IP: 2.*.*.* United Arab Emirates

மர்ஹூம் அவர்கள் எனது தந்தை மக்கி நூஹுத்தம்பியின் பால்ய சிநேகிதர். எழில் கொஞ்சும் இலங்கை கண்டி நகரத்தில் அமையப்பெற்றுள்ள St . Paul 's கல்லூரியில் இவர்களிருவரும் ஆங்கிலக்கல்வி பயின்றவர்கள். மர்ஹூம் கண்டி ஹாமித் ஆலிம் (ஹாமித் பக்ரி ஆலிம் அவர்களின் அப்பா) அவர்களிடம் இவர்களிருவரும் குர்ஆன் தர்ஜுமா ஓதியவர்கள். மாணிக்க வியாபாரத்தில் இவர்களிருவரும் நெருக்கமானவர்கள்.

எனது தந்தையின் தந்தை மர்ஹூம் மக்கி ஆலிம் & குடும்பத்தார் மீது தனி பிரியம் வைத்திருந்தவர்கள். விளம்பர வட்டத்திற்குள் வர விரும்பாது தேவையுடையோரின் தேவைக்கேற்ப வாரி வழங்கிய வள்ளல் பெருமகன். இன்முகத்துடன் வரவேற்று புன்னகை புரிந்து கோபத்துடனும் வேகத்துடனும் வரக்கூடியவர்களையும் கூட தன் வசம் ஈர்த்தவர்கள்.

சுருக்கமாக சொல்லப்போனால் மர்ஹூம் அவர்கள் ஒரு மாணிக்கமாக மரகதமாக வைடூரியமாக வைரமாக வாழ்ந்திருக்கிறார்கள்.

எல்லாம் வல்ல அல்லாஹ் அவர்களது பிழைகளை மன்னித்து அவர்களது நற்காரியங்கள் அனைத்தையும் ஏற்று அவர்களது மண்ணறையை சுவனத்து பூங்காவாக ஆக்கி வைத்து மேலான ஜன்னத்துல் பிர்தவ்ஸ் எனும் மேலான சுவனபதியில் குடியிருக்கச் செய்வானாக - ஆமீன்.

மேலும் மர்ஹூம் அவர்களை இழந்திருக்கும் அன்னாரது குடும்பத்தாருக்கு அல்லாஹ் இத்துயரத்தை ஏற்றுக்கொள்ளத்தக்க நல்ல மன உறுதியை தருவானாக.