Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
6:26:04 PM
திங்கள் | 16 செப்டம்பர் 2019 | துல்ஹஜ் 46, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
04:5512:1915:2718:2419:32
Sunrise/Sunset timing for Kayalpatnamஉதயம்06:07Moonrise/Moonset timing for Kayalpatnamஉதயம்19:56
மறைவு18:18மறைவு07:37
Morning Twilight
வானியல்கடல்சமூகம்
04:5805:2205:46
உச்சி
12:12
Evening Twilight
சமூகம்கடல்வானியல்
18:3819:0319:27
Go to Homepage
செய்திகள்
Previous News ItemNext News Item
செய்தி எண் (ID #) 18267
#KOTW18267
Increase Font Size Decrease Font Size
ஞாயிறு, செப்டம்பர் 11, 2016
கத்தர் கா.ந.மன்றம் சார்பில் காயல்பட்டினம் நகர பள்ளிகளுக்கிடையிலான வினாடி-வினா போட்டி! எல்.கே.மேனிலைப்பள்ளி தொடர்ந்து 7ஆவது ஆண்டாக கோப்பையைத் தட்டிச் சென்றது!!
செய்திஎஸ்.கே.எஸ். (தாருத்திப்யான் நெட்வர்க்)
இந்த பக்கம் 1725 முறை பார்க்கப்பட்டுள்ளது | வாசகர் கருத்துக்கள் காண (2) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 0)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

கத்தர் காயல் நல மன்றம் சார்பில், தி காயல் ஃபர்ஸ்ட் ட்ரஸ்ட் & இக்ராஃ கல்விச் சங்கத்துடன் இணைந்து நடத்தப்பட்ட - நகர பள்ளிகளுக்கிடையிலான 7ஆம் ஆண்டு வினாடி-வினா போட்டியில், காயல்பட்டினம் எல்.கே.மேனிலைப்பள்ளி அணி தொடர்ந்து ஏழாவது ஆண்டாக முதலிடத்தை வென்றுள்ளது.

இதுகுறித்து, கத்தர் காயல் நல மன்றத்தின் பிரதிநிதி எஸ்.கே.ஸாலிஹ் வெளியிட்டுள்ள நிகழ்வறிக்கை:-

ஏழாமாண்டு வினாடி-வினா போட்டி:

கத்தர் காயல் நல மன்றம் சார்பில் - காயல்பட்டினம் இக்ராஃ கல்விச் சங்கம், தி காயல் ஃபர்ஸ்ட் ட்ரஸ்ட் அமைப்புகளுடன் இணைந்து, ஆண்டுதோறும் - காயல்பட்டினம் நகர பள்ளிகளுக்கிடையிலான வினாடி-வினா போட்டி நடத்தப்பட்டு வருகிறது.

ஏழாமாண்டு போட்டி, 04.09.2016. ஞாயிற்றுக்கிழமையன்று 16.30 மணியளவில், காயல்பட்டினம் ஐக்கிய விளையாட்டு சங்க (USC) மைதானத்தில் நடைபெற்றது. இதில், எல்.கே.மேனிலைப்பள்ளி தொடர்ந்து ஏழாவது ஆண்டாக - மீண்டும் கோப்பையைத் தட்டிச் சென்றுள்ளது. விரிவான விபரம் வருமாறு:-







பங்கேற்ற மொத்த அணிகள்:

சென்ட்ரல் மேனிலைப்பள்ளியிலிருந்து 17 அணிகளும்,
எல்.கே.மேனிலைப்பள்ளியிலிருந்து 50 அணிகளும்,
முஹ்யித்தீன் மெட்ரிகுலேஷன் மேனிலைப்பள்ளியிலிருந்து 31 அணிகளும்,
அரசு மகளிர் மேனிலைப்பள்ளியிலிருந்து 42 அணிகளும்,
சுபைதா மகளிர் மேனிலைப்பள்ளியிலிருந்து 58 அணிகளும்,
சென்ட்ரல் மெட்ரிகுலேஷன் மேனிலைப்பள்ளியிலிருந்து 18 அணிகளும்,
எல்.கே.மெட்ரிகுலேஷன் மேனிலைப்பள்ளியிலிருந்து 90 அணிகளும்
என - காயல்பட்டினத்தின் 7 மேனிலைப் பள்ளிகளிலிருந்து, அணிக்கு 2 பேர் வீதம் 306 அணிகளில் 612 மாணவ-மாணவியர் இப்போட்டியில் பங்கேற்றனர்.

போட்டி நடத்துநர்:

கோயமுத்தூர் Quiz Clubஇன் இயக்குநர்களும், புதுயுகம் தொலைக்காட்சியில், பள்ளி - கல்லூரி மாணவர்களுக்கான வினாடி-வினா போட்டியை தயாரித்து நடத்தி வருவோருமான – கோவை செந்தில் குமார், கோவை நடராஜன் கிருஷ்ணசாமி ஆகியோர் இணைந்து இப்போட்டியை நடத்தினர்.

நுழைவுப் போட்டி:

முதற்கட்ட போட்டி எழுத்து முறையில் நடத்தப்பட்டது. போட்டி நடத்துநர் கோவை செந்தில் குமார் கேள்வித் தொகுப்பை இயக்க, நடராஜன் கிருஷ்ணசாமி அதை ஆங்கிலத்தில் வாசித்து, தமிழாக்கமும் செய்து விளக்க, மாணவ-மாணவியர் அவற்றுக்கான விடைகளை - கொடுக்கப்பட்ட விடைத்தாள்களில் எழுதினர்.









இறுதிப்போட்டியில் இடம்பெற்ற அணிகள்:

பொது அறிவு சார்ந்து கேட்கப்பட்ட 26 வினாக்களில், அதிக வினாக்களுக்கு சரியான விடையளிக்கும் முதல் ஒரு பள்ளியிலிருந்து மட்டும் இறுதிப்போட்டியில் இரண்டு அணிகளுக்கும், இதர அனைத்துப் பள்ளிகளிலிருந்தும் தலா ஓர் அணிக்கும் என, 2 + 6 என்ற அடிப்படையில் 8 அணிகளுக்கு இடமளிக்கப்படும் என முன்னரே அறிவிக்கப்பட்டிருந்தது.

அதனடிப்படையில், நுழைவுத் தேர்வு முறையில் நடத்தப்பட்ட இப்போட்டியின் விடைத்தாள்களை, கத்தர் காயல் நல மன்றத்துடன் இப்போட்டியை இணைந்து நடத்திய இக்ராஃ கல்விச் சங்கம் மற்றும் தி காயல் ஃபர்ஸ்ட் ட்ரஸ்ட் அமைப்புகளின் பொறுப்பாளர்கள் மதிப்பீடு செய்து, இறுதிப் போட்டிக்குரிய 8 அணிகளை முறைப்படி தேர்வு செய்தனர்.





அதிகளவில் சரியான விடையளித்த எல்.கே. மெட்ரிகுலேஷன் மேனிலைப்பள்ளியிலிருந்து 2 அணிகள்,
சென்ட்ரல் மேனிலைப்பள்ளியிலிருந்து 1 அணி,
முஹ்யித்தீன் மெட்ரிகுலேஷன் மேனிலைப்பள்ளியிலிருந்து 1 அணி,
அரசு மகளிர் மேனிலைப்பள்ளியிலிருந்து 1 அணி,
சுபைதா மகளிர் மேனிலைப்பள்ளியிலிருந்து 1 அணி,
சென்ட்ரல் மெட்ரிகுலேஷன் மேனிலைப்பள்ளியிலிருந்து 1 அணி,
எல்.கே. மேனிலைப்பள்ளியிலிருந்து 1 அணி,
என மொத்தம் 8 அணிகள் இறுதிப்போட்டிக்குள் நுழைந்தன.

நுழைவுத் தேர்வில் கேட்கப்பட்ட கேள்விகளை நடத்துநர் மீண்டும் வாசித்து, பங்கேற்ற மாணவ-மாணவியரிடம் விடைகளைக் கேட்க, அவர்கள் மிகுந்த ஆர்வத்துடன் விடையளித்தனர். சில அரிதான கேள்விகளுக்கு ஓரிரு மாணவர்கள் விடையளித்தனர். அவர்களை நடத்துநர் அழைத்து, அந்த விடைக்கான விளக்கத்தைக் கேட்டபோதும், அவர்கள் அனைவருக்கும் புரியும் வகையில் விளக்கமளித்தனர். அவ்வாறான மாணவ-மாணவியருக்கு, நடத்துநர் இனிப்புப் பண்டங்களைப் பரிசாக வழங்கினார்.



மதிப்பீட்டாளர்கள்:

மஃரிப் தொழுகை இடைவேளைக்குப் பின் இறுதிப்போட்டி மேடையில் நடைபெற்றது. தி காயல் ஃபர்ஸ்ட் ட்ரஸ்ட் அறங்காவலர் எம்.எஸ்.முஹம்மத் ஸாலிஹ், இக்ராஃ கல்விச் சங்க துணைச் செயலாளர் எம்.எம்.ஷாஹுல் ஹமீத் ஆகியோர் இறுதிப்போட்டிக்கான மதிப்பீட்டாளர்களாகக் (Scorers) கடமையாற்றினர்.



கேள்விச் சுற்று, விரைவுக் கேள்விச் சுற்று, அசைபட விரிதிரை மூலம் ஒலி - ஒளிச் சுற்று என பல விதங்களில் கேள்விகள் கேட்கப்பட, இறுதிப்போட்டியில் பங்கேற்ற மாணவ-மாணவியர் ஆர்வமுடன் விடையளித்தனர்.











பார்வையாளர்களுக்கும் பரிசுகள்:

போட்டியில், 8 அணியினரும் விடையளிக்கத் தவறிய கேள்விகள் பார்வையாளர்களிடம் கேட்கப்பட்டு, சரியான விடையளித்தோருக்கு அழகிய பரிசுகள் வழங்கப்பட்டன. கத்தர் காயல் நல மன்ற செயற்குழு உறுப்பினர்கள் சிலரும், போட்டி ஏற்பாட்டுக் குழுவினர் சிலரும் பரிசுப் பொருட்களை வழங்கினர்.





எல்.கே.மேனிலைப்பள்ளிக்கு கோப்பை:

நிறைவில்,
எல்.கே.மேனிலைப்பள்ளியின்
எம்.என்.முஹம்மத் இப்றாஹீம்,
எம்.யு.ஹம்மாத் ரிஃபான்
ஆகியோரடங்கிய அணி முதலிடம் பெற்றது.

இவ்வணிக்கு ரூபாய் 4 ஆயிரம் பணப்பரிசு, பதக்கங்கள் மற்றும் சான்றிதழ்களையும், அணி சார்ந்த எல்.கே.மேனிலைப்பள்ளிக்கு கோப்பையையும், பரிசளிப்பு விழாவிவில் சிறப்பு விருந்தினராகக் கலந்துகொண்ட - காயல்பட்டினம் ஐக்கியப் பேரவை - ஹாங்காங் அமைப்பின் ஆலோசனைக் குழு உறுப்பினரும், ஹாங்காங் இந்தியன் முஸ்லிம் அசோஸியேஷன் (IMA) அமைப்பின் முன்னாள் தலைவருமான கம்பல்பக்ஷ் எஸ்.எச்.பாக்கர் ஸாஹிப் வழங்கினார்.



7 ஆண்டுகளாக நடத்தப்பட்டு வரும் இப்போட்டியில், எல்.கே.மேனிலைப்பள்ளி தொடர்ந்து முதலிடத்தைப் பெற்று வருவது குறிப்பிடத்தக்கது.

இரண்டாமிடம்:

எல்.கே. மெட்ரிகுலேஷன் மேனிலைப்பள்ளியின்
எஸ்.ஏ.சித்தி ஃபாத்திமா, என்.செய்யிதா சுமய்யா
ஆகியோரடங்கிய அணி இரண்டாமிடத்தைப் பெற்றது.

இவ்வணிக்கு, ரூபாய் 3 ஆயிரம் பணப்பரிசு, பதக்கங்கள் மற்றும் சான்றிதழ்கள் வழங்கப்பட்டன.

மூன்றாமிடம்:

எல்.கே. மெட்ரிகுலேஷன் மேனிலைப்பள்ளியின்
கே.ஃபரீதா,
எம்.எஸ்.ஹபீபா
ஆகியோரடங்கிய அணி மூன்றாமிடத்தைப் பெற்றது.

இவ்வணிக்கு, ரூபாய் 2 ஆயிரம் பணப்பரிசு, பதக்கங்கள் மற்றும் சான்றிதழ்கள் வழங்கப்பட்டன.



இதர 5 அணிகள்:

இறுதிப்போட்டியில் பங்கேற்றதன் மூலம் ரூபாய் 500 பணப்பரிசு மற்றும் சான்றிதழ் பெற்ற இதர 5 அணிகள்:-

சென்ட்ரல் மேனிலைப்பள்ளியின்
எஸ்.டி.முஹம்மத் இஸ்ஹாக்,
ஆர்.என்.எம்.ஷாஹுல் ஹமீத்

முஹ்யித்தீன் மெட்ரிகுலேஷன் மேனிலைப்பள்ளியின்
எஸ்.ஜெ.ஷெய்குனா லெப்பை,
எம்.ஏ.சி.மஹ்மூத் முன்ஸிஃப்

அரசு மகளிர் மேனிலைப்பள்ளியின்
என்.எச்.செய்யித் ராபியா நுஃபைலா,
எஸ்.ஏ.எஃப்.ஃபரீதா ஜுல்ஃபிகா

சுபைதா மகளிர் மேனிலைப்பள்ளியின்
எம்.ஏ.ஸஃபீரா,
டீ.யு.ஆமினா ஆஃபியா
சென்ட்ரல் மெட்ரிகுலேஷன் மேனிலைப்பள்ளியின்
டபிள்யு.எஸ்.ஏ.கே.உம்முல் ஃகைரிய்யா,
எச்.ஏ.ரபீனா







நினைவுப் பரிசுகள்:

சிறப்பு விருந்தினர் கம்பல்பக்ஷ் எஸ்.எச்.பாக்கர் ஸாஹிப், வினாடி-வினா போட்டியை நடத்திய கோவை செந்தில் குமார், கோவை நடராஜன் கிருஷ்ணசாமி ஆகியோருக்கு இக்ராஃ கல்விச் சங்க செயலாளர் என்.எஸ்.இ.மஹ்மூது நினைவுப் பரிசுகளை வழங்கினார்.





நன்றியுரைக்குப் பின், நாட்டுப்பண்ணுடன் பரிசளிப்பு விழா நிறைவுற்றது. இக்ராஃ கல்விச் சங்க செயற்குழு உறுப்பினர் எம்.எம்.முஜாஹித் அலீ, கத்தர் காயல் நல மன்றத்தின் பிரதிநிதி எஸ்.கே.ஸாலிஹ் ஆகியோர் பரிசளிப்பு விழா நிகழ்ச்சிகளை நெறிப்படுத்தினர்.

ஏற்பாடு:

போட்டி மற்றும் பரிசளிப்பு விழாவில், பார்வையாளர்களாக பலர் கலந்துகொண்டனர், ஏற்பாடுகளை, இக்ராஃ கல்விச் சங்கம், கத்தர் காயல் நல மன்றம், தி காயல் ஃபர்ஸ்ட் ட்ரஸ்ட் ஆகிய அமைப்புகளின் நிர்வாகிகள் ஒருங்கிணைப்பில், இக்ராஃ கல்விச் சங்க பொருளாளர் கே.எம்.டீ.சுலைமான், கத்தர் காயல் நல மன்ற செயற்குழு உறுப்பினர்களான இசட்.எம்.டி.முஹ்யித்தீன் அப்துல் காதிர், டி.ஃபைஸல் ரஹ்மான், ஐக்கிய விளையாட்டு சங்க நிர்வாகிகளும் - செயற்குழு உறுப்பினர்களும், அங்கத்தினருமான ஏ.எஸ்.புகாரீ, எம்.எல்.ஹாரூன் ரஷீத், ‘தமிழன்’ முத்து இஸ்மாஈல், எம்.சதக், எம்.என்.அஹ்மத் ஸாஹிப், உள்ளிட்டோரடங்கிய குழுவினர் இணைந்து செய்திருந்தனர்.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல்களுள் உதவி:
K.M.T.சுலைமான்
(பொருளாளர் - இக்ராஃ கல்விச் சங்கம்)

படங்கள்:
வீனஸ் ஸ்டூடியோ


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:...சின்ன சின்ன ஆசை சிறகடிக்கும் ஆசை
posted by mackie noohuthambi (kayalpatnam ) [11 September 2016]
IP: 163.*.*.* Japan | Comment Reference Number: 44617

அருமையான ஒரு இன்சுவை நிகழ்ச்சி.

அசத்தப் போவது யார் என்று தொலைக் காட்சியில் ஒரு நிகழ்ச்சி நடக்கும் அதற்கு நிகரான ஒரு நிகழ்ச்சி. எல்லோருக்கும் ஆசைதான் இந்த நிகழ்ச்சியில் ஒரு பரிசு பெற்றுவிடமாட்டோமா என்று. அந்த ஆசைதான் பார்வையாளர்களையும் பைத்தியமாக்கி பரிசுகளுக்காக விடைகளை முன்கூட்டியே சொல்ல ஆசைப் பட்டவர்களில் நானும் ஒருவன். ஆனாலும் மாணவ மாணவிகளுக்கான போட்டி என்பதால் கொஞ்சம் அடக்கி வாசிக்க வேண்டி வந்து விட்டது.

சின்ன சின்ன ஆசை
சிறகடிக்கும் ஆசை
முத்து முத்து ஆசை
முடிந்து வைத்த ஆசை

சாதாரண கேள்விகளுக்கும் விடை தெரியாமல் விழித்துக் கொண்டிருந்த மாணவ மாணவிகள் கேள்வி கேட்டவருக்கே சவால் விடும் அளவுக்கு பெரிய கஷ்டமான கேள்விகளுக்கு மிக சாதாரணமாக விடை அளித்து பொது மக்களை அசர வைத்தார்கள். சிறுவர்களுடன் சிறுவர்களாக இருந்து அவர்களுடன் சேர்ந்து நாமும் சிறுவர்களாக ஆகி மகிழும் தருணங்கள் ஒவ்வொன்றுமே வாழ்க்கையில் நாம் பெறும் பேறுதான்.

வெளி நாடுகளில் வேலை பார்ப்பதும் தொழில் செய்வதும் பொருளீட்டுவதுமாக நம் இளமையை கழித்த காலங்கள் - நம் மக்களுடன் பேசக் கூட நேரம் ஒதுக்க முடியாமல் பிஸி யாக இருந்த காலங்கள் நாம் இழந்த இன்பங்கள் இவற்றை இந்த விழா நாட்களில் மனநிறைவுடன் சமன் செய்து கொண்டோம்.

ஒரு தந்தை தன் மகன் விழிக்குமுன் பணிக்கு சென்று விடுவார். வீட்டுக்கு திரும்பி வரும்போது மகன் தூங்கி விடுவான். ஒருநாள் மகன் தந்தை இடம் கேட்டான். அப்பா நீங்கள் அலுவலகத்துக்கு போனால் ஒரு நாள் சம்பளம் எவ்வளவு கிடைக்கும்? தந்தை ஒரு குறிப்பிட்ட தொகையை சொன்னார். மகன் சொன்னான் அந்த பணத்தை நான் எனது உண்டியலில் இருந்து எனது pocket money யிலிருந்து தந்து விடுகிறேன். இன்று ஒரு நாள் மட்டும் என்னுடன் நீங்கள் இருங்கள் உங்களுடன் மனம் விட்டு பேச ஆசையாக இருக்கிறது என்றான். தந்தையின் விழியிலிருந்து தாரை தாரையாக கண்ணீர் வழிந்தது மகனை ஆரத்தி தழுவிக் கொண்டார்.

இது கதையல்ல நிஜம் நமது எல்லோர் வாழ்விலும் நிலைத்து விட்ட ஒரு செய்தி. இந்த நிகழ்ச்சி நமக்கெல்லாம் அந்த செய்தியை நினைவு படுத்தியது.

கத்தர் காயல் நலமன்றம் ஏற்பாடு செய்திருந்த இந்த வினாடி வினா போட்டி கலந்து கொண்டவர்களை மட்டும் உற்சாகப படுத்தவில்லை. பார்வையாளர்கள், நிகழ்ச்சி அமைப்பாளர்கள் மதிப்பெண் வழங்கியவர்கள் இந்த வினாடி வினாவை கேட்ட கோவை சகோதரர்களையும் உற்சாகப் படுத்தியது.

எனது 65 வயதில் எனக்கு ஒரு புதிய செய்தி கிடைத்தது. COPYRIGHT நான் சாதாரணமாக கேள்விப் பட்ட ஒன்று. ஆனால் COPYLEFT இப்போதுதான் தெரிய வந்தது. அதற்கான அடையாளம் symbol அதுவும் இப்போதுதான் அறிவுக்கு தெரிந்தது. இன்னும் எவ்வளவோ......

கற்றது கை மண் அளவு கல்லாதது உலகளவு.

தேடல் உள்ள உயிர்களுக்கே வாழ்வில் பசியிருக்கும்.
தேடல் என்பது உள்ளவரை வாழ்வில் ருசி இருக்கும் .

வாழ்த்துக்கள்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. மனமார்ந்த பாராட்டுக்கள் .
posted by ismail (jeddah) [11 September 2016]
IP: 188.*.*.* Saudi Arabia | Comment Reference Number: 44619

அல்ஹம்து லில்லாஹ்

நம் மாணவ செல்வங்களின் திறமையை வெளிக்கொண்டு வரும் இந்த மாதிரி அறிவுப்பூர்வமான நிகழ்ச்சிகளை தொடர்ந்து நடத்தி வரும் கத்தார் காயல் நற்பணி மன்றம், இக்ரா நற்பணி மன்றம் மற்றும் இதற்க்கு பின்னால் இருந்து இந்த நிகழ்ச்சியை வெற்றிகரமாக நடத்தி முடிக்க உழைத்த அத்துணை உள்ளங்களுக்கும் மனதார நன்றி கலந்த பாராட்டுக்கள்.

வெற்றி பெற்ற மற்றும் பங்குபெற்ற அனைத்து மாணவ மாணவியருக்கும் பாராட்டுகளும் வாழ்த்துகளும்.

இந்த மாதிரி நிகழ்ச்சிகளை காணும்போது நம்மாலும் நேரில் காண இயலவில்லையே என்ற ஒரு சிறு ஏக்கம் எப்போதும் உண்டு , இனி வரும் காலங்களில் வாய்ப்பு கிடைக்க வல்ல இறைவன் உதவி புரிவானாக ஆமீன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Fathima JewellersAKM Jewellers
FaamsCathedral Road LKS Gold Paradise

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2019. The Kayal First Trust. All Rights Reserved