Re:...கருத்து குழப்பம் posted bymackie noohuthambi (kayalpatnam)[24 January 2013] IP: 117.*.*.* India | Comment Reference Number: 25202
பெற்றோர் ஆசிரியர் மாணவர்கள் உறவுமுறைகள் பற்றி கருத்து சொல்லும் பெருந்தகைகள் என்ன சொல்ல வருகிறார்கள் என்பது என் போன்ற சாதாரணமானவர்களுக்கு விளங்க முடியவில்லை.. பேசுவதை தெளிவாக, நேர்பட பேசினால் நறுக்கு தெறித்தாற்போல் பேசினால், ஆசிரியர்கள் அதற்கான முயற்சிகளை செய்வார்கள்.
நேற்று ஆண்டு விழாவிலே பேசிய முனைவர் சாகுல் ஹமீது அவர்கள் இரத்தின சுருக்கமாக, மிக ஆழமான கருத்துக்களை மாணவர்கள் முன்வைத்தார்கள். அவர்கள் பேசியது என்னவோ பத்து இருபது நிமிடங்கள்தான். ஆனால் அவர்கள் பேச்சை அறிவுரையை உள்வாங்கி அதன்படி செயல்பட ஆரம்பித்தால் மாணவர்கள் என்ன, முதிய தலைமுறைகளும் தொழில் அதிபர்களும் கூட பயன்பெறலாம். அவர்கள் சொன்னதை இந்த இணையத்தளத்தில் பகிர்ந்து கொள்ள ஆசைப் படுகிறேன்.
ஜப்பானியர்கள் நினைப்பது. IF ONE CAN DO A THING, I TOO CAN DO IT... IF NONE CAN DO A THING I MUST DO IT.
இந்தியர்கள் நினைப்பது IF ONE CAN DO A THING, LET HIM DO IT. IF NONE CAN DO A THING, THEN HOW CAN I DO IT
எனது 60 ஆண்டு கால வாழ்வில் நான் கேள்விப்படாத பொன்மொழி என்னை உசுப்பி விட்டது நிமிர்ந்து உட்கார வைத்தது, எனக்கு 20 வயது இளமையை திருப்பி தந்தது. அல்ஹம்து லில்லாஹ்.
மாணவர்களையும் இந்த பள்ளிக்கூடத்தையும் அவர்கள் புகழ்ந்து பேசும்போது, தங்கமானவர்கள் நடத்தும் பள்ளி.. தங்க வியாபாரிகள் நடத்தும் பள்ளி தங்க மாணவர்கள் நீங்கள். பொன்விழா ஆண்டை கொண்டாடியவர்கள் - இங்கும் பொன் என்பது தங்கம். வைர விழாவை நோக்கி சென்று கொண்டிருப்பவர்கள்... இங்கேயும் வைரம். எனவே மாணவர்கள் தங்கமானவர்கள் வைரமானவர்கள் என்று அவர் பேசிக்கொண்டே சென்றபோது இன்னும் பேசமாட்டாரா என்று தோன்றியது.
கதைகள் சொல்வதில் நாம் வல்லவர்கள். ஆனால் மருத்துவர் அஷ்ரப் அவர்களும் முனைவர் ஷாகுல் ஹமீது அவர்களும் சொன்ன கதைகள் உற்சாகமூட்டும் கதைகள். காக்கையை நரி ஏமாற்றிய கதையை அவர்கள் சொல்லி இருந்தால் அது இந்த காலத்துக்கு பொருந்தாது, மாணவர்கள் உற்சாகத்துக்கு அது ஊறு விளைவிக்கும் ஏமாற்றுவது முறையல்ல என்று நன்றாகவே தெரிந்து வைத்திருக்கிறார்கள். எனவே அந்த கதையை தவிர்த்து விட்டார்கள்.
ஒய்வு பெறும் தலைமை ஆசிரியர் பள்ளிக்கு புகழ் சேர்ப்பதில் வியூகம் வகுப்பதில் மட்டும் வல்லவர் அல்ல, பள்ளிக்கு பொருள் சேர்ப்பதிலும் பரிசுகளை மாணவர்களுக்கு புரவலர்களிடமிருந்து பெற்று தருவதிலும் சாணக்கியர்.
மரம் ஓய்வெடுக்க நினைத்தாலும் காற்று விடுவதில்லை. உழைப்பையே ஓய்வாக எண்ணுபவர்களை களைப்பு ஒருபோதும் தாக்காது. இவர்களை பயன்படுத்தி கொள்ள வேறு பள்ளிக்கூடங்கள் தயாராகிக் கொண்டிருக்கின்றன. யாருக்கு அதிர்ஷ்டம் அடிக்கப்போகிறதோ. எங்கிருந்தாலும் வாழ்க.
Kayal on the Web is one of several websites managed by The Kayal First Trust, a charitable organisation
based in Kayalpatnam, Tuticorin District, Tamil Nadu, INDIA. By accessing and using this website, you are
assumed to have read the Terms of service - governing this Website.
Designed for The Kayal First Trust by NetGross
India
