{ முகநூல் கருத்துக்கள்}{ட்விட்டர் கருத்துக்கள்}

வரும் ஈதுல் அழ்ஹா - ஹஜ் பெருநாளை முன்னிட்டு, கத்தர் காயல் நல மன்றம் சார்பில் செப்டம்பர் 12ஆம் நாளன்று பெருநாள் ஒன்றுகூடல் நிகழ்ச்சி நடத்தப்படவுள்ளதாகவும், கத்தர் வாழ் காயலர்கள் அனைவரும் கலந்துகொள்ளுமாறும், அவ்வமைப்பின் சார்பில் கேட்டுக்கொள்ளப்பட்டுள்ளது.

இதுகுறித்து, கத்தர் காயல் நல மன்ற செயலாளர் எம்.என்.முஹம்மத் ஸுலைமான் வெளியிட்டுள்ள அழைப்பறிக்கை:-

அன்பின் மன்ற உறுப்பினர்கள் மற்றும் கத்தர் வாழ் காயலர்கள் அனைவருக்கும் அஸ்ஸலாமு அலைக்கும்.

வல்ல அல்லாஹ்வின் பேரருளால், வரும் 12.09.2016 திங்கள்கிழமையன்று மாலை 16.30 மணியளவில், நமது மன்றத்தின் சார்பில், ஹஜ்ஜுப்பெருநாள் ஒன்றுகூடல் நிகழ்ச்சி, Corniche Road, Moven Pick Hotel பின்புறம் உள்ள பூங்காவில் வைத்து இன்ஷாஅல்லாஹ் நடத்தப்படவுள்ளது என்பதை மிக்க மகிழ்ச்சியுடன் அறியத் தருகிறோம்.

மன்றத்தின் அனைத்து உறுப்பினர்களும், கத்தர் நாட்டிற்கு புதிதாக வந்திருக்கும் காயலர்கள் உள்ளிட்ட அனைத்து காயலர்களும், இச்செய்தியையே அழைப்பாகக் கருதி, தங்கள் குடும்பத்தினருடன் குறித்த நேரத்தில் கலந்துகொள்ள வருமாறு அன்புடன் அழைக்கின்றோம்.

மன்ற உறுப்பினர்கள் அனைவருக்கும் ஹஜ்ஜுப்பெருநாள் நல்வாழ்த்துக்கள்!

குறிப்பு: அனைவருக்கும் சிறப்பான ஏற்பாடுகளை நிறைவாகச் செய்திடும் பொருட்டு, இந்நிகழ்ச்சிக்கு வரவிருக்கும் உறுப்பினர்கள்,
(1) முஹம்மது மொஹிதீன் (தொடர்பு எண்: 55 25 96 06)
(2) ஹாபிழ் நஸ்ருதீன் (தொடர்பு எண்: 55 40 29 91)
(3) சொளுக்கு முஹம்மது இப்ராஹிம் (தொடர்பு எண்: 33 53 86 91)
ஆகியோருள் ஒருவரைத் தொடர்புகொண்டு, தங்கள் வருகையை உறுதிசெய்துகொள்ள அன்புடன் கேட்டுக்கொள்கிறோம்.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல்:
எஸ்.கே.ஸாலிஹ்
(பிரதிநிதி - கத்தர் கா.ந.மன்றம்)