{ முகநூல் கருத்துக்கள்}{ட்விட்டர் கருத்துக்கள்}

டிசம்பர் 3 (செவ்வாய்க்கிழமை) அன்று அமெரிக்காவின் ப்ளோரிடா மாநிலத்தின் ஒர்லாண்டோ நகரிலும், கலிபோர்னியா மாநிலத்தின் எல்க் க்ரோவ் நகரிலும் சஃபர் 1435 பிறை காணப்பட்டதாக moonsighting.com இணையதளம் தெரிவிக்கிறது.

சவுதி அரேபியாவில் CCD கேமரா மூலம் எடுக்கப்பட்ட படம் ...



சஃபர் 1435 - டிசம்பர் 5 (வியாழக்கிழமை) அன்று (டிசம்பர் 4 பின்னேரம்) துவங்குவதாக தமிழ்நாடு மாநில அரசு காஜி சலாஹுதீன் முஹம்மத் அயுப் அறிவித்துள்ளார். இது குறித்து காயல்பட்டணம்.காம் இணையதளம் காஜியை சென்னையில் தொடர்புக்கொண்ட போது, டிசம்பர் 4 அன்று சென்னையில் பிறைக்காணப் பட்டதாகவும், அதனால் முஹர்ரம் மாதம் 29 ஆக பூர்த்திசெய்யப்பட்டு, டிசம்பர் 5 அன்று சஃபர் 1435 மாதம் துவங்கும் என்றும் தெரிவித்தார்.

சஃபர் 1435 மாதம் பிறைக்காணப்பட்டது குறித்து தமிழ்நாடு தௌஹீத் ஜமாஅத் வெளியிட்டுள்ள செய்திக்குறிப்பு வருமாறு:

பிறைதேட வேண்டிய நாளான டிசம்பர் 04.12.13 புதன்கிழமை மஹரிபிற்குப் பிறகு சென்னையில் பிறை தென்பட்டதையடுத்து டிசம்பர் 04.12.13 புதன்கிழமை மஹரிபிலிருந்து ஸபர் முதல் பிறை தமிழகத்தில் ஆரம்பமாகியுள்ளது என்பதனை தெரியப்படுத்திக் கொள்கின்றோம்.

இவண்,

தமிழ்நாடு தவ்ஹீத் ஜமாஅத்,
மாநிலத் தலைமையகம்.

புகைப்படம்:
Islamic Crescents' Observation Project

[Administrator: கூடுதல் தகவல் இணைக்கப்பட்டது @ 4:25 pm / 5.12.2013]
[Administrator: கூடுதல் புகைப்படம் இணைக்கப்பட்டது @ 9:45 am / 8.1.2014]