உடனடியாக பொறுத்துவதற்கு நடவடிக்கை எடுக்க வேண்டும் என்றார்.

இக்கூட்டத்தில் கவுன்சிலர்கள் திருத்துவராஜ், கிதிர்பாத்திமா, செய்யதலி பாத்திமா, கிதிர்பாத்திமா, காஜா, ரபீக், ஜெயனம்பு, மெய்தீன், சொளுக்கு அப்துல்காதர், தீபா, கணேசன் பால்ராஜ், சதக்கதுல்லாஹ், ஜாபர் சாதிக், காசிராஜன் ஆகியோர் கலந்து கொண்டனர்.