IP: 112.*.*.* Sri Lanka

ஒலி பெருக்கியின் மாசு பற்றி நீங்கள் எழுதியுள்ள கட்டுரையை காய்தல் உவத்தல் இன்றி அபிப்பிராயம் வெளியிட முடியாத நிலை நம் ஊரில் உள்ளது. குறிப்பாக் திருமண வைபவங்கள், கந்தூரி நிகழ்சிகள், மார்க்க வைபவங்கள் திக்ரு மஜ்லிசுகள், மார்க்க உபன்யாசங்கள், மஹ்லரா முதல் புனித புகாரி ஷரீப் வரை நடக்கும் நிகழ்சிகள். கே எம் டி மருத்துவமனை முதல் ஜாமிஉல் அஸ்கர், IIM போன்ற இடங்கள் வரை நடக்கும் நிகழ்சிகள், ஐக்கிய விளையாட்டு சங்கம் முதல் கடற்கரை வரை நடக்கும் கொண்டாட்டங்கள் எல்லாமே நீங்கள் சொல்லும் மாசு ஏற்படுத்துபவைதான்.

துணிச்சலாக மேடை ஏறி இதை சொல்வதானால் நீங்களும் சமுதாயதிலிருண்டு தூரமாக்கப்பட்டு விடுவீர்கள் என்பதை நீங்கள் தெரிந்துதான் இதை எழுதியிருக்கிறீர்கள் என்றால் உங்களை மனமார பாராட்டுகிறேன்.

மாற்று வழியையும் சொன்னால் நல்லது. வெறும் கட்டுரைகளால் மட்டும் இந்த மாசுகளை அகற்ற முடியாது. மக்களிடம் தைரியமாக சென்று இதைபற்றி எடுத்துரைக்கவேண்டும். நடக்கிற காரியமா என்று எல்லோரும் ஒருமித்த குரலில் சொல்லி விடுவார்கள்.

அரசியல் கூட்டங்கள் ஆர்பாட்டம் இல்லாமல் எங்காவது நடப்பதுண்டா. இந்து தர்மப்படி திருமணங்கள் மேல தாள வாத்தியங்கள் இல்லாமல் நடந்தால் அது அப சகுனம். கெட்டி மேளம் என்று உரக்க சொல்லி மத்தளத்தை படாது பாடுபடுத்தி அடிக்காமல் நமது நாட்டில் கல்யாணங்கள் நடக்க முடியுமா.கோயில்களில் கடவுள் வழிபாடுகள் இந்த மாசுக்கு தாயாக உள்ள ஒலி பெருக்கியிலிருந்து தப்ப முடியுமா.

நாளையே ஒரு அரசாணை பிறப்பித்து இதை கட்டுப்படுத்த நினைத்தாலும் ஜனநாயகத்தின் குரல்வளையை நெரிப்பதாக அரசியல் கட்சிகள் ஆர்பாட்டம் செய்வார்களே, அடுத்த முறை ஆட்சிக்கு வரமுடியுமா. எனவே திருடனாய் பார்த்து திருந்தாவிட்டால் திருட்டை ஒழிக்க முடியாது எனபது என் தாழ்மையான கருது. ஊரின் உயிரோட்டமான சத்தங்களிலிருந்து நாம் தனிப்பட்டு இயங்க முடியாது.

எனவே உங்கள் கட்டுரை ஒரு கானல் நீர். ஆகாயத்தில் கட்டும் மாளிகை. சற்றே சிந்தியுங்கள்.