{ முகநூல் கருத்துக்கள்}{ட்விட்டர் கருத்துக்கள்}

அண்மையில் விபத்தில் பலியான காயல்பட்டினம் வாவு வஜீஹா வனிதையர் கல்லூரியின் நிர்வாக அதிகாரி பேராசிரியர் முனைவர் ஹம்ஸா முஹ்யித்தீன் மறைவிற்கு இரங்கல் தெரிவித்து ஹாங்காங் காயல் மாணவர் நல மன்றம் - கஸ்வா (KSWA - KAYAL STUDENTS WELFARE ASSOCIATION - HONG KONG) சார்பில் பின்வருமாறு அறிக்கை வெளியிடப்பட்டுள்ளது:-


பிஸ்மில்லாஹ், வல் ஹம்துலில்லாஹ் வஸ்ஸலாத்து வஸ்ஸலாமு அலா ரசூலில்லாஹ்... நஹ்மதுஹு வனு ஸல்லி அலா ரசூலிஹில் கரீம்!

அன்பிற்கும், பாசத்திற்குமுரிய காயல்பட்டினம் வாவு வஜீஹா வனிதையர் கல்லூரியின் நிர்வாக அதிகாரி பேராசிரியர் முனைவர் ஹம்சா முஹ்யித்தீன் அவர்களின் மனைவி மற்றும் குடும்பத்தார் அனைவர்களுக்கும் ஹாங்காங் கஸ்வா (KSWA - KAYAL STUDENTS WELFARE ASSOCIATION) அமைப்பின் உறுப்பினர்கள் அனைவரின் உளமார்ந்த ஸலாம், அஸ்ஸலாமு அலைக்கும் (வரஹ்)

மதிப்பிற்குரிய பேராசிரியர் அவர்களின் மரணச் செய்தி எங்கள் யாவரையும் மனம் கலங்கச் செய்துவிட்டது! இன்னா லில்லாஹி வ இன்னா இலைஹி ராஜிஊன்!

வல்ல ரஹ்மானின் நாட்டப்படி நடந்த இந்த துயரமான நிகழ்விற்கு நாம் யாவரும் சபூர் என்னும் பொறுமையைக் கடைப்பிடித்து, அவர்களின் மறுமை நற்பேற்றிற்காக துஆ செய்வது கடமையாக இருக்கிறது.

எல்லாம்வல்ல அல்லாஹ் மர்ஹூம் அவர்கள் மீது அவனுடைய ரஹ்மத்தை வாரி வழங்கி அவர்களின் பாவப் பிழைகளை மன்னித்து கிருபை செய்து, அவர்களுடைய கப்ர் - மண்ணறையை பிரகாசமாக்கி, மறு உலக வாழ்க்கையில் நம் கண்ணின் மணி நபி (ஸல்) அவர்களின் ஷபாஅத் என்னும் மேலான பரிந்துரையை பெற்றவர்களாக சுவனத்தில் நுழையச் செய்வானாக! ஆமீன்!

மேலும் உங்கள் யாவருக்கும் வல்ல ரஹ்மான் நல்ல பொறுமையைத் தந்து கிருபை செய்து அருள் புரிவானாக! ஆமீன்!

கண்ணியமிகு பேராசிரியர் மென்மையான மனதுக்கு சொந்தகாரர்...

நல்ல பேச்சும், நிர்வாகத் திறமையும் உடையவர்...

இனிமையான முறையில் அனைவரோடும் பழகக்கூடியவர்...

எளிய முறையில் பாடம் போதிக்கக் கூடியவர்... குறிப்பாக மகளிர் கல்வியின் முன்னேற்றத்திற்காக அரும்பாடுபட்டவர்...

இந்த அழகிய புகழுக்கு சொந்தக்காரர் நம் கண்ணை விட்டு மறைந்தது நம் சமுதாயத்திற்கு ஒரு பேரிழப்புதான் என்றால் அது மிகையாகாது! எல்லாவற்றுக்கும் அல்லாஹ் போதுமானவன்!

இவ்வாறு அந்த அறிக்கையில் தெரிவிக்கப்பட்டுள்ளது.