நடப்பாண்டு 10ஆம், 12ஆம் வகுப்பு அரசுப் பொதுத்தேர்வு எழுதவுள்ள - தூத்துக்குடி தூய சேவியர் மேனிலைப்பள்ளி மாணவர்கள் 300 பேர், காயல்பட்டினம் ஸாஹிப் அப்பா தைக்காவில் சிறப்புப் பிரார்த்தனை செய்வதற்காக தம் பள்ளி தலைமையாசிரியர் மற்றும் ஆசிரியர்களுடன் 28.02.2015 சனிக்கிழமையன்று காலை 10.00 மணியளவில் வருகை தந்தனர்.

புதுப்பள்ளி ஜமாஅத் சார்பில், அதன் நிர்வாகக் குழு உறுப்பினர் ஊண்டி எம்.ஓ.செய்யித் அஹ்மத் அவர்களை வரவேற்றார். மழ்ஹருல் ஆபிதீன் சன்மார்க்க சபையின் முதல்வர் மவ்லவீ மிஸ்கீன் ஸாஹிப் ஃபாஸீ மாணவர்களுக்கு அறிவுரை வழங்கினார்.

இந்திய யூனியன் முஸ்லிம் லீக் மேற்கு வங்க மாநில இளைஞரணி அமைப்பாளர் ஷாபிர் கஃப்பார் வாழ்த்துரையாற்றினார். லேக்கா முஹம்மத் முஹ்யித்தீன் துஆ பிரார்த்தனை செய்தார். ஏ.எல்.எஸ்.அபூஸாலிஹ் நிகழ்ச்சிகளை நெறிப்படுத்தினார்.



நிறைவில் அனைவருக்கும் சிற்றுண்டி வழங்கப்பட்டது. நன்றி தெரிவித்தவர்களாக ஆசிரியர்களும், மாணவர்களும் விடைபெற்றுச் சென்றனர்.

தகவல் & படங்கள்:
A.S.அஷ்ரஃப்

ஸாஹிப் அப்பா தைக்கா தொடர்பான முந்தைய செய்தியைக் காண இங்கே சொடுக்குக!