{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் மகுதூம் ஜும்ஆ பள்ளியில் இயங்கி வரும் மக்தபத்துல் மக்தூமிய்யாவில் பயிலும் மாணவர்களுக்கான சன்மார்க்கப் போட்டிகள், இம்மாதம் 21ஆம் நாள் சனிக்கிழமை காலை 09.00 மணியளவில் நடத்தி முடிக்கப்பட்டுள்ளன.



திருக்குர்ஆன் சிறு அத்தியாயங்கள் மனனப் போட்டி, பேச்சுப் போட்டி என வகுப்பு வாரியாக நடத்தப்பட்ட போட்டிகளில், மக்தப் மாணவர்கள் ஆர்வமுடன் பங்கேற்றனர்.





அதுபோல, மக்தப் பெண்கள் பிரிவு மாணவியருக்கான போட்டிகள், முஹ்ஸனாத் பெண்கள் தைக்காவில் நடத்தப்பட்டன. வகுப்பு வாரியாக நடத்தப்பட்ட இப்போட்டிகளில் மாணவியர் ஆர்வமுடன் பங்கேற்றுள்ளனர்.

அதுபோல, மக்தப் இரண்டாமாண்டு நிறைவு விழா இம்மாதம் 29ஆம் நாள் ஞாயிற்றுக்கிழமை காலை 09.00 மணிக்கு நடைபெறுகிறது.

மகுதூம் ஜும்ஆ மஸ்ஜித் கத்தீபும், ஜாவியா அரபிக்கல்லூரி - அரூஸுல் ஜன்னஹ் மகளிர் அரபிக்கல்லூரி ஆகியவற்றின் பேராசிரியருமான மவ்லவீ ஹாஃபிழ் எஸ்.கே.எம்.காஜா முஹ்யித்தீன் காஷிஃபீ, சென்னை தாய் நிஸ்வான் மத்ரஸா முதல்வர் மவ்லவீ முஹம்மத் உமர் ஆகியோர் வாழ்த்துரை வழங்க, மேலப்பாளையம் உதுமானிய்யா அரபிக்கல்லூரியின் முதல்வர் மவ்லவீ ஹாஃபிழ் எஸ்.எஸ்.ஹைதர் அலீ மிஸ்பாஹீ சிறப்பு விருந்தினராகக் கலந்துகொண்டு சிறப்புரையாற்றவுள்ளார். அதனைத் தொடர்ந்து, போட்டிகளில் சிறப்பிடங்களைப் பெற்ற மாணவ-மாணவியருக்கு பரிசளிக்கும் நிகழ்ச்சியும் நடைபெறவுள்ளது.

மகுதூம் ஜும்ஆ பள்ளி வளாகத்தில் நடைபெறும் இவ்வனைத்து நிகழ்ச்சிகளிலும் பொதுமக்கள் கலந்துகொள்ளுமாறு மக்தப் நிர்வாகத்தால் கேட்டுக்கொள்ளப்பட்டுள்ளது.

இந்நிகழ்ச்சிகள் அனைத்தும் www.ustream.tv/chanel/magudhoom-jumma-masjid என்ற இணையதளத்தில் ஒலி நேரலை செய்யப்படவுள்ளது.

தகவல் & படங்கள்:
M.A.முஹம்மத் இப்றாஹீம் (48)

மக்தபத்துல் மக்தூமிய்யாவின் முதலாமாண்டு நிறைவு விழா நிகழ்ச்சிகள் குறித்த தகவல்களடங்கிய செய்தியைக் காண இங்கே சொடுக்குக!

மக்தபத்துல் மக்தூமிய்யாவின் முதலாமாண்டு நிறைவில் நடத்தப்பட்ட சன்மார்க்கப் போட்டிகள் குறித்த தகவல்களடங்கிய செய்தியைக் காண இங்கே சொடுக்குக!

மக்தபத்துல் மக்தூமிய்யா தொடர்பான முந்தைய செய்தியைக் காண இங்கே சொடுக்குக!