IP: 122.*.*.* India

காயல்பட்டினம் சிறு கிராமம் அல்ல, ஒரு சிறு நகரமாகும். அது போல - அதன் முன் உள்ள பிரச்சனைகளும் ஒண்ணு-இரண்டு அல்ல, பல பிரச்சனைகள். ஆகவே ஒரு அமைப்பின் மூலம் அனைத்து பிரச்சனைகளையும் தீர்த்து விட முடியும் என்று எண்ணுவது தவறு என்றே தோணுகிறது.

MEGA குழுவினை பொறுத்தவரை அது தற்காலிக குழு என்றே தன்னை கூறியுள்ளது. ஆகவே அதனை ஊரில் உள்ள பிற அமைப்புகளுக்கு மத்தியில் புது அமைப்பு என நினைப்பது தவறு. அது குறிக்கோள்களாக எடுத்துக்கொண்டுள்ள விஷயங்கள் - காயலர்கள் அனைவரும் தனிப்பட்ட முறையிலும், அவர்கள் சார்ந்துள்ள ஜமாஅத்துக்கள் மூலமும் மக்களிடம் எடுத்து செல்லவேண்டிய விசயங்களே.

ஒரு புது அமைப்பின் உதயத்திலோ, அல்லது புது குழுவின் உதயத்திலோ நாம் அச்சம் எப்போது கொள்ள வேண்டும் என்றால் - முன்னரே உள்ள அமைப்புகளுடன் எதிரும், புதிருமாக செயல்பட்டால் மட்டுமே. அவ்வாறு மெகா செயல்படாது என நம்புவோமாக.

ஐக்கிய பேரவையை பொருத்தவரை - அது பத்து ஆண்டுகளை நிறைவுசெய்துள்ளது. இரு உள்ளாட்சி தேர்தல்களை (2001 மற்றும் 2006) கண்டுள்ளது. அக்காலகட்டத்தில் நாம் பெற்ற இரு நகர்மன்றங்களின் தரம் நாம் அனைவரும் அறிந்ததே. ஆகவே வரும் (2011) தேர்தலிலும் ஐக்கிய பேரவையே அனைத்து விசயங்களையும் கவனித்து கொள்ளவேண்டும் என எதிர்பார்ப்பது - கடந்த பத்து ஆண்டுகளின் வரலாற்றில் நாம் எதையுமே கற்றுக்கொள்ளவில்லை என்றே அர்த்தம் கொள்ள செய்கிறது.