IP: 188.*.*.* Saudi Arabia

அப்ப கரண்டும் கோயம்புத்தூர்லேந்துதான் கொடுக்கிறீங்களா? அட! அறிவுக் கொழுந்துகளா...! வாங்க உங்களை முகர்ந்துக்குவோம்.

இந்த விபரீத சம்பவத்தை நான் நேற்று என் தாயார், தங்கைமார்கள், மனைவி, மக்காவிலிருக்கும் நமதூர் நண்பர்கள், ஹாஜிமார்கள் இப்படி எல்லோரிடமும் கூறி ஆதங்கப்பட்டேன். அந்த அளவிற்கு இச்சம்பவம் என் மனதை பாதித்தது. மாடுதானே என்றில்லாமல் மனிதனுக்கு வர இருந்த ஆபத்தை நினைத்தே நெஞ்சம் பதைத்தது. அப்போது என் மனைவி வேறொரு சம்பவத்தைக் கூறியபோது நான் பேரதிர்ச்சியில் உறைந்து போனேன்.

நமது பஞ்சாயத்துக்கு மேல்புறம் மஹ்ழரா காலனிக்கு முன்புறம் நேற்று காலையில் ஒரு மின்கம்பத்திலிருந்து மின்சார வடம் ஒன்று அறுந்து விழுந்து கிடந்ததை அப்பகுதியில் விளையாடிக் கொண்டிருந்த இரண்டு சிறுவர்கள் எடுத்து தமது கைகளில் சுற்றிக் கொண்டிருந்தனர். இதைக் கண்ணுற்ற ஒரு பெண்மணி பதறியடித்துக்கொண்டு அடேய்...! கீழே போடுங்க... கீழே போடுங்க என அலற அவ்வழியே சென்ற சிலர் அவசர அவசரமாக ஓடி வந்து சம்யோஜிதமாக செயல்பட்டு அச்சிறுவர்களின் கைகளிலிருந்து மின்சார ஒயரை அகற்றி பாதுகாப்பாக அவர்களை மீட்டனர்.

சம்பவ இடத்தில் இரண்டு நபர்களை காவலுக்கு வைத்து விட்டு மின்வாரியத்திற்கு தகவல் கொடுத்தனராம்.

பார்த்தீர்களா? யார் பெற்ற பிள்ளைகளோ? யார் செய்த புன்னியமோ? அப்போது பவர் கட் சமயம். ஒரு வேளை கரண்ட் மட்டும் இருந்திருந்தால் அச்சிறுவர்களின் நிலையை யோசித்துப்பார்க்க கூட மனதில் தைரியமில்லை!

உடலும், உள்ளமும் சேர்ந்து நடுநடுங்குகின்றது. மாடு மய்யத்தானதுக்கே அந்த அதிர்ச்சியிலிருந்து இன்னும் நான் மீளவில்லை! இது மழலைகள். அல்லாஹ்தான் பாதுகாத்தான். ப்ளீஸ்...! மழைக்காலங்களில் மின்கம்பங்கள், மின்சார ஒயர்கள் பள்ளங்கள், ஆகியவற்றிலிருந்து மிக எச்சரிக்கையோடும், பாதுகாப்போடும் நாம் செல்ல வேண்டும். சுருக்கமாச் சொன்னா பாத்துப் போங்க....!

எல்லம் வல்ல அல்லாஹ் நம் யாவரையும் விபத்துக்கள், பேரிழப்புக்கள், இழிவான மரணங்கள் இவைகளிலிருந்து பாதுகாப்பானாக...ஆமீன்.

-ராபியா மணாளன்.