IP: 195.*.*.* United Arab Emirates

தீர்மான கிளிப்புகளும் தலைப்புகளும் இடம் மாறியுள்ளன. சரி செய்யவும்.

சாலை பணிகளில் மோசடி செய்ததாக குறிப்பிடப்பட்ட ஒப்பந்தக்காரருக்கு மேலும் ஒப்பந்தங்கள் ஒதுக்கப்படுவது ஆச்சரியமாக (!) உள்ளது.

Moderator: Corrected. Thanks!

IP: 204.*.*.* United States

நகராட்சியில் நடைபெற்ற சிறப்புக் கூட்டம், இந்தக் கூட்டம் ஆகிய இரண்டும் ஒரே அமர்வில் நடைபெற்றதால், இவ்விரு செய்திகளிலும் பின்வருமாறு எனது கருத்தைப் பதிவு செய்துள்ளேன்:-

கருத்து எழுதவே மனம் வரவில்லை. அந்தளவுக்கு சிறுபிள்ளைத் தனமாக நடந்துகொண்டிருக்கிறார்கள் நகர்மன்ற உறுப்பினர்கள். இருந்தாலும், மனதில் குடைந்துகொண்டே இருப்பதால், சில கேள்விகளைக் கேட்டு விடுகிறேன்.....

03ஆவது வார்டு உறுப்பினர் சாரா உம்மாள் அவர்களே!

(1) தாங்கள் உட்பட 10 உறுப்பினர்கள் அமைச்சர் சி.த.செல்லப்பாண்டியன் முன்னிலையில் அதிமுகவில் சேர்ந்ததாக தினகரன் உள்ளிட்ட நாளிதழ் செய்திகள் தெரிவித்துக்கொண்டிருக்க, “இல்லை” என மறுக்கிறீர்களே? அப்படித்தான் என்றால், தங்களைப் பற்றி அவதூறாக செய்தி வெளியிட்ட பத்திரிக்கைகளுக்கு முறையாக மறுப்பு அளித்துவிட்டீர்களா?

(2) தாங்கள் அதிமுகவில் இணைந்ததற்கு கடித ஆதாரம் இருப்பதாக துணைத்தலைவர் மும்பை முகைதீன் சொல்கிறாரே, இதுகுறித்த உங்கள் கருத்து என்ன?

(3) “மரியாதை நிமிர்த்தமாகவே அமைச்சரை சந்தித்தேன்” என்று கூறும் தாங்கள், கட்சியில் சேரச் சென்ற உறுப்பினர்களுடன்தான் சென்றிருக்க வேண்டுமா? வேறு நேரமே தங்களுக்குக் கிடைக்கவில்லையா?

05ஆவது வார்டு உறுப்பினர் எம்.ஜஹாங்கீர் அவர்களே!

இப்போதும் தலைவி மீது நம்பிக்கையில்லாமல்தான் இருந்துகொண்டிருக்கிறோம். ஊர் நலனுக்காகவே மீட்டிங்கில் கலந்துகொண்டுள்ளோம் என்று சொல்லும் தாங்கள்,

(1) ஊர் நலனுக்காக தெரு விளக்கு உதிரிபாகங்கள் வாங்கவும் கூட்டப்பொருள் வைக்கப்பட்ட பிப்ரவரி மாதக் கூட்டத்தைப் புறக்கணித்தது ஏன் என்ற தலைவியின் கேள்விக்கு தங்கள் பதில் என்ன?

(2) இதுவரை தாங்கள் எந்தெந்தக் கூட்டங்களில் எது எதற்காக வெளிநடப்பு செய்தீர்கள் என்று பட்டியலிட்டுச் சொல்ல இயலுமா? அப்படி சொன்னால், உங்கள் மக்கள் நல உணர்ச்சி மேலீட்டை நாங்களும் அறிந்துகொள்வோம் அல்லவா?

(3) நகர்மன்றத் தலைவி அவர்கள் தன் சொந்தச் செலவில் (கருப்புப் பணமல்ல!) நடத்திய பொதுக்கூட்டத்தில் உறுப்பினர்கள் மீது - குறிப்பாக உங்கள் மீது குற்றஞ்சாட்டி பல விஷயங்களைச் சொன்னார்களே? அவற்றுக்கெல்லாம் அறிக்கை மூலம் பதில் அளிக்க தயாரா?

06ஆவது வார்டு உறுப்பினர் மம்மி ஹாஜியார் அவர்களே!

(1) இரண்டாவது பைப்லைனுக்கு, பழைய சேர்மன் வாவு செய்யிது அப்துல் ரஹ்மான் ஹாஜி அவர்கள் பணம் தருவதாகக் கூறியதாக தாங்கள் கூற, “அவர் பணம் தருவதாக எழுத்துப்பூர்வமாக தெரிவிக்கவில்லை” என்று துணைத்தலைவர் கூறுகிறாரே? இதன் உண்மை நிலை என்ன?

(2) வாவு செய்யது அப்துல் ரஹ்மான் ஹாஜி அவர்கள் பணம் கொடுத்தார்களா அல்லது வாக்குறுதி மட்டும்தானா?

கேள்விகள் (தேவைப்பட்டால்) தொடரும்...

IP: 94.*.*.* Saudi Arabia

முதலில், இந்த கூட்டம் அமைதியாக நடந்து முடிந்ததற்கு வல்ல ரஹ்மானுக்கும் மற்றும் அனைத்து நல்ல உள்ளங்களுக்கும் நன்றிகள்.

என்னமோ....., தீர்மானங்கள் எல்லாம் நிறை வேற்றுவதில் குறை இல்லை, ஆனால் நடைமுறை செய்யப்படுகிறதா..? ஒன்றும் கிடையாது. ஏட்டில் நன்றாக உள்ளது.

* நம் நகராட்சி பணிகளை எடுத்து நடத்த ஏன் வேறு ஒப்பந்தக்காரர்கள் தயங்குகிறார்கள்? ஒருவர் மட்டும் தானா?

* நகராட்சி அனுமதி பெற்ற ப்ளம்பர்களை நியமித்தல்:-

- எந்த அனுமதி பெற்ற பிளம்பர் வேலை செய்கின்றார், அவருக்கு கொடுக்க வேண்டிய காசை கொடுத்து விட்டு, மற்றவர்கள் தான் வேலை பார்க்கின்றார்கள், எந்த பிளம்பர் குழிக்குள் இறங்கி வேலை செய்கின்றார்.

* குடும்பக்கட்டுப்பாடு பண்ணின நாய்கள் எல்லாம் குடும்பத்துடன் உலாவருகின்றன, முன்பை விட வெறி பிடித்தும், நோய் பிடித்தும் அலைகின்றது. திரும்பவும் அந்த நாய்களையே பிடித்து குடும்பக்கட்டுப்பாடு பண்ணப்போகிறார்களோ என்னவோ..! ஐயா சாமி உடைய கருத்து சரி தான்.

* கற்புடையார் பள்ளி குளத்தை தூர்வாறல் :-

- இருக்கும் குளங்களை எல்லாம் நகராட்சி கட்டுப்பாட்டுக்கு கொண்டு வாருங்கள், நான் சிறுவனாக இருக்கும் போது பார்த்த குளங்கள் ஒன்றுமே இன்று இல்லை. இன்றைய தலை முறைக்கே குளங்கள் என்றால் தெரிவது இல்லை, நோட்டில் ஒட்டும் குளம், ஆறு, கடல் என்ற படங்களை காட்டி தான் விபரம் சொல்லவேண்டியது உள்ளது.

எல்லாம் சரி தான், குத்துக்கல் தெருவில் உள்ள, மொகுதூம் பள்ளி வளாகத்தில் உள்ள தண்ணீர் தேக்க தொட்டி என்றைக்கு பயன்பாட்டுக்கு வரும்.? இன்று வரும் நாளை வரும், வால்வு ஆடர் கொடுத்து உள்ளோம் - வந்ததும் சரியாகி விடும் என்றார்களே..!

நம் MLA ஐயா அவர்களுக்கு முன்பாக, இன்னும் மூன்று மாதத்தில் அனைத்தும் ரெடி ஆகி, செயல்பாட்டுக்கு வந்து விடும் என்று உத்தரவாதம் கூட கொடுத்தார்களே.! அந்த மூன்று மாதம் இன்னும் வரவில்லையோ..?

அனைத்தும் நன்மையாக அமைய இறைஞ்சுகிறேன், வல்லோனிடம்.

IP: 117.*.*.* India

10 உறுப்பினர்கள் அமைச்சர் சி.த.செல்லப்பாண்டியன் முன்னிலையில் அதிமுகவில் சேர்த்தாலும் சரி..! பி ஜே பி யில் சேர்த்தாலும் சரி..! இன்னும் பிற கட்சியில் இணைந்தாலும் சரி...! இதனால் மக்களுக்கு என்ன நன்மை...?

முக்கியமான ஒன்றை கவனித்தீர்களா...?

பொருள் எண் 19 - தற்காலிக பணியாளர் பணி நீட்டிப்பு:

நகராட்சியில் தற்காலிக பணியாளர்களாக பணி செய்து வரும் 14 நபர்களும் யார் மூலம் பணியில் சேர்க்கப்பட்டார்கள்..? இன்று நமது நகரில் பல பேர் படித்து டிகிரி முடித்து வேலை வாய்ப்பு அலுவகலத்தில் தனது பெயரை சட்ட பூர்வமாக பதிவு செய்து வைத்து அரசு வேலைக்காக பல வருடம் காத்திருந்து வரும் இச்சூழலில் இன்று நகராட்சியில் தற்காலிக பணியாளர்களாக பணி செய்து வரும் 14 நபர்களும் இப்பணியில் நீடிக்க வேண்டுமா...?

நகரின் நன்மைக்காக நகர்மன்றத்தில் சேவை செய்வேன் என்று தன்னை சொல்லிகொள்ளும் உறுப்பினர்களே..! எவர் மூலமோ பணியில் சேர்க்கப்பட்டு தற்காலிக பணியாளர்களாக இருக்கும் இவர்களை நீக்கி விட்டு வேலை வாய்ப்பு அலுவலகத்தில் முறைப்படி பதிவு செய்து வேலைக்காக எதிர்பார்த்து கவலையுடன் காத்திருக்கும் நமதூரில் பிறந்து வளர்ந்த (ஆண் - பெண்) படித்த ஏழை பட்டதாரிகள் நகர்மன்றத்தில் பணி புரிய ஆவலுடன் பல பேர் இருக்கிறார்கள்..

உறுப்பினர்களே முதலில் முறைப்படி படித்த பட்டதாரிகளுக்கு முக்கியத்துவும் கொடுங்கள்..! வேலைவாய்ப்பு அலுவகலத்தில் பதிவு செய்தவர்களின் வரிசை படி நகர்மன்றத்தில் வேலைவைப்பை வழங்க ஏற்பாடு செய்யுங்கள்..

நமது சகோதர - சகோதிரிகள் பட்ட படிப்பை முழுமையாக படித்து முடிக்க பல பேரிடம் பண உதவி பெற்று இன்று கடனாளிகளாக நம் சகோதரர்கள் - சகோதிரிகள் கரையேற தவித்து கொண்டு அதில் இருந்து மீள முடியாமல் இருக்கிறாக்கள்..!

உங்களை போன்ற உறுப்பினர்கள் நேர்மையாக நீதியின் பக்கம் மனது வைத்தால் இந்த சகோதர - சகோதிரிகளை கண்டிப்பாக நமது நகர்மன்றத்தில் அலுவலக பணியில் நீங்கள் அமர்த்தலாம்...

நகராட்சியில் தற்காலிக பணியாளர்களாக பணி செய்து வரும் 14 நபர்களும் முறையாக பணியில் சேர்ந்து இருக்கிறார்களா..? என்று என்றாவது தலைவி உட்பட உறுப்பினர்கள் நீங்கள் நகரமன்ற தீர்மான கூட்டத்தில் விவாதித்தது உண்டா...? இல்லையெனில் இனி நடக்கும் கூட்டத்திலாவது விவாதித்து இதற்க்கு (நமதூரின் படித்த பட்டதாரிகளுக்காக) ஒரு நல்ல முடிவை எடுக்குமாறு மிக மிக தாழ்மையுடன் கேட்டுக்கொள்கிறேன்..

இவர்களின் எதிர்பார்ப்பு உங்களின் மூலம் நிறைவேறட்டும்... வாழ்த்துவோம்..! போற்றி துவா செய்வோம் நான் உட்பட நகர்மக்கள் அனைவர்களும்...! இன்ஷா அல்லாஹ்

Moderator: Comment edited!

IP: 90.*.*.* Saudi Arabia

பொருள் எண் 19, தற்காலிக பணியாளர் பணி நீட்டிப்பு தலைவி, மன்ற உறுப்பினர்கள் சிவாரிசின் பெயரில் பணியாளரை தேர்ந்தேடுப்பதில் தவறு இல்லை. சட்டத்திலும் இடம் உண்டு. அன்பன் முத்து இஸ்மாயில் சட்டம் தெரியாது சாடுவது தவறு.

IP: 117.*.*.* India

அட்மின் அவர்களே இது விவாதமல்ல.. மக்கள் விழிப்புணர்வு பெற வேண்டும் என்ற எண்ணத்தில் மட்டுமே... தயவு செய்து விவாதம் என்று தவிர்த்து விடாதீர்கள்...

சட்டம் தெரியாது சாடுவது தவறு...! என்று சொல்லும் சகோதரரே தற்காலிக பணியாளர்களின் பணி சம்பந்தமான விபரம் தகவல் அறியும் உரிமை சட்டத்தின் கீழ் பெறப்படும் தகவலை தாங்கள் விரைவில் என் கருத்தின் மூலம் சட்டம் என்ன சொல்கிறது என்று அறிவீர்கள்..!

வேலைவாய்ப்பு அலுவலகத்தில் பதிவு செய்து காத்திருக்கும் பட்டதாரிகளுக்கு அல்லவா முன்னுரிமை வழங்க படவேண்டும்...? முன்னால் - இந்நாள் நகர்மன்ற தலைவர்கள் மற்றும் உறுப்பினர்களின் சிபாரிசின் மூலமும், ரோஜா சுய உதவி குழு - குசுபு சுய உதவி குழு என்று இப்படி அணைத்து சுய உதவி குழுக்கள் மூலமும் பணியில் அமர்த்தப்பட்டால் பாவம் டிகிரி படித்து பட்டதாரிகளின் நிலை தான் என்ன..? கொஞ்சம் நடுநிலையோடு சிந்தித்து பாருங்கள்...

மக்கள் மத்தியில் நியாயமான முறையில் விழிப்புணர்வு செய்தால் (கருத்து பதிந்தால்) நான் நகராட்சியில் மட்டுமல்ல உறுப்பினர்களுக்கும் உறுப்பினர்களின் அவரவர் ஆதரவாளர்கள் உட்பட அனைவருக்கும் நான் பொல்லாதவன் ஆகிறேன்... நியாயத்திற்காக அனைத்தையும் எதிர்கொள்ள தயார் என்ற மனநிலையில் உறுதியோடு இதை பதிகின்றேன்..

படித்து முடித்து வேலை வைப்பு அலுவலகத்தில் பதிவு செய்து (வரிசை அடிப்படையில்) நகரமன்ற வேலைக்காக காத்திருக்கும் சகோதரர்களுக்கு விரைவில் நமது நகர்மன்றத்தில் வேலை கிடைக்க நாம் நம்மால் இயன்ற குரலை ஒலிக்க செய்வோம்..

IP: 188.*.*.* Saudi Arabia

அன்பு சகோதரர் முத்து இஸ்மாயில் அவர்களே, தங்களுக்கு சட்டம் என்ன சொல்கிறது என்று புரிய தெரியவில்லை. ஆர்வம்மாகவும் வேகமாகவும் வருத்தப்பட்டு இருப்பதை கண்டு உணர்கிறேன். இந்தியசட்டத்தில் SECTION வேறு, அதன் உள்பிரிவு sabscription என்ன என்று தெரியாதுதான் உணர்ச்சிவசப்பட்டு தலைவி மீது நம்பிக்கை இல்லா தீர்மானம் உறுப்பினர்கள் கொண்டுவந்து தோல்வி ஆனது. தலைவி, உறுபினர்களுக்கு கூட ஒன்றுகூடி தீர்மானித்து பனியால் சேர்ப்பதில் சட்டம் உண்டு.