Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
3:06:43 AM
புதன் | 20 பிப்ரவரி 2019 | ஜமாதுல் ஆஹிர் 15, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
05:2212:3715:5818:3319:45
Sunrise/Sunset timing for Kayalpatnamஉதயம்06:34Moonrise/Moonset timing for Kayalpatnamஉதயம்19:21
மறைவு18:28மறைவு07:05
Morning Twilight
வானியல்கடல்சமூகம்
05:2405:4806:13
உச்சி
12:31
Evening Twilight
சமூகம்கடல்வானியல்
18:4919:1419:38
Go to Homepage
செய்திகள்
Previous News ItemNext News Item
செய்தி எண் (ID #) 15503
#KOTW15503
Increase Font Size Decrease Font Size
ஞாயிறு, மார்ச் 1, 2015
நகர்மன்றக் கூட்டம் ஒத்திவைப்பு! சமையல் ஏற்பாடுகளுடன் உறுப்பினர்கள் உள்ளிருப்புப் போராட்டம்!! முழு அசைப்படப் பதிவுடன்!!!
செய்திஎஸ்.கே.எஸ். (தாருத்திப்யான் நெட்வர்க்)
இந்த பக்கம் 3180 முறை பார்க்கப்பட்டுள்ளது | வாசகர் கருத்துக்கள் காண (8) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 2)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகர்மன்றத்தின் சாதாரண கூட்டம் 27.02.2015 வெள்ளிக்கிழமையன்று 14.30 மணியளவில், நகர்மன்றத் தலைவர் ஐ.ஆபிதா ஷேக் தலைமையில் நடைபெறும் என அறிவிக்கப்பட்டிருந்தது.

கூட்டப் பொருட்கள்:

இக்கூட்டத்தில் பின்வருமாறு 33 பொருட்கள் குறித்து விவாதித்து தீர்மானங்கள் நிறைவேற்றப்படவிருந்தன:-

















பங்கேற்றோர்:

நகராட்சி கூட்டரங்கு பழுதுபட்டுள்ளதால், வழமை போல அலுவலக வளாகத்தில் கிழக்குப்பகுதி மைதானத்தில் சாமியானா பந்தல் அமைக்கப்பட்டு, கூட்டம் நடத்தப்படவிருந்தது. வெளியூரிலிருக்கும் - 11ஆவது வார்டு உறுப்பினரும், நகர்மன்றத் துணைத்தலைவருமான எஸ்.எம்.முகைதீன் தவிர அனைத்து உறுப்பினர்களும் இக்கூட்டத்திற்கு வருகை தந்திருந்தனர்.

ஆணையர் வருகை தாமதம்:

நகராட்சி ஆணையர் ம.காந்திராஜ் இக்கூட்டத்தில் அவசியம் பங்கேற்குமாறு நகர்மன்றத் தலைவர் கூறியிருந்தது ஒருபுறமிருக்க, சுகவீனம் காரணமாக அவர் பங்கேற்க மாட்டார் என கூட்ட அரங்கில் சில உறுப்பினர்கள் கூறினர்.

சிறிது நேரத்திற்குப் பின் ஆணையர், காவல்துறையினர் கூட்ட நிகழ்விடம் வந்ததையடுத்து, நகர்மன்றத் தலைவரும் அங்கு வருகை தந்தார்.





உறுப்பினர்கள் குறுக்கீடு:

கூட்டப் பொருட்களை நகராட்சி பொருத்துநர் நிஸார் வாசிக்கத் துவங்கினார். அப்போது குறுக்கிட்டுப் பேசிய 05ஆவது வார்டு உறுப்பினர் எம்.ஜஹாங்கீர், 10ஆவது வார்டு உறுப்பினர் எஸ்.எம்.பி.பத்ருல் ஹக், 12ஆவது வார்டு உறுப்பினர் ரெங்கநாதன் என்ற சுகு, 18ஆவது வார்டு உறுப்பினர் இ.எம்.சாமி ஆகியோர், டிசம்பர் மாதம் நடைபெற்ற கூட்டத்தின் நிலை குறித்து நகர்மன்றத் தலைவரிடம் விளக்கம் கேட்டனர்.

அக்கூட்டம் ஏற்கனவே நிறைவுற்று, மக்கள் நலன் கருதி அனைத்து கூட்டப் பொருட்களும் ஏற்கப்பட்டு, தீர்மானங்களும் நிறைவேற்றப்பட்டுவிட்டதாக நகர்மன்றத் தலைவர் கூறினார்.

தலைவர் தனக்குத் தேவையான கூட்டப் பொருட்களை மட்டுமே நிரலில் ஏற்றியிருப்பதாகவும், தனக்கு விருப்பமில்லாதவற்றைத் தவிர்த்துள்ளதாகவும் உறுப்பினர்கள் குற்றஞ்சாட்ட, தகுந்த ஆதாரத்தைத் தருமாறு தலைவர் கேட்டார்.

01ஆவது வார்டு உறுப்பினர் எஸ்.ஐ.அஷ்ரஃப் தந்த கோரிக்கைகளைக் கூட்டப் பொருளில் ஏற்றவில்லை என உறுப்பினர்கள் கூற, அவ்வாறு கோரிக்கைக் கடிதம் எதையும் முறைப்படி தான் பெறவில்லை என்றும், அவ்வாறு பெறப்பட்டால் அவற்றைக் கூட்டப் பொருளில் இடம்பெறச் செய்வதில் தனக்கு எந்தத் தயக்கமும் இல்லையென்றும் தலைவர் கூறினார்.

கூட்டம் ஒத்திவைப்பு:

இன்னும் சில கூட்டப் பொருட்களையும் இடம்பெறச் செய்யவில்லை என உறுப்பினர்கள் குற்றஞ்சாட்ட, தேவையான விளக்கம் தரப்பட்டுள்ளதாகவும், மேலதிக விளக்கம் தேவைப்பட்டால் எழுத்து மூலம் கேட்குமாறும், அதற்கு தான் எழுத்திலேயே விளக்கமளிக்க ஆயத்தமாக உள்ளதாகவும், தற்போது இந்தக் கூட்டத்தைத் துவக்கி நடத்திட ஒத்துழைக்குமாறும் தலைவர் கூறினார்.

07ஆவது வார்டு உறுப்பினர் ஜெ.அந்தோணி, 13ஆவது வார்டு உறுப்பினர் எம்.எஸ்.எம்.ஷம்சுத்தீன் தவிர இதர உறுப்பினர்கள் அனைவரும் - முந்தைய கூட்டத்திற்கு முடிவு தெரியாத வரை நடப்பு கூட்டத்தை நடத்த அனுமதிக்க இயலாது என ஒரே குரலில் கூறினர்.

இதனையடுத்து, நடப்பு கூட்டத்தை ஒத்திவைப்பதாகக் கூறி, நகர்மன்றத் தலைவர் கூட்டரங்கை விட்டும் வெளியேறிச் சென்றார்.

தொடர்ந்து கூட்டத்தை நடத்த உறுப்பினர்கள் முயற்சி:

பெரும்பான்மை உறுப்பினர்கள் இணைந்து தமக்குள் ஒருவரைத் தலைவராக நியமித்து தொடர்ந்து கூட்டத்தை நடத்தப்போவதாக 12ஆவது வார்டு உறுப்பினர் ரெங்கநாதன் என்ற சுகு ஆணையரிடம் கூற, கூட்ட வருகைப் பதிவேட்டில் கைச்சான்றும் இட்டு, கூட்டத்தை ஒத்தி வைப்பதாக நகர்மன்றத் தலைவர் கூறிச் சென்றுள்ளதாகவும், வருகைப் பதிவேட்டில் 2 உறுப்பினர்களைத் தவிர இதர உறுப்பினர்கள் யாரும் கைச்சான்றே இடாத நிலையில், அவர்கள் இக்கூட்டத்தைத் தொடர்ந்து நடத்திட சட்டத்தில் இடமில்லை என்றும் ஆணையர் ம.காந்திராஜ் உறுப்பினர்களிடம் கூறிவிட்டார்.

பின்னர், 02ஆவது வார்டு உறுப்பினர் வி.எம்.எஸ்.முஹம்மத் செய்யித் ஃபாத்திமா, 03ஆவது வார்டு உறுப்பினர் பீ.எம்.எஸ்.சாரா உம்மாள், 04ஆவது வார்டு உறுப்பினர் ஏ.டீ.முத்து ஹாஜரா, 08ஆவது வார்டு உறுப்பினர் எம்.எம்.டீ.பீவி ஃபாத்திமா, 09ஆவது வார்டு உறுப்பினர் ஏ.ஹைரிய்யா ஆகியோர் நகராட்சி சட்டப் புத்தகத்தை நுணுக்கமாகப் படித்த பின், தலைவர் இல்லாவிட்டாலும் கூட்டத்தைத் தொடர்ந்து நடத்திட உறுப்பினர்களுக்கு சட்டத்தில் இடமுள்ளதாகக் கூற, அச்சட்டம் - கூட்டம் நடக்கும் என அறிவிக்கப்பட்டு, அனுமதிக்கப்பட்ட நேரத்திற்குள் தலைவர் கூட்டத்திற்கு வருகை தராவிட்டால் மட்டுமே பொருந்தும் என்றும், தற்போதைய சூழலுக்கு அது பொருந்தாது என்றும் ஆணையர் கூறிவிட்டார்.

உள்ளிருப்புப் போராட்டம்:

நகராட்சி நிர்வாக மண்டல இயக்குநர் (ஆர்.டி.எம்.ஏ.) நிகழ்விடம் வந்து சரியான முடிவு தரும் வரை நிகழ்விடத்தை விட்டும் அகலப் போவதில்லை என்றும், உள்ளிருப்புப் போராட்டம் நடத்துவதாகவும், நகராட்சி வளாகத்திற்குள்ளேயே சமையல் செய்யப் போவதாகவும் உறுப்பினர்கள் கூறினர். நகராட்சி அலுவலர்கள் மினிட் புத்தகத்தை அலுவலகத்திற்குள் எடுத்துச் செல்ல முனைந்தபோது, உறுப்பினர்கள் அதைத் தடுத்துவிட்டனர்.



03ஆவது வார்டு உறுப்பினர் பீ.எம்.எஸ்.சாரா உம்மாள் மினிட் புத்தகத்தைத் தன்னுடன் இறுகப் பிடித்துக் கொண்டிருந்தார். கூட்டப் பந்தலில் பெண் உறுப்பினர்கள் மினிட் புத்தகத்தின் அருகிலேயே இருக்க, ஆண் உறுப்பினர்கள் நகராட்சி அலுவலக நுழைவாயில் முன்பு நாற்காலி போட்டு அமர்ந்தனர்.





வட்டாட்சியர் அமைதிப் பேச்சுவார்த்தை:

இவ்வாறிருக்க, இரவு வேளையும் நெருங்கியது. அனைத்து உறுப்பினர்களும் இங்கேயே இருந்து இரவுணவு உண்பர் என உறுப்பினர்கள் கூறியதையடுத்து, சமையல் அடுப்பு, பாத்திரங்கள், உணவுப் பொருட்கள் போன்றவற்றை நகராட்சி வளாகத்திற்குள் சிலர் கொண்டு வர முயற்சித்தனர்.

அந்த வேளையில் அங்கு வந்த திருச்செந்தூர் வட்டாட்சியர் வெங்கடாச்சலம், நகராட்சி வளாகத்திற்குள் சமையல் செய்யக்கூடாது என்று தடுத்துவிட்டதையடுத்து, நகராட்சி அலுவலக கோட்டைச் சுவரையொட்டி வெளியே சாலையோரத்தில் உணவு ஏற்பாடுகள் நடைபெற்றன.



தொடர்ந்து உறுப்பினர்களிடம் பேசிய வட்டாட்சியர், வரும் திங்கட்கிழமையன்று (மார்ச் 02ஆம் நாள்) நகராட்சி நிர்வாக மண்டல இயக்குநர் வந்து விசாரிப்பதாகக் கூறியிருப்பதாகவும், உறுப்பினர்கள் தற்போது கலைந்து செல்லுமாறும் கேட்டுக்கொண்டார்.



இதற்கு உடன்படப் போவதில்லை என சில உறுப்பினர்கள் சொன்னபோது, அவர்களை அமைதிப்படுத்திப் பேசிய 12ஆவது வார்டு உறுப்பினர் ரெங்கநாதன் என்ற சுகு, உயரதிகாரிகள் மூலம் அரசின் கவனத்தை ஈர்க்கவே தாம் இந்த உள்ளிருப்புப் போராட்டத்தை நடத்தியதாகவும், தற்போது அவர்கள் இவ்விஷயத்தைக் கவனத்தில் எடுத்துக்கொண்டுள்ளதால் உரிய தீர்வு கிடைக்கும் என்ற எதிர்பார்ப்புடன் தாங்கள் கலைந்து செல்வதாகவும் கூற, 19.30 மணியளவில் அனைவரும் கூட்ட நிகழ்விடத்தை விட்டும் கலைந்து சென்றனர்.



பின்னர், 04ஆவது வார்டு உறுப்பினர் ஏ.டீ.முத்து ஹாஜரா, 18ஆவது வார்டு உறுப்பினர் இ.எம்.சாமி ஆகியோர் செய்தியாளர்களுக்குப் பேட்டியளித்தனர்.





இதுவரை நடைபெற்ற கூட்டங்களில் நிறைவேற்றப்பட்ட பல தீர்மானங்கள் செயல்வடிவம் பெறவில்லை என்றும், நகர்மன்றக் கூட்டத்தை நடத்தல், கூட்டப் பொருள் தயாரித்தல் உள்ளிட்ட அம்சங்களில் தலைவரின் தன்னிச்சையான போக்கைக் கண்டித்தும் தாங்கள் உள்ளிருப்புப் போராட்டம் செய்ததாக அவர்கள் கூறினர்.

இந்நிகழ்வுகளின் முழு அசைபடப்பதிவைக் காண இந்நிகழ்வின் அசைபடப்பதிவைக் காண கீழ்க்காணும் படத்தின் மீது சொடுக்குக!



காயல்பட்டினம் நகர்மன்றத்தின் முந்தைய கூட்டம் குறித்த செய்தியைக் காண இங்கே சொடுக்குக!

காயல்பட்டினம் நகர்மன்றம் தொடர்பான முந்தைய செய்தியைக் காண இங்கே சொடுக்குக!

[சிறு திருத்தம் செய்யப்பட்டது @ 21:53 / 01.03.2015]


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:...வேடிக்கை வினோத நிகழ்ச்சி...
posted by mackie noohuthambi (colombo) [01 March 2015]
IP: 103.*.*.* | Comment Reference Number: 39395

முன்பு இலங்கை வானொலியில் வேடிக்கை வினோத நிகழ்ச்சி என்று ஒரு நிகழ்ச்சி நடக்கும். பார்ப்பதற்கும் கேட்பதற்கும் ரசனையாக இருக்கும். நமது நகரமன்ற கூட்டங்கள் நடப்பதை இப்போது ஒரு ரசிகனாக இருந்து பார்ப்பதில் மகிழ்ச்சி தருகிறது.

"வேடிக்கையாய் பொழுது போகணும்
கொஞ்சம் விளையாட்டாய் வாழ்ந்து பார்க்கணும்"
என்ற முடிவுக்கு தலைவியும் உறுப்பினர்களும் வந்து விட்டார்கள் போல் தெரிகிறது.

"என்று தணியும் இந்த சுதந்திர தாகம்
என்று முடியும் இந்த நகராட்சி காலம்"
என்று பாட தோன்றுகிறது.

புதிதாக கட்டிடம் கட்டி குளிரூட்டப் பட்ட அறையிலிருந்து சண்டை பிடிப்பதை விட, இப்படி வெளியில் காற்றோட்டமாக இருந்தால் புழுக்கம் இல்லாமல் இருக்கும். காக்கை குருவிகளும் நிகழ்சிகளை கண்டு ரசிக்கும்.

புரட்சி தலைவி அவர்கள் சட்ட மன்றத்தில் விதி 110 இன் கீழ் எல்லா தீர்மானங்களையும் நிறைவேற்றுவார். நமது நகர் மன்ற தலைவியும் அந்த விதியை பின்பற்றுகிறார்கள் போல் தெரிகிறது. அவர்களை தேர்ந்தெடுத்த மக்கள் மட்டும் தலை விதியே என்று தலையில் அடித்துக் கொள்கிறார்கள்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. Re:...
posted by சாளை எஸ்.ஐ.ஜியாவுத்தீன் (அல்கோபார்) [01 March 2015]
IP: 95.*.*.* Romania | Comment Reference Number: 39397

இது எல்லாம் வழமையான செய்திதான்.

புதியது என்றால் சாப்பாடு சட்டிதான்.

முதலில் என்ன சாப்பாடு என்று தெளிவாக தெரிவியுங்கள். வெஜ் ....ஆர்.... நான் வெஜ்.

சரிங்க, கை எழுத்து போடாவிட்டால் படிக்காசு கிட்டுமா..?

சாளை எஸ்.ஐ.ஜியாவுத்தீன், அல்கோபார்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:...
posted by ummuhani kareem (kayalpatnam) [01 March 2015]
IP: 117.*.*.* India | Comment Reference Number: 39398

ஆக இந்த வகையில் 5 வருடம் முடிந்து விடும் இந்த நாடகத்தை எல்லாம் பார்த்த மக்கள் இவர்களை மறுபடியும் தேர்ந்தெடுத்து நகராட்சிக்குள் அனுப்புவார்களா? என்பதை காலம் தான் சொல்லும்

உம்முஹானி கரீம்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
4. Re:...
posted by P.S. ABDUL KADER (KAYALPATNAM) [02 March 2015]
IP: 163.*.*.* Japan | Comment Reference Number: 39400

உறுபினர்களுக்கிடையே கருத்துகள் ஒவொருவிதம், சமையல் சேமியாவில் உப்பு அதிகம். தின்ன ஆளில்லை. வழிபோக்கர்கள் ஆனந்தம்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
5. Re:...
posted by K.D.N.MOHAMED LEBBAI (RIYADH) [02 March 2015]
IP: 2.*.*.* Saudi Arabia | Comment Reference Number: 39402

அஸ்ஸலாமு அலைக்கும்

எப்பா ...என்னடா இது ,, நம் ஊர் நகர் மன்றத்தை தமிழகமே பாராட்டும் என்று நாம் யாவர்களும் எதிர் பார்த்தால் ...இங்கு நடப்பதோ ..தலைகிளாகவே '' உள்ளது .... மற்ற ஊர் நகர் மன்றங்கள் பார்த்து சிரிக்கும் அளவுக்கு நடக்கிறது ...அதான் ஊர் மக்களுக்கு மன வேதனை.......

ஊர் மக்களின் வரி பணமும் தேவைகற்று போகிறது ....அதுவும் மன சங்கடமே ........

நம் ஊர் மக்கள் இனியும் இந்த மாதிரியான ஒரு நகர் மன்ற உறுப்பினர்களை ....அடுத்த தேர்தலில் '' தேர்வு செய்தால் ,, நம் ஊர் பொது மக்களும் சரி & நம் ஊரும் சரி சுத்தமாகவே பயன் அடையாது ..இது உறுதியே ....

நம் வரி பணத்தால் ,, நாம் ஊரின் நலன் பாதுகாட்க ,, படும் & நம் ஊரும் பல வழிகளில் முன்னேற்றம் அடையும் என்று பார்த்தால் ...இத்தனை வருசம் ஆகியும் ...ஒன்றுமே நடக்க வில்லை ...இனியும் நம் மரியாதைக்குரிய உறுப்பினர்களை நம்பி பயனே இல்லை ...என்றாகி விட்டது .....

நமக்கு நல்லதோர் மிக திறமையான ஒரு நகர் மன்ற தலைவி அவர்கள் கிடைத்தும் ....நம் ஊர் முன்னேற்றம் அடையாதது ....நம் துரதிஷ்டமே '''...

பொதுவாக நம் மரியாதைக்குரிய உறுப்பினர்களுக்கு என்னதான் ( எதிர்பார்க்கிறார்கள் ) வேணுமாம் ....ஊர் மக்களுக்கு நல்லதை இவர்கள் நினைப்பதாக தெரிய வில்லை ??

கடேசியில் இவர்கள் நம் நகர் மன்றத்தை ஒரு '' சத்துணவு '' கூடமாகவும் + கேளி கூத்தாகவும் ஆக்கி விட்டார்கள்....

எப்படா இந்த நகர் மன்றதின் காலம் முடியும் ........நல்ல பரந்த மனம் கொண்ட உறுப்பினர்களை நாம் தேர்வு செய்து .....நம் ஊர் பயன் அடையும் காலம் வருமோ ..........அதை தான் இப்போ நாம் எதிர் நோக்கி காத்து இருக்க வேணும் ....வேறு நம் என்னதான் செய்ய முடியும் .....

பொருத்து விட்டோம் ....பொறுப்போம் ....... வஸ்ஸலாம்

K.D.N.MOHAMED LEBBAI
RIYADH


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
6. Re:...
posted by சாளை பஷீர் (சென்னை) [02 March 2015]
IP: 163.*.*.* Japan | Comment Reference Number: 39406

இவ்வளவு நாள் நகர்மன்றத்திற்குள் கமுக்கமாக செய்ததை இன்று பகிரங்கமாக செய்திருக்கின்றார்கள் நகர்மன்ற உறுப்பினர்கள். பாராட்டுக்கள்.

உங்கள் கணக்குகளும் கமுக்கமான நடவடிக்கைக்ளும் உரிய இடத்தில் தீர்க்கப்படாமல் போகாது.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
7.
posted by முஹம்மது ஆதம் சுல்தான்! (yanbu) [02 March 2015]
IP: 128.*.*.* Romania | Comment Reference Number: 39407

"ஈகோ" என்ற இந்த இரு சொல் இரண்டு கோஷ்டிகளுக்கிடையே அகப்பட்டுக்கொண்டு அல்லல்படுகிறேது!

எம்முடைய "ஈகோ"வீரியத்திலும் வலுவிலும் கெட்டியானது அதனால் நான் இமியள்வுகூட இறங்கி வர மாட்டேன் என்று ஒரு சாராரும், நாங்கள் மட்டுமென்ன இளிச்சவாயர்களா இறங்கி வர, என்று இன்னொரு பிரிவினரும் பிடிவாதமாக தங்கள் தங்கள் திமிர் தனத்தை அரங்கேற்றிக்கொண்டிருக்கிறார்கள்!

இதில் வேடிக்கை என்னவென்றால் ஒரு பிரிவினர் சற்று மனமிரங்கி விட்டுக்கொடுக்க முன் வந்தாலும்,அவர்களை முடுக்கி விட்டுக்கொண்டிருக்கும் பின்பலத்தினர்கள், இமியளவும் இறங்கி விடாதீர்கள் எதை எதை எப்படி இயக்குவது என்பது எங்களுக்கு தெரியும்,எங்கள் கட்டளைப்படி பின்தொடர்ந்தால் போதும் என்பது இருபிரிவினருக்கும் போதிக்கப்படும் கட்டாய கட்டளைகளாகும்!

நாடகம் நன்றாக இருக்கவேண்டுமே அப்போதுதானே பல நாட்கள் பலர் ஆதரவோடு ஓடும் என்று அதில் நடிக்கும் நடிகர்கள் சிறிது காட்சியை மாற்றி நடிக்க முற்பட்டாலும் அந்த நாடக இயக்குனர்களின் கொடூரமான கடுமையான கட்டளையின் கீழ்படிதலுக்கு ஆளாகி அவர்களின் ஆணைகளை தலைவணங்கி ஏற்று தலையாட்டும் பொம்மைகளாகி விட்டனர்!

ஆட்டுவிக்கும் ஆளுமை, அதிகாரம்,அளவுக்கதிக அந்தஸ்து, ஆலை முதலையின் அரவணைப்பு, அறிவுக்கூர்மையான நிர்வாகத்திறன் என்ற அகந்தை போன்ற அத்தனை சர்வாதிகார எண்ணங்களடங்கிய "வில்லிருந்து புறப்பட்ட "அம்புகள்"தான் அத்தனை அங்கத்தினர்களும்,ஆளும் தலைமையும்.. அம்புகளை நொந்து பயனில்லை!

இந்த இழிநிலையான இழுபறிக்கு எல்லையே இல்லை. இந்த நிலை இப்படியே நீடித்தால் ஒரு உச்சகட்ட நிலையில் கொடூரமடங்கிய கலவரமாகக்கூட மாறலாம்.அப்படி மாறினால் அந்த விளைவின் பாதிப்பு ,நம் காயலின் கண்ணிய காலாச்சாரத்திற்கு கூட களங்கம் ஏற்ப்பட வாய்ப்புண்டு கணநேரம் வெறியுணர்வுகூடி விலங்கின புத்தியாய் விட்டால் பஸ்ஸ்டாண்டு படு பயங்கர சம்பவம்போல் சம்பவித்துவிடுமோ என்று வெருண்டு கொண்டு இருக்கும் அளவிற்கு பல விபரீத வதந்திகள் உலா வந்துகொண்டிருக்கின்றன. அல்லாஹ் காப்பாற்றுவானாக !

எஞ்சி இருக்கும் நகராட்சி நாட்களையும் இதுபோன்ற கூட்டாஞ்ச்சோறு,கேலி,கூத்து கொண்ட்டாடங்களோடு கழியுங்கள் அதையும் வீணாய்ப்போன மக்களாகிய நாம் வேடிக்கையாக பார்க்க கூடிய பாக்கியசாலிகளாவோம்!

இப்பொழுது உறுப்பினர்களின் சுற்று முடிந்து விட்டது, அடுத்து ஊரின் நடு மையத்தில் தலைவி அவர்கள் அவரை எதிர்க்கும் உறுப்பினர்களை கண்டித்து உண்ணாவிரத்தை ஆரம்பித்தாலும் ஆச்சரியமில்லை!

அப்படி ஆரம்பித்தால் தயவு செய்து அந்த காலகட்டத்தில் வானவேடிக்கை சிலம்பாட்டம்,குத்தாட்டம்,கரகாட்டம் என்ற பொழுதுபோக்கு அம்சங்களையும் சேர்த்துக்கொள்ளுங்கள், எங்களுக்கும் நேரம் நன்றாக கழியும்!

நகராட்சியிலிருந்து தான் ஒரு xxxx நடைபெற வில்லையே, வீட்டிலுள்ள பிள்ளைகளுக்காவது பொழுதுபோக்கு வேடிக்கை காட்டலாமே உங்களை தேர்ந்தெடுத்த வீணாய்ப்போன மக்களாகிய நாங்கள்!அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்!

Moderator: Comment edited!


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
8. Re:...நடுநிலைமையோடு விமர்சியுங்கள்
posted by ம.ஜஹாங்கிர் (Kayalpatnam) [03 March 2015]
IP: 163.*.*.* Japan | Comment Reference Number: 39422

இச்செய்திக்கு கருத்து பதிந்துள்ள சகோதரர்கள். நகர்மன்ற கூட்டத்தில் உறுப்பினர்கள் எழுப்பிய கேள்விகள் சரியானது அல்லது தவறானது என்று ஆதாரத்தோடு தங்களது வாதத்தை முன்வைத்திருக்க வேண்டும்.

அதைவிட்டுவிட்டு, கேலி கிண்டல் செய்திருப்பது சரியில்லை. கூட்டத்தை வேடிக்கையான பொழுதுபோக்கு என்றும், அதை காணும் ரசிகனாக இருக்க விரும்புகிறோன் என்றும் ஒருவர் சொல்கிறார்.

மற்றொறுவர் அங்கு சமைக்கப்பட்டதை சைவமா? அசைவமா என்று கேட்கிறார்.

இன்னும் ஒருவர் சேமியாவிற்கு உப்பு அதிகம் என்று சொல்கிறார்.

வேறொருவர் சமையல் தயாரிக்கும் சத்துணவுக்கூடம் என்று வர்ணிக்கிறார்.

பிறிதொருவர் கூட்டாஞ்சோறு என்கிறார்.

அடுத்தவர் நடைபெற்றது நாடகம் என்கிறார்.

இதுவெல்லாம் தலைவரின் ஆதரவு நிலையை மறைமுகமாக காட்டுகிறதே தவிர, நடுநிலை விமர்சனமாக ஆகாது.

கூட்டத்தை மட்டுமே வீடியோ படம் எடுப்பதற்கு பதிலாக கூட்டத்திற்கு முன்பும், பின்பும் உறுப்பினர்கள் பேசியதையும் வீடியோ எடுத்து வெளியிடுவது எந்த வகையில் நியாயம்?

தொடர்ந்து அவமானபடுத்தப்பட்டும், அலட்சியப்படுத்தப்பட்டு வரும் உறுப்பினர்களில் ஒரு சிலர் உணர்ச்சிவசப்பட்டு, பயன்படுத்தும் சில சொற்களை ஊருக்கு அம்பலப்படுத்தி, அடிப்படையான விசயத்தை திசைதிருப்பும் செயல் நியாயம்தானா?

தவறாக யார் பேசினாலும் தவறுதான், அது தலைவராக இருந்தாலும் சரியே, உறுப்பினராக இருந்தாலும் சரியே. ஆனால் இதுபோன்ற விசயங்களை பெரிதுபடுத்தி, அடிப்படையை மூடிமறைக்கின்ற செயல் நியாயமானது அல்ல. தலைவரை ஆதரிக்கின்ற பலர் தனிப்பட்டமுறையில் பேசுகின்ற கேவலமான பேச்சுக்களையும் வீடியோ எடுத்து இவர்கள் வெளியிடுவார்களா?

ஆகவே நக்கல், நையாண்டி செய்வதை விட்டுவிட்டு, உங்களிடம் உண்மை இருந்தால், ஆதாரங்களோடு விவாதம் செய்ய வாருங்கள். நான் தயாராக உள்ளேன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Fathima JewellersAKM Jewellers
FaamsCathedral Road LKS Gold Paradise

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2019. The Kayal First Trust. All Rights Reserved