{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மஜ்லிஸுல் புகாரிஷ் ஷரீஃபின் 92ஆம் ஆண்டு நிகழ்ச்சிகள், 07.03.2019. வியாழக்கிழமை 19.00 மணிக்கு திக்ர் மஜ்லிஸுடன் துவங்கியது.

ரஜப் மாதம் முழுவதும் ஒவ்வொரு நாளும் அதிகாலையில் ஸஹீஹுல் புகாரீ கிரந்தத்திலிருந்து நபிமொழிகள் ஓதப்பட்டு, காலை 09.15 மணியளவில் அன்றைய நாளில் ஓதப்பட்ட நபிமொழிகளுக்கு மார்க்க அறிஞர்களால் விளக்கவுரை வழங்கப்படுவது வழமை.

மார்ச் 12 அன்று நான்காம் நாளில், ஓதப்பட்ட நபிமொழிகளுக்கான விளக்கவுரையை, இலங்கை – கொழும்பு தெவட்டகஹ ஜும்ஆ பள்ளியின் கத்தீப் மவ்லவீ ஹாஃபிழ் கே.எம்.வஜ்ஹுத்தீன் மின்ஹாஜீ வழங்கினார்.

ஜும்ஆ நாளின் மகத்துவம், ஜும்ஆ தொழுகையின் அவசியம், அதைச் சரிவர நிறைவேற்றுபவரின் தகுதிகள், குறை வைப்பவரின் தகுதிகள் குறித்து அவரது உரையில் தகவல்கள் இடம்பெற்றன.

ரஜப் 05ஆம் நாள் (மார்ச் 13) ஓதப்படும் நபிமொழிகளுக்கான விளக்கவுரையை, தமிழக அரசின் தூத்துக்குடி மாவட்ட காழீயும், காயல்பட்டினம் மாதிஹுல் ஜலாலிய்யா மகளிர் அரபிக் கல்லூரியின் முதல்வருமான மவ்லவீ எஸ்.டீ.அம்ஜத் அலீ மஹ்ழரீ ஃபைஜீ வழங்குகிறார்.

ஒவ்வொரு நாளும் நடைபெறும் சொற்பொழிவு நிகழ்ச்சிகள், http://www.bukhari-shareef.com/eng/live/ என்ற இணையதள பக்கத்தில் ஒலி நேரலை செய்யப்படுகிறது.