{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சி எல்லைக்குள் இயங்கி வரும் டி.சி.டபிள்யு. தொழிற்சாலை உட்பட - தூத்துக்குடி மாவட்டத்தில் இயங்கி வரும் அபாயகரமான தொழிற்சாலைகளுக்கான பாதுகாப்பு மேம்பாடு தொடர்பான புரிந்துணர்வு ஒப்பந்தம், தூத்துக்குடி மாவட்ட ஆட்சியர் ம.ரவிக்குமார் முன்னிலையில் செய்யப்பட்டுள்ளது. இதுகுறித்து, மாவட்ட நிர்வாகத்திலிருந்து பெறப்பட்டுள்ள செய்தியறிக்கை:-

தூத்துக்குடி மாவட்டத்தில் அதிக அளவிலான தொழிற்சாலைகள் இயங்கி வருகின்றன. இவற்றில் மிகவும் அபாயகரமான 9 தொழிற்சாலைகள் கண்டறியப்பட்டது. இந்த 9 தொழிற்சாலைகளும் கீழ்க்காணும் 6 மேலாண்மை நிறுவனங்களின் கீழ் செயல்படுகின்றன. அவைகள் ஸ்டெர்லைட், பிபிசிஎல், ஜஒசிஎல், ஸ்பிக், எஸ்.எச்.வி., எல்.பி.ஜி, டி.சி.டபிள்யு என ஆறு தொழிற்சாலைகள் ஆகும்.

இந்த தொழிற்சாலைகளில் ஆபத்தை விளைவிக்கும் அதிகபட்ச வேதிப்பொருட்கள் பயன்படுத்தப்படுகிறது. ஏதேனும் தீ விபத்து, விஷவாயு கசிவு போன்ற அவசரகால சூழ்நிலையில் மேற்குறிப்பிட்ட 6 நிறுவனங்களும் ஒருவருக்கொருவர் தங்களது பாதுகாப்பை மேம்படுத்தும் நோக்கில் இந்த பாதுகாப்பு மேம்பாடு புரிந்துணர்வு ஒப்பந்தம் ஏற்படுத்தப்பட்டது.

இதற்கான ஒப்பந்தம் மாவட்ட ஆட்சித்தலைவர் திரு.எம்.ரவி குமார் இ.ஆ.ப., அவர்கள் முன்னிலையில் மேற்குறிப்பிட்ட 6 நிறுவனங்களும் கையெழுத்திட்டன.



இந்நிகழ்ச்சியில் இயக்குநர், தொழிலக பாதுகாப்பு மற்றும் சுகாதாரம் சென்னை திரு.சி.ஞானசேகர பாபுராவ், கூடுதல் இயக்குநர், தொழிலக பாதுகாப்பு மற்றும் சுகாதாரம் மதுரை திரு.ஏ.சீனிவாசன், இணை இயக்குநர், தொழிலக பாதுகாப்பு மற்றும் சுகாதாரம் தூத்துக்குடி திரு.வி.ஏ.அப்பாவு சாமராஜ், செய்தி மக்கள் தொடர்பு அலுவலர் திரு.கு.தமிழ்செல்வராஜன் உட்பட பலர் கலந்து கொண்டனர்.

இவ்வாறு அந்த செய்தியறிக்கை தெரிவிக்கிறது.

மாவட்ட நிர்வாகம் தொடர்பான முந்தைய செய்தியைக் காண இங்கே சொடுக்குக!