{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மஜ்லிஸுல் புகாரி ஷரீஃப் பொதுக்குழுக் கூட்டத்தில், புதிய நிர்வாகிகள் ஒருமனதாகத் தேர்ந்தெடுக்கப்பட்டுள்ளனர். விபரம் வருமாறு:-

மஜ்லிஸுல் புகாரி ஷரீஃப் - ஹிஜ்ரீ 1436ஆம் ஆண்டு வைபவங்களுக்கு புதிய நிர்வாகத்தைத் தேர்ந்தெடுப்பதற்கான பொதுக்குழுக் கூட்டம், இம்மாதம் 04ஆம் நாள் புதன்கிழமையன்று 20.30 மணிக்கு மஜ்லிஸ் ஹல்காவில், அதன் தலைவர் நஹ்வீ இ.எஸ்.செய்யித் முஹம்மத் புகாரீ ஆலிம் தலைமையில் நடைபெற்றது.

மவ்லவீ ஹாஃபிழ் நஹ்வீ ஒய்.செய்யித் ஸதக்கத்துல்லாஹ் ஃகைரீ கிராஅத் ஓதி கூட்டத்தைத் துவக்கி வைத்தார். கடந்த கூட்ட நிகழ்வறிக்கையை, என்.டீ.ஷெய்கு மொகுதூம் வாசித்தார்.

மஜ்லிஸ் அங்கத்தினரும், அபிமானிகளுமான

(1) ஹாஜி கவிஞர் எஸ்.செய்யித் அஹ்மத்
(2) ஹாஜி சொளுக்கு எஸ்.எஸ்.எம்.செய்யித் அஹ்மத் கபீர்
(3) ஹாஜி எம்.எச்.முஹம்மத் ஸுலைமான்
(4) ஹாஜி குளம் செய்யித் ஹுஸைன்

(5) ஹாஜி ஏ.எச்.முஹம்மத் இஸ்மாஈல்
(6) ஹாஜி எம்.ஜெ.ஷெய்கு ஸிராஜுத்தீன்

ஆகியோரின் மறைவுக்கு இரங்கல் தெரிவித்து, அவர்களின் மஃபிரத் - பிழைபொறுப்பிற்காக துஆ இறைஞ்சப்பட்டது.

அதனைத் தொடர்ந்து, கடந்தாண்டின் வரவு - செலவு கணக்கறிக்கை சமர்ப்பிக்கப்பட, கூட்டம் அதை ஒருமனதாக ஏற்றுக்கொண்டது.

நடப்பு 88ஆம் ஆண்டு மஜ்லிஸ் வைபவ
துவக்க நாள் 21.04.2015 செவ்வாய்க்கிழமை என்றும்,
துஆ நாள் (நிறைவு நாள்) 20.05.2015 புதன்கிழமை என்றும்,
நேர்ச்சை நாள் 21.05.2015 வியாழக்கிழமை என்றும் தீர்மானிக்கப்பட்டது.

மஜ்லிஸ் புதிய நிர்வாகிகள் பின்வருமாறு ஒருமனதாகத் தேர்ந்தெடுக்கப்பட்டனர்:-

தலைவர்:
நஹ்வீ இ.எஸ்.செய்யித் முஹம்மத் புகாரீ ஆலிம்

துணைத் தலைவர்:
டி.எம்.கே.ஷெய்கு அப்துல்லாஹ் பேஷ் இமாம்

மேலாளர் (மேனேஜர்):
ஹாஜி ஒய்.எஸ்.ஃபாரூக்

இணைச் செயலாளர்கள்:
(1) மவ்லவீ நஹ்வீ ஐ.எல்.செய்யித் அஹ்மத் முத்துவாப்பா ஃபாஸீ
(2) ஹாஜி கம்பல்பக்ஷ் எஸ்.எச்.பாக்கர் ஸாஹிப்
(3) எஸ்.ஐ.அஹ்மத் முஸ்தஃபா

துணைச் செயலாளர்:
ஹாஜி எஸ்.ஏ.சி.செய்யித் இஸ்மாஈல் ஸூஃபீ

வைபவ கமிட்டியினர்:
(1) ஹாஜி கே.எம்.செய்யித் அஹ்மத் (தலைவர்)
(2) ஹாஜி கம்பல்பக்ஷ் எஸ்.எச்.மொகுதூம் முஹம்மத்
(3) ஹாஜி எம்.எஸ்.எம்.ஷம்சுத்தீன்

இவ்வாறாக நிர்வாகிகள் தேர்ந்தெடுக்கப்பட்டனர்.

பள்ளி செல்லும் மாணவர்களுக்கு மார்க்க அடிப்படைக் கல்வியைப் பயிற்றுவித்தல், திருக்குர்ஆன் ஹிஃப்ழு (மனனப்) பிரிவு ஆகியவற்றைச் செய்து வரும் மத்ரஸத்துல் ஹாமிதிய்யா - உலக முடிவு நாள் வரை மஜ்லிஸுல் புகாரிஷ் ஷரீஃப் வளாகத்திலேயே இயங்கிடவும், தாய்ச்சபை மஜ்லிஸுல் புகாரிஷ் ஷரீஃப், சேய்ச்சபை மத்ரஸா ஹாமிதிய்யா நிறுவனங்களுக்குப் பங்கம் ஏற்படுத்தும் வகையிலான எந்த நிறுவனமும் இங்கு இயங்க அனுமதிக்கப்பட மாட்டாது என்றும், மஜ்லிஸ் வளாக மாடியில் மத்ரஸா ஹாமிதிய்யாவின் அலுவலகத்தைக் கட்ட அனுமதி வழங்கியும் கூட்டத்தில் தீர்மானிக்கப்பட்டது.

இன்னும் சில தீர்மானங்களும் நிறைவேற்றப்பட்டன. மவ்லவீ நஹ்வீ ஐ.எல்.செய்யித் அஹ்மத் முத்துவாப்பா ஃபாஸீ துஆவுக்குப் பின், ஸலவாத்துடன் கூட்டம் நிறைவுற்றது.

இக்கூட்டத்தில், குருவித்துறைப் பள்ளி மஹல்லாவைச் சேர்ந்த - மஜ்லிஸுல் புகாரி ஷரீஃப் பொதுக்குழு உறுப்பினர்கள் கலந்துகொண்டனர்.

மஜ்லிஸுல் புகாரி ஷரீஃபின் கடந்தாண்டிற்கான [ஹிஜ்ரீ 1435 - 87ஆம் ஆண்டிற்கான] புதிய நிர்வாகிகள் தேர்ந்தெடுக்கப்பட்ட தகவல்களடங்கிய செய்தியைக் காண இங்கே சொடுக்குக!

மஜ்லிஸுல் புகாரி ஷரீஃப் தொடர்பான முந்தைய செய்தியைக் காண இங்கே சொடுக்குக!

[சிறு திருத்தம் செய்யப்பட்டது @ 14:33 / 18.04.2015]