IP: 223.*.*.* India

ஊராட்சிகளுக்கு நியமிக்கப் பட்டுள்ள தனி அதிகாரிகள் ஆட்சி இன்னும் 6 மாத காலங்களுக்கு நீடிக்கப் பட்டுள்ள செய்தியை நேற்றைய நாளிதழில் படித்தேன்.

அரூஸிய்யா பள்ளி அருகே வேகத்தடை அமைக்கப் பட்டுள்ள செய்தியும் படித்தேன். இன்று வைகறை தொழுகை முடித்து விட்டு நடைப் பயிற்சியையும் அந்த பாதை வழியே சென்று பார்த்தேன்.தார் இன்னும் இறுக்கமாக ஊற்றினால் திடீர் கோடை மழைக்கு அந்த வேகத்தடை ஈடு கொடுக்கும் என்பது எனது அபிப்பிராயம்.

இவ்வளவு விரைவாக வேலைகள் நடக்குமென்றால், சட்டமன்ற தேர்தல் வரும்வரை இந்த தனி அதிகாரி ஆட்சி தொடர்ந்தால் நமதூருக்கு வரவேண்டிய நலத்திட்டங்கள் விரைவாக வரும் என்று நினைக்கிறேன், 18 வார்டுகளுக்கு மக்கள் பிரதிநிகளை தேர்ந்தேடுக்க போட்டி செலவுகள் குத்து வெட்டுக்கள் நடப்பதும் மக்கள் நேரடியாக நகர்மன்ற தலைவரை தேர்ந்தப்பதும் அவை எல்லாம் முடிந்த பிறகு தலைவர் ஒரு வழி உறுப்பினர்கள் தனி வழி என்று கடந்த 7 ஆண்டுகால ஆட்சிகளின் அவலத்தை பார்த்தோம்.

யார் சரி யார் தப்பு என்று இப்போது போஸ்ட் மோர்டெம் பண்ணுவதில் அர்த்தமில்லை. பஞ்சாயத்து ராஜ் ஆட்சி தோல்வியில் பெரும்பான்மையான இடங்களில் நடந்து முடிந்துள்ளது. சட்டமன்ற தொகுதிகள் 18 கூட சட்டமன்ற உறுப்பினர்கள் இல்லாமல் காலியாக கிடக்கிறது. இப்போது ஆளுநர் களப்பணியில் நேரடியாக இறங்கியுள்ளதால் ஆளுநர் ஆட்சி நடந்தாலும் நல்லது போல் தெரிகிறது. நமதூர் நலத்திட்டங்கள் எல்லாமே தனி அதிகாரி மூலமாக நடக்க நடப்பதென்ன குழுமம் முயற்சி செய்தால் நல்லது.

யார் குத்தியாவது நெல் அரிசியாகட்டும் என்றுதான் நடு நிலையாளர்கள் யோசிக்கிறார்கள்.