{ முகநூல் கருத்துக்கள்}{ட்விட்டர் கருத்துக்கள்}

இளநிலை பட்டப் படிப்புகளுக்கு - பல்வேறு கல்லூரிகளில் உள்ள பாடப் பிரிவுகள், சேர்க்கை பெற இணைய வழியில் விண்ணப்பிப்பதற்கான விபரங்களை உள்ளடக்கி, காயல்பட்டினம் “நடப்பது என்ன?” சமூக ஊடகக் குழுமம் வெளியிட்டுள்ள தகவலறிக்கை:-

மே 16 அன்று பன்னிரண்டாம் வகுப்பு அரசு பொது தேர்வு முடிவுகள் வெளியாகின. அதனை தொடர்ந்து, பல்வேறு கலை மற்றும் அறிவியல் கல்லூரிகள், முதலாமாண்டு இளநிலை மாணவர் சேர்க்கைக்கான விண்ணப்பங்களை பெற துவங்கியுள்ளன.

ஏறத்தாழ அனைத்து கலை மற்றும் அறிவியல் கல்லூரிகள், பன்னிரண்டாம் வகுப்பு தேர்வு முடிவுகள் வெளியாகி, 10 தினங்கள் வரை விண்ணப்பங்கள் பெறப்படும் என தெரிவித்துள்ளன.

மேலும் - பல கல்லூரிகள், இணையவழியில் மட்டுமே, விண்ணப்பங்களை பெறுகின்றன.

அந்த வரிசையில், சென்னை பெண்கள் கிருஸ்துவ கல்லூரியில் (Women's Christian College; WCC) என்னென்ன இளநிலை படிப்புகள் உள்ளன என்ற விபரமும், விண்ணப்பம் செய்வதற்கான இணையதள முகவரியும் இணைக்கப்பட்டுள்ளது.





http://wcconline.wcc.edu.in/WccOnlinereg/onlineapp_onlineapplication.aspx

குறிப்பு:

// நீங்கள் சேர விரும்பும் ஒவ்வொரு இளநிலை படிப்புக்கும், தனித்தனியாக இணையதளத்தில் விண்ணப்பம் சமர்ப்பிக்கவேண்டும்

// இணையவழி விண்ணப்பத்தின் போதே, மாணவர் புகைபபடம், கையெழுத்து, பெற்றோர் கையெழுத்து, ஜாதி சான்றிதழ், மதிப்பெண் சான்றிதழ் அனைத்தும் பதிவேற்றம் செய்யப்படவேண்டும்

// விண்ணப்பம் கட்டணத்தை இணையதளம் வழியாக செலுத்தவேண்டும்

கல்லூரியின் இணையதளம்:

https://wcc.edu.in

விண்ணப்பங்கள் சமர்ப்பிக்க இருந்து தினம்: மே 26, 2018

1915 ஆம் ஆண்டு துவக்கப்பட்ட இந்த கல்லூரி, சென்னையின் பழமை வாய்ந்த கல்லூரிகளில் ஒன்றாகும். தேசிய தரவரிசை பட்டியலில் (NIRF RANKING) - இக்கல்லூரி 22 வது இடத்தை பெற்றுள்ளது.

இவண்,
நிர்வாகிகள்,
நடப்பது என்ன? சமூக ஊடகக் குழுமம்.
[மக்கள் உரிமை நிலைநாட்டல் மற்றும் வழிகாட்டு அமைப்பின் (MEGA) சமூக ஊடகப்பிரிவு; அரசு பதிவு எண்: 75/2016; தூத்துக்குடி மாவட்டம்]

[பதிவு: மே 20, 2018; 9:30 am]
[#NEPR/2018052001]

இவ்வாறு அந்த அறிக்கையில் தெரிவிக்கப்பட்டுள்ளது.