IP: 117.*.*.* India

குத்பா பிரசங்கம் என்றால் குர் ஆன் ஹதீஸ் சஹாபாக்கள் வாழ்க்கை நெறிமுறைகள் தற்போது நாம் கடைபிடித்து ஒழுக வேண்டிய நல்லொழுக்கங்கள் பற்றிய நசீஹதுக்கள் என்ற விஷயங்களுடன் இன்று அன்றாட வாழ்வில் நமது ஊரில் நடக்கும் நிகழ்ச்சிகளையும் குறிப்பிட்டு அதன் தாக்கங்கள் இந்த ஊரின் நன்மையையும் பாரம்பரிய கலாச்சாரத்தின் பின்னடைவுகளையும் எடுத்து கூறும் அற உரையாக அறிவுரையாக அமைந்திருப்பது வரவேற்கத்தக்கது. அகீதா பிரச்சினைகளையே கேட்டு கேட்டு புளித்துப்போன ஊர் மக்களுக்கு இது ஒரு பெரிய மாற்றமாக தெரிகிறது. அல்ஹம்து லில்லாஹ்.

உம்மத்துடைய ஒற்றுமை ஊரின் ஐக்கியம் பாரம்பரியம் பற்றி பேச வேண்டியது காலத்தின் கட்டாயம். ஆலிம் அவர்களுக்கு அல்லாஹ் ரஹ்மத் செய்வானாக. சில விஷயங்கள் பற்றி பேச ஒரு அசாத்திய துணிச்சல் வேண்டும். அது ஆலிம் அவர்களிடம் இருப்பது பாராட்டுக்குரியது.

காய்தல் உவத்தல் அகற்றி பேசும் ஆலிம் அவர்களின் பேச்சுக்கு எல்லோரும் முன்னுரிமை கொடுத்து கவனிக்க வேண்டும். செய்திகளை அழுத்தமாக சொல்வது வேறு, அதை எப்படி சொல்லவேண்டும் என்ற நாகரிகமும் அதை விட மிக முக்கியம்.

நகர்மன்றத்தில் நடக்கும் விஷயங்கள் எவ்வளவு தலை குனிவை இந்த ஊருக்கு ஏற்படுத்தி இருக்கிறது என்பதை பல ஊடகங்களில் மக்கள் பதிவு செய்யும் விமர்சனங்களிலிருந்து தெரிகிறது.

நகரமன்ற தலைவி அவர்களும் உறுப்பினர்களும் இந்த ஊரின் 40,000 மக்களின் பிரதிநிதிகள். நீங்கள் தேர்ந்து எடுக்கப்பட்டது இந்த ஊர் மக்களுக்கு சேவை செய்யத்தானே தவிர உங்களுக்குள் யார் பெரியவர் என்று பட்டிமன்றம் நடத்துவதற்கு அல்ல என்பதை அவர்கள் புரிந்து கொண்டு மக்கள் சேவையின் பக்கம் தங்கள் எண்ணங்களை திருப்பி விட அல்லாஹ் தவ்பீக் செய்வானாக.

நமது பாரம்பரியம் நமது பண்பாடுகள் கலாச்சாரங்கள் எல்லாவற்றையும் நம் மனக்கண் முன் கொண்டுவந்து அவற்றை பேணி நடக்க அல்லாஹ் அருள் புரிவானாக ஆமீன்.