IP: 205.*.*.* United States

உண்மையிலேயே ஆசிரியர்களுக்கு இது ஒரு புதிய தெம்பு அளிக்கும் சுற்றுலாதான். அன்று, பிரம்பும் கையுமாக நான் கண்ட ஆசிரியர்களை இங்கே உல்லாச குளியலில் காண்கிறேன். எனக்கு கல்வி பயிற்றுவித்த ஆசிரியர்கள் சிதம்பரம், ரவூப், ஜெபராஜ் மற்றும் நண்பன் மீராவையும் இங்கே பார்க்கும் பொழுது மனதிற்க்கு சந்தோசமாக இருக்கிறது.

என்னதான் நயாகரா சாரலில் நனைந்தாலும், குற்றால அருவியில் நீராடினாலும்... நமது தோப்பு குளியலில் கிடைக்கும் சந்தோசம் ஒரு தனி அலாதிதான். ஆசிரியர்கள் சுற்றுலா, முதன் முறையாக நான் கேள்விபடுகிறேன். நல்லதொரு முயற்சி... மனம் விட்டு சந்தோசத்தை சக ஆசிரியர்களுடன் பகிர்ந்து கொள்வதற்க்கும் & மனதிற்க்கு புத்துணர்வை தரும் அம்சம். மற்ற பள்ளிகூட ஆசிரியர்களும் "புத்துணர்வுட்டும்" சுற்றுலா சென்று வாருங்களேன்!!

முன்பெல்லாம் "மாணவர்கள் சுற்றுலா" என்று ஒன்று உண்டு. நான் பயின்ற பள்ளிகூடத்தில், பக்கத்திலே (ஐந்து மணிநேர பயண தொலைவிற்குள்) எங்கேயாவது கூட்டி கிட்டு போவார்கள். ஆனால் நமது முஹிய்யதீன் மெட்ரிகுலேசனில் 'வட நாடு' சுற்றுலாவெல்லாம் சென்று வருவார்கள். எங்களுக்கு பொறாமையாக இருக்கும்.

எது எப்படியோ, மாணவப் பருவத்தில் சென்று வந்த சுற்றுலாக்கள் அதிலும் குறிப்பாக வீரபாண்டிய கட்டபொம்மன் பிறந்த ஊரான பாஞ்சாலங்குறிச்சி, கொக்கிரகுளத்தில் உள்ள அறிவியல் மையம் (பள்ளி கூடத்தில் கூட்டிகிட்டு போயிருக்கவில்லையெனில் இங்கேயெல்லாம் செல்ல வாய்ப்பு கிடைத்திருக்குமோ என்பது சந்தேகமே), கன்னியாகுமரி போன்ற இடங்களுக்கு சென்று வந்தது இன்றும் மனதில் மறையாமல் இருக்கிறது.

சமீபத்தில் கூட பல்லாயிரம் வருடம் பழமை வாய்ந்த மலைக்குகைக்கும் (Caverns ), மிருகக்காட்சி சாலைக்கும் என் மகனோடு சென்று இருந்தபோது, அங்கே பள்ளி மாணவர்களை கும்பலாக கண்ட பொழுது என்னுடைய மாணவப் பருவ சுற்றுலாக்கள்தான் நினைவுக்கு வந்தது.

இப்பொழுதெல்லாம் நமதூரில் "மாணவர்கள் சுற்றுலா" என்று ஒன்று இருக்கிறதா என்றே எனக்கு தெரியவில்லை. படிப்புக்கு கொடுக்கும் முக்கியத்துவத்தை, அறிவை வளர்க்கும்... மனதை ஆசுவாசப்படுத்தும் "மாணவர்கள் சுற்றுலா" எக்கால கட்டத்திலும் தேவை. மாணவப்பருவ சுற்றுலாக்கள் என்றும் மனதை விட்டு மறையாதது.

ஆசிரியர்கள் சுற்றுலா சென்றதோடு நின்று விடாமல் மாணவர்களையும் குறைந்த பட்சம் வருடத்திற்கு ஒரு முறையாவது சுற்றுலா கூட்டிக்கிட்டு போங்கள். ஆசிரியர்களும், பள்ளி நிர்வாகமும் மாணவர்களை ஊக்குவித்து அழைத்து சென்று வர வேண்டும்.

அடுத்த முறை... முடிந்த வரை எல்லா ஆசிரியர்களையும் அழைத்து செல்லுங்கள். என்றும் தொடரட்டும் ஆசிரியர்களின் இனிய சுற்றுலாக்கள்!!

சாளை முஹம்மது முஹ்யித்தீன்.