IP: 117.*.*.* India

அஸ்ஸலாமு அலைக்கும் (வரஹ்).

இந்த குடியிருப்பு குறித்த வழக்கு நீதி மன்றத்தில் இருக்கும்போது - அதை இங்கே விவாதிக்க வேண்டிய அவசியமில்லை.

ஒரு வேளை இந்த வழக்கு முடிய 15 - 20 வருடங்கள் ஆகும் - அதனால் ஏதாவது ஓர் சமரச முடிவு செய்து இந்த பிரச்சனையை தீர்த்து வைக்கலாம் என்று உண்மையாகவே ஒரு நல்ல எண்ணம் யாருக்காவது இருந்திருந்தால் என்ன செய்திருக்க வேண்டும்...

வழக்கு போட்டவர்கள் மற்றும் அது சம்பந்தப்பட்ட அனைவரையும் கால அவகாசத்தோடு , முறையாக அழைத்து சமாதானம் செய்ய முயற்சித்திருக்கலாம் ஆனால் அப்படி செய்யவில்லை.

---------------------------------------------------------

இது ஒன்றும் அவசரக்கூட்டமில்லை :

குடிசை மாற்று வாரிய அதிகாரிகள் , இவ்வழக்கு குறித்து காயல்பட்டினம் நகராட்சியின் கருத்தை அறிவதற்காக முன் அறிவிப்பின்றி நகராட்சிக்கு கடந்த 22.11.2011 அன்று சென்று வந்தது ...................

திருச்செந்தூர் வட்டாட்சியர் அலுவலகத்தில் பகல் 12.00 மணிக்கு சமாதானக் கூட்டம் நடை பெற இருப்பதற்கு அன்று காலைதான் நகர் மன்றத் தலைவியை அவசரமாக அழைத்தது.............

இப்படி ஒவ்வொரு நிகழ்வுகளையும் வைத்து பார்க்கும்போது எந்த நல்ல எண்ணமுமில்லை - மாறாக கால சூழ்நிலையை பயன்படுத்தி ஒருதலைபட்சமாக நடப்பதற்கே இந்த மாதிரியான சூழ்ச்சிகளை கையாள்வதாக தெரிகிறது.

இது, சம்பந்தப்பட்ட அதிகாரிகளுக்கு தெரியாதா ? எப்படி கூட்டம் கூட்ட வேண்டும்? எத்தனை நாட்களுக்குமுன், அறிவிப்புக் கொடுக்க வேண்டும் என்பது?. மேலும் இது ஒன்றும் அவசரக்கூட்டமில்லை என்பதை அரசியலமைப்பு சட்டத்தை புரட்டிப் பாருங்கள் தெரியும்.

----------------------------------------------------------

பேச்சிலே நளினம் இல்லை நாடகம் உண்டு :

திருச்செந்தூர் வட்டாட்சியர் அலுவலகத்தில் நடைபெற்ற கூட்டத்திலே பேசிய கற்புடையார் பள்ளி வட்டத்திலுள்ள தேவாலயத்தின் பங்குத்தந்தை சேவியர் ஜார்ஜ் அவர்கள் மிகவும் நளினமாக " வேண்டுகோளாய் முன்வைக்கிறோம்..." என்று பேசி இருக்கிறார்.

ஆனால் அந்த பேச்சிலே நளினம் இல்லை நாடகம் உண்டு என்பதை அங்கு அந்த கூட்டத்திலே கலந்து கொண்ட அனைவரும் அறிவார்கள்.

முஸ்லிம் சமுதாயத்தவர்கள் சாந்தி, சமாதான குணம் உடையவர்கள் என்பதை நன்மக்கள் அனைவரும் நன்கு அறிவர் - அதிலும் காயல்பட்டணத்தவர்கள் சாந்த குணத்தில் எல்லோரையும்விட ஒரு படி மேலானவர்கள் என்பதை அதன் சுற்றுவட்டாரத்தார்கள் நன்கு அறிவர்.

இந்த வலைதளத்தில் பிரசுரமாகி இருக்கும் இந்த செய்தியை " கற்புடையார் பள்ளி வட்டத்திலுள்ள தேவாலயத்தின் பங்குத்தந்தை சேவியர் ஜார்ஜ் அவர்கள் " படித்தார் என்றால் நிச்சயமாக காயல்பட்டணத்தின் மக்கள் மேன்மக்கள் என்பதையும் அன்று இந்த கூட்டத்திலே கலந்து கொண்ட காயல்பட்டணத்தவர்கள் சாந்தி , சமாதானப் பிரியர்களே! என்பதையும் உணர்வார்.

உண்மையில் சாந்த குணமுள்ளவர்களாக இல்லாதிருந்தால் இந்த செய்தி எப்படி வந்திருக்க வேண்டும் என்பதையும் அவர் அறிவார் - அவர் அன்றைய கூட்டத்தில் நடந்த பேச்சுக்களை நினைவுப் படுத்தி பார்த்தால் தெரியும் எது சாந்தி - சமாதானம் என்பது.

----------------------------------------------------------

தப்புக்கணக்கு போட வேண்டாம் :

காயல்பட்டணத்துக்காரர்கள் என்னதான் அரசியலிலும் - ஏன் சிலநேரம் - ஆன்மீகத்திலும் பிளவு பட்டாலும் கூட உரிமையையும் , கலாச்சாரத்தையும் விட்டுக் கொடுக்கவே மாட்டார்கள்.

அவர்களுக்குள் ஏற்படும் பிளவுகள் எல்லாம் தங்க தாம்பாளத்தில் ஏற்படும் கீறல்களே அன்றி கண்ணாடி பாத்திரத்தில் ஏற்படும் கீறல்கள் அல்ல.

எனவே யாரும் தப்புக்கணக்கு போட வேண்டாம் அவர்களுக்குள் விரிசல் ஏற்பட்டிருக்கிறது , சந்தர்பத்தை பயன்படுத்தி திட்டங்களை தமக்கு சாதகமாக நிறைவேற்றலாம் என்று. -------------------------------------------------------------

அதிகாரிகளே! :

நீங்கள் எல்லோருக்கும் பொதுவானவர்கள் - சட்டத்திட்டங்கள்படி முறையாக செயல்படுங்கள் - எவருடைய சூழ்ச்சிக்கும் அடிபணியாதீர்கள்.

மதமோ, மார்க்கமோ, கட்சியோ, இயக்கமோ எதையும் நீங்கள் பார்க்க வேண்டியதில்லை - நீங்கள் அதில் ஏதாவதொன்றில் இருந்தாலும்கூட உங்களுடைய கடமையை சட்டத்திற்குட்பட்டுதான் செய்ய வேண்டும் - அதுதான் நேர்மை.

நேர்மை தவறிய எந்த அதிகாரியும் நிம்மதியாக வாழ்ந்ததில்லை என்பதை மனதில் நிறுத்தி செயல்படுங்கள் உங்கள் வாழ்வு மலரும்.

வஸ்ஸலாம்.