IP: 59.*.*.* India

காயல்பட்டினத்தை சேர்ந்த மாணிக்க வியாபாரி முஹம்மது லெப்பை என்ற என் இனிய நண்பர் நேற்று கொழும்பு இலங்கையில் உள்ள கல்முனை என்ற ஊரில் வபாத்தாகிவிட்டார்கள். இவரின் வபாத் செய்தி என் இதயத்தை கனமாக்கியது.

அவரோடு ஒன்றாக இருந்த காலங்கள் என் கண்முன்னே நிழலாடுகிறது. எத்தனை இனிமையான நண்பரை இழந்துவிட்டோமே என இதயம் வலித்து கொண்டே இருக்கிறது.

இவர் என் கல்லூரி நண்பர், வாலிப வயதிலேயே தனிமனித ஒழுக்கமும், இறை அச்சமும் கொண்டவர். கல்லூரியில் மாற்று மத சகோதரர்களும் இவரிடம் கண்ணியமாக நடந்து கொள்வார்கள். சிறிய நேரம் கிடைத்தாலும் தூய இஸ்லாத்தை மற்ற சகோதரர்களுக்கு எத்தி வைக்கும் பணியை செய்வார்.

ஆன்மிகத்தில் மட்டுமன்றி விளையாட்டிலும் வீரனாக திகழ்ந்த இந்த நண்பனின் இழப்பு தாங்க முடியாத ஒன்றாகும்.

இவரை இழந்து வாடி நிற்கும் அவர்களின் குடும்பத்தார் அனைவருக்கும் என் ஆழ்ந்த இரங்கலை தெர்வித்து கொள்கிறேன்.

இறைப்பணியும், இறை அச்சம் என்ற தக்வாவோடு வாழ்ந்த என் நண்பனுக்கு இறைவன் சொர்க்கத்தை சொந்தமாக்குவானாக, மறுமையில் மேலான பதவியை அளிப்பானாக என இறையிடம் இறைஞ்சுவோமாக,