IP: 220.*.*.* Singapore

ஐகியப்பேரவை, அனைத்து ஜமாஅத்துகள் மற்றும் பொது நல அமைப்புகளுக்கு எனது அன்பார்ந்த சலாம்.

நடந்து முடிந்த நமது நகரமன்ற தலைவர் தேர்வு உங்கள் அனைவரின் முழு ஒத்துழைப்பு மற்றும் ஆதரவோடு நடந்து முடிந்திருக்கிறது. அல்ஹம்துலில்லாஹ்.

நமது ஐகியப் பேரவையை இன்னும் துடிப்புமிக்கதாகவும், வெளிப்படையாகவும் செயல்பட தற்பொழுதுள்ள நிர்வாகக்குழுவை மறுசீர் செய்து அமைக்கலாம். அனைத்து ஜமாஅத்துகள், பொதுநல அமைப்புகளின் தேர்வுசெய்யப்பட்ட உறுப்பினர்களைக் கொண்டு புதிய ஐகியப் பேரவையை உருவாக்கினால் நமதூருக்கு இன்னும் நல்ல பல காரியங்களை செய்யலாம். நமதூரிலுள்ள நல்ல அனுபவமிக்க மக்கள் இதில் தங்களை இணைத்துக்கொள்ள வாய்ப்புள்ளது.

பொதுக்குழு உறுப்பினர்களாக அனைத்து ஜமாஅத்துகள், பொதுநல அமைப்புகளின் தேர்வுசெய்யப்பட்ட உறுப்பினர்களை தேர்வு செய்யலாம். அவர்களிலிருந்து நிர்வாகக்குழுவை தேர்வு செய்து புதிய மெருகூட்டிய ஐகியப்பேரவையை நடத்தலாம். இரண்டு ஆண்டுகளுக்கு ஒரு முறை நிர்வாகக்குழுவை மாற்றி அமைக்கலாம்.

சகோதரர் காயல் SE அமானுல்லாஹ் போன்ற அனுபவசாலிகள் நமது ஐகியப்பேரவைக்கு கிடைத்தால் நிறைய நல்ல காரியங்களை செய்துமுடிக்கலாம். அவரின் திறமை மற்றும் அனுபவம் என்னைப் போன்றோருக்கு நன்கு தெரியும்.

ஆகவே, இதில் அனைவரும் ஒன்றுபட்டு ஒரு நல்ல முடிவை எடுத்து ஐகியப் பேரவையை புத்துனர்ச்சிபற்ற அமைப்பாக மாற்றி நமதூருக்கு நல்ல காரியங்களை செய்வார்கள் என முழு நம்பிக்கையுடன் நிறைவுசெய்கிறேன்.

எல்லாம் வல்ல அல்லாஹ் நாம் எடுக்கும் அனைத்து நல்ல முயர்ச்சிகளுக்கும் தனைபுரிவானாகவும். ஆமீன்.