IP: 84.*.*.* Saudi Arabia

தன்னிலை அறிக்கை என்ற பெயரில் தன் நிலை தடுமாறி ஒரு அறிக்கை விட்டு ஒருவகையா குட்டையை குழப்பி விட்டு விட்டீர்கள்...

அண்ணன் எப்போ எழும்புவான் திண்ணை எப்போ காலியாகும் என்றிருந்த வாய்களுக்கு அவல் இல்லை அல்வாவே போட்டு விட்டீர்கள்!!

உங்கள் உள்நோக்கத்தை அல்லாஹ் மிக அறிந்தவன்!! ஆனால் உங்களுக்குள் ஏற்பட்டிருக்கும் இந்த மாற்றம்...நாங்கள் அறிய கூடிய வரையில் வெளியில் தெரியும் செயல்பாடு, உங்கள் தடுமாறிய பேச்சுக்கள் அறிக்கை அதை வைத்து எங்களுக்குள் எழும் சில சந்தேகங்களுக்கும், கேள்விகளுக்கும், இங்கே இந்த இணையதளத்தின் மூலம் பிரச்சனையை நீங்கள் வெளிச்சம் போட்டதால் பதில் சொல்ல கூடிய நிர்பந்தத்தில் இருக்கிறீர்கள்!! அது படம் பார்த்து எழுதக்கூடிய விமர்சனமோ? இல்லை உங்களிடம் பாடம் கற்று எழுதிய விமர்சனமோ?

• முதலில், நீங்கள் எல்லா இணையதளத்திற்கும் அனுப்பிய அறிக்கை (தன்னிலை விளக்கம்), இதை ஒரு கடிதமாக சம்பந்தபட்ட தலைவி அவர்களுக்கே அனுப்பி விளக்கம் கேட்டு இருக்கலாமே, எல்லாமே அவர் மீது உள்ள தனிப்பட்ட குற்றசாட்டுகள்தானே?

அதே கடிதத்தில் உரிய பதில் கிடைக்க விட்டால், இதை அறிக்கையாக விடுவேன் என்று கூட அவரிடத்தில் எச்சரித்து இருக்கலாமே? அதை விடுத்து அவசரகதியில் அனைத்து இணையதளத்திற்கும் அனுப்பிய நோக்கம் என்ன?

வார்த்தைக்கு வார்த்தை சத்தியம் - முபாகலா என்றெல்லாம் பேசும் நீங்கள் சாதாரண இந்த மார்க்க நடைமுறையை கூட பேண தோணவில்லையா?

தனிப்பட்டவர் பற்றிய குற்றசாட்டை அவரிடம் சொல்லாமல் அடுத்தவரிடம் சொல்லுவது புறம்பேசுவதாக ஆகாதா? இல்லை நீங்கள் சொல்லும் குற்றசாட்டுகள் பொய்யாபோகும் போது அது அவதூறு என்ற நிலைக்கு எடுத்து செல்லாதா?

• முன்பு பணி நியமாக குழு தேர்தலில் நீங்கள் தோற்கடிக்க பட்டபோது, பதவிகள் எங்கோ யார் மூலமோ பங்கு வைக்க படுகிறது... Parellel நகர்மன்றம் நடக்கிறது என்றெல்லாம் சாடி மொகலாய மன்னர்கள், என்று கவிதையாக கொட்டி தீர்த்தீர்களே? அந்த மன்னர்கள் ஆட்சி இன்று மாறி விட்டதா? இல்லை நீங்கள் மாறி விட்டீர்களா?

• இதற்கு முன்பு நண்பர்கள் பட்டியல் போட்ட துணை தலைவர் தேர்வு, நியமன குழு தேர்வு, ஏன் உங்கள் மீதே ஒரு உறுப்பினர் தெரு விளக்குகளை தூக்கி சென்றார் என்று குற்றம் சொல்லியது (அது மட்டமான குற்றசாட்டு என்பது எல்லோருக்கும் தெரியும்) இது போன்ற எத்தனையோ நிகழ்வுகளுக்கு அறிக்கை விட்டு அவர்களை உலகுக்கு அம்பலபடுத்த தெரியாதவர்.. இன்று ஒரு உப்பு சப்பு இல்லாத பிரச்சனைக்கு உங்கள் சொல்லை கேட்கவில்லை என்ற காரணத்திற்காக இவ்வளவு நீள அறிக்கை விட்டு ஒற்றுமைக்கும் கட்டுபட்டிர்க்கும் வேட்டு வைத்து இருக்கிறீர்களே? இதுதான் ஒரு நல்ல உறுப்பினருக்கு அழகா?

• சில மாதங்களுக்கு முன்வரை தலைவியுடன் சென்னை சென்று வந்த பிறகு, அவரை பற்றியும் அவர் கணவரில் உபசரிப்பு , புன்முறுவல், குண நலன்கள் பற்றி எல்லாம் ஊருக்கு எடுத்து சொன்னீர்களே.. நீங்கள் உண்மையாளரா இருந்தால் இப்போது சொன்ன குற்றசாட்டை அன்றைக்கும் சொல்லி இருக்கலாமே, கடுகடுத்த முகம், கடுஞ்சொல், எல்லாம் இன்றைக்கு தான் கண்டீர்களா?

• இரண்டாம் பைப் லைன் திட்டத்தை தமிழ்நாடு குடிநீர் வடிகால் வாரியம் மூலம் நிறைவேற்றுவதற்கு பெரும்பாலான உறுப்பினர்கள் எதிர்ப்பு தெரிவித்ததால் வேறு வழியின்றி நகர்மன்றமே நிறைவேற்ற நீண்ட யோசனைக்கு பிறகு தலைவி ஒப்புக்கொண்டார்கள்.......இப்படி எல்லாம் நீங்கள்தானே சான்றிதழ் கொடுத்தீர்கள்... மற்ற உறுப்பினர்களில் ஒத்துழைப்பு எப்படி இருக்கிறது என்பது உங்களுக்கு தெரியாதா?

• அன்று சென்னையில் dcw ஆலை விரிவாக்கம் சம்பந்தமாக commissioner ஏற்ப்பாடு செய்த கூட்டத்தில் நம் நகரமன்ற தலைவி கலந்து கொண்டு அந்த ஆலை மீது சரமாரியான குற்றச்சாட்டுக்களை ஆதாரப்பூர்வமாக கொடுத்திருக்கிறார்கள். இதன் மூலம் DCW விரிவாக்க பணி தள்ளி போடப்படும், என்று ஒப்புதல் வாக்கு மூலம் அளிக்கும்போது கூட இருந்த நீங்கள் அவரின் குறையை சுட்டி கட்டி இன்று சொன்னது போல் அன்றே சொல்லி இருக்கலாமே, பழக பழக பாலும் புளிக்கும் என்பது உங்கள் விஷயத்தில் சரியாகி விட்டதோ!

• நீங்களும் ஒரு சாதாரண வார்டு உறுப்பினர்தானே, உங்களை போல பலர் இருக்கும்போது உங்கள் பேச்சை மட்டும் ஏன் அவர் கேட்டு நீங்கள் விரும்பிய வண்ணம் எதற்கு நடக்க வேண்டும்?

• எடுத்ததற்கெல்லாம் அல்லாஹ் மீது சத்தியம் செய்யும் நீங்கள்... இங்கே சில சகோதரர்களால் சொல்லப்படும், குற்றச்சாட்டான அதிமுகவில் தலைவியை இணைய சொல்லி வற்புறுத்தியது உண்மைதானா என்பதையும், அவர் மறுத்தார் என்பதையும்------- இல்லை என்று ஏன் இன்னும் நீங்கள் மறுக்கவில்லை என்று தெரியவில்லை

• அவர் மக்களால் நேரடியாக தேர்வு செய்யப்பட்டவர் ...நீங்கள் ஒன்றும் சோனியா காந்தி அல்ல ..அவர் ஒன்றும் மன்மோகன் சிங்கும் அல்ல .. உங்கள் ஆலோசனை படி ஆட்சி செய்ய ...உங்கள் விருப்பபடி நடக்க... ..மொத்தத்தில் நம்பிக்கை இல்லா தலைவி என்று இதன் மூலம் சான்றிதழ் அளித்து ...வழி காட்டி இருக்கிறீர்கள் காத்திருக்கும் கவுன்சிலர்களுக்கு!! எதனால் ஏற்படும் தீமைகளில் நீங்கள்தான் முதல் கையை நனைத்து இருக்கிறீர்கள்!!

• இறுதியாக நகரமன்ற தலைவிக்கும் பொறுப்பு உள்ளது.. இப்படி பகிங்கரமா இணையதளத்தில் குற்றம்சாட்டிய பின்னரும் மௌனம் காப்பது நல்லதன்று!!

உங்கள் புறத்தில் உள்ள நியாயங்களை நடந்தவை என்ன என்பதையும் உண்மையை உலகுக்கு உரத்து சொல்லுங்கள்.. நீங்கள் மக்களால், மக்களில் ஆதரவுடன் தேர்ந்தெடுக்கபட்டவர்? அவருக்கு பதில் சொல்ல கடமை இல்லை என்றாலும் உங்களை தேர்தெடுக்க மக்களுக்கு பதில் சொல்லும் கடமை உண்டு?

பொதுமக்கள் மனுக்கள் சம்பந்தபட்ட குற்றசட்டு.. ஏல பிரச்னை, முதல் அவர் தனிப்பட்ட முறையில் வைத்த குற்றசாட்டுக்கு உங்களிடம் இருது உரிய பதிலை எதிர்பார்க்கிறோம்... சகோ. லுக்மான் அவர்களின் விளக்கத்தை பிரசுரித்த இந்த தளத்திற்கு தலைவி உடைய பதிலையும் கேட்டு பெறும் கடமை இருக்கிறது... இணையதளம் இது சம்பந்தமாக தலைவியின் பதிலை தெரியபடுத்தவும்.