{ முகநூல் கருத்துக்கள்}{ட்விட்டர் கருத்துக்கள்}

ஜித்தா காயல் நற்பணி மன்றத்தின் 34-வது பொதுக்குழு கூட்டம், பெருநாள் சந்திப்பு மற்றும் காயலர் சங்கம நிகழ்வாக மழலைகள் மற்றும் பெரியோர்களின் உள்ளரங்க வெளியரங்க விளையாட்டு போட்டிகளுடன் மிககுதூகலத்தோடு காயலர் குடும்ப சங்கம நிகழ்வாக நடைபெறவுள்ளது. இக்கூட்டத்திற்கு அனைவருக்கும் அழைப்பு விடுத்து அம்மன்றத்தின் சார்பாக வெளியிடப்பட்டுள்ள அழைப்பாவது.

அல்லாஹ்வின் திருப்பெயரால் ஆரம்பம் செய்கின்றோம்...

அன்புச்சகோதரர்களுக்கு அஸ்ஸலாமு அலைக்கும்.

நமது ஜித்தா காயல் நற்பணி மன்றத்தின் 34-வது பொதுக்குழு கூட்டம், பெருநாள் சந்திப்பு மற்றும் காயலர் சங்கம நிகழ்வாக வழமைப்போல் வெளியரங்கில் வைத்து கடந்த பொதுக்குழு கூட்டம் நடைபெற்ற அதே இடமான மக்கா மதீனா விரைவுச்சாலை அருகில் அமைந்துள்ள ஜித்தா ,"அஸ்ஸஃப்வா" இஸ்திராஹ் எனும் மிக விசாலமான ஓய்வில்லத்தில் இன்ஷாஅல்லாஹ் எதிர்வரும் 04-09-2015, வெள்ளிக்கிழமை மாலை 03:00 மணி முதல் இரவு 11 : 00 மணி வரை உள்ளம் மகிழும் உள்ளரங்க போட்டிகள் , உற்சாகமூட்டும் வெளியரங்க விளையாட்டு போட்டிகள் ஆடவர் , மகளிர் மற்றும் மழலைகளுக்கு என்று தனித்தனியாக நடைபெற உள்ளது என்பதை மிக மகிழ்வுடன் அறிய தருகின்றோம்.







இனியதோர் இந்நிகழ்வில் தாங்கள் யாவரும் குடும்பத்துடன் வருகை தந்து கலந்து சிறப்பித்து தருவதுடன் இந்த தகவலை நமதூர் நண்பர்கள் அன்பர்களுக்கும் அறிய தந்து அவர்களையும் அழைத்து வருமாறும் மேலும் நல்லாதரவும் நல்ஆலோசனையும் நல்குமாறு மிக்க அன்புடன் அழைக்கின்றோம்.

குறிப்பு : பகல் 3-00 மணியளவில் ஜித்தா,ஷரபியாவில் உள்ள ஆரியாஸ் உணவகம் அருகிலிருந்து நிகழ்விடம் செல்ல பேருந்து ஏற்பாடு செய்யப்பட்டுள்ளது. வாகன வசதி இல்லாதோர் குறித்த நேரத்தில் வந்து ஒத்துழைக்குமாறு வேண்டுகின்றோம்.

அன்புடன் அழைக்கும்,

காயல் நற்பணி மன்றம் ஜித்தா
(மக்கா - மதீனா - யான்பு)