Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
3:27:29 PM
வெள்ளி | 29 மே 2020 | துல்ஹஜ் 302, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
04:3912:2003:4506:3707:51
Sunrise/Sunset timing for Kayalpatnamஉதயம்05:57Moonrise/Moonset timing for Kayalpatnamஉதயம்11:41
மறைவு18:32மறைவு---
Morning Twilight
வானியல்கடல்சமூகம்
04:4105:0805:35
உச்சி
12:15
Evening Twilight
சமூகம்கடல்வானியல்
18:5519:2119:48
Go to Homepage
செய்திகள்
Previous News ItemNext News Item
செய்தி எண் (ID #) 15662
#KOTW15662
Increase Font Size Decrease Font Size
சனி, மார்ச் 28, 2015
சர்வே எண் 278 இடத்தில் பயோ காஸ் திட்ட பூமி பூஜை? நகராட்சி ஆணையர் மறுப்பு! (படங்கள் இணைக்கப்பட்டுள்ளன!!)
செய்திகாயல்பட்டணம்.காம்
இந்த பக்கம் 4370 முறை பார்க்கப்பட்டுள்ளது | வாசகர் கருத்துக்கள் காண (6) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகராட்சியில் - 90 லட்ச ரூபாய் மதிப்பீட்டில் - பயோ காஸ் திட்டம் அமைத்திட, சில மாதங்களுக்கு முன் தமிழக அரசு அனுமதி வழங்கியது.

இந்த திட்டத்திற்கும், நகரின் குப்பைகளை கொட்டுவதற்கும் - முன்னாள் நகர்மன்றத் தலைவர் ஹாஜி வாவு செய்யது அப்துர் ரஹ்மான், தனது சர்வே எண் 278 இடத்தில், 5 ஏக்கர் நிலம் தர முன் வந்ததை அடுத்து, அதற்கு ஆதரவாக நகர்மன்றத்தில் தீர்மானம் நிறைவேற்றப்பட்டது.

இந்த இடம் - பயோ காஸ் திட்டம் அமைத்திட பொருத்தமானது இல்லை என நகர்மன்றத் தலைவர் ஐ.ஆபிதா சேக் கருத்து தெரிவித்து வந்தார். மேலும் நகரில் - இத்திட்டத்திற்கு தேவையான அளவிலான இடம், அரசு மற்றும் நகராட்சியின் வசம் ஏராளமாக உள்ளது என்றும் அவர் கூறி வந்தார்.

நகர்மன்றத் தலைவரின் ஆட்சேபனையை அடுத்து, திருநெல்வேலி நகராட்சி நிர்வாக மண்டல இயக்குனர் அலுவலகத்தை சார்ந்த மண்டல பொறியாளர் கனகராஜ், பயோ காஸ் திட்டத்திற்கு - சர்வே எண் 278 பொருத்தமானதே என தனது அறிக்கையை அக்டோபர் மாதம் வழங்கினார்.

இதனை தொடர்ந்து - நகராட்சி மூலமாக, தமிழ் நாடு மாசு கட்டுப்பாட்டு வாரியத்திற்கு இந்த இடம் குறித்து டிசம்பர் மாதம் விண்ணப்பம் அனுப்பப்பட்டது. அந்த விண்ணப்பத்தை தொடர்ந்து கள ஆய்வு செய்த மாசு கட்டுப்பாட்டு வாரிய அலுவலர்கள், புதிய CRZ அறிவிப்புபடி, சர்வே எண் 278 இடம் - நீர் தேங்கும் இடம் என, நகராட்சியின் விண்ணப்பத்தை - ஜனவரி மாதம் - நிராகரித்தது.



மாசு கட்டுப்பாட்டு வாரியம் நிராகரித்ததை தொடர்ந்து, சென்னையில் உள்ள நகராட்சி நிர்வாக இயக்குனர் பிரகாஷ் IAS, இத்திட்டத்திற்கு வேறு இடம் பார்க்க கூறி, திருநெல்வேலியில் உள்ள நகராட்சி நிர்வாக மண்டல இயக்குனர் சீனி அஜ்மல் கானுக்கு அறிவுறுத்தியுள்ளார். இருப்பினும், சீனி அஜ்மல் கான், மீண்டும் விண்ணப்பத்தை - மறு பரிசீலனைக்காக, மாசு கட்டுப்பாட்டு வாரியத்திடம் சமர்ப்பிக்க - காயல்பட்டினம் நகராட்சி ஆணையர் காந்திராஜை கூறியதாக தெரிகிறது.

காயல்பட்டினம் நகராட்சியின் மறு விண்ணப்பமும், பிப்ரவரி 19 அன்று மீண்டும் நிராகரிக்கப்பட்டது. அந்த நிராகரிப்பு கடிதத்தில் - மாசு கட்டுப்பாட்டு வாரியம், திருநெல்வேலியில் உள்ள நகர் ஊரமைப்பு இயக்ககத்தின் துணை இயக்குனர் அலுவலகத்தில் உள்ள ஆவணங்கள் படியும், சர்வே எண் 278 இடம் - CRZ எல்லைக்குள் வருவதாகவும் தெரிவிக்கப்பட்டிருந்தது.



இதன் பிறகும் நகராட்சி நிர்வாகத்துறை அதிகாரிகள் தங்கள் முயற்சியை கைவிடவில்லை.

CRZ குறித்து பரிசீலனை செய்ய, மாவட்ட அளவில் அமைப்பு ஒன்று உள்ளது. DISTRICT COASTAL ZONE MANAGEMENT AUTHORITY (DCZMA) என்ற இந்த அமைப்புக்கு மாவட்ட ஆட்சியர் தலைவர் ஆவார். விதிமுறைகள்படி, ஆட்சியர் தலைமையில் மாவட்ட அளவில் செயல்புரியும் DCZMA அமைப்புக்கு - CRZ இடத்தில் அமையும் திட்டங்கள் குறித்த விண்ணப்பங்களை பார்வையிட்டு, சென்னையில் உள்ள STATE COASTAL ZONE MANAGEMENT AUTHORITY (SCZMA) அமைப்புக்கு அனுப்பவே அதிகாரம் உள்ளது. நேரடியாக ஒப்புதல் கொடுக்கும் அதிகாரம் இல்லை.

இருப்பினும் - மாவட்ட ஆட்சியரிடம் விண்ணப்பத்தை சமர்ப்பித்து, பணிகளை துவக்க - மண்டல இயக்குனர், காயல்பட்டினம் நகராட்சியின் ஆணையருக்கு அறிவுறுத்தியதாக தெரிகிறது. இந்நிலையில் - சர்வே எண் 278 இடத்தில, மார்ச் 25, புதனன்று காலை 10 மணியளவில், பயோ காஸ் திட்டத்திற்கு பூமி பூஜை நடந்ததாக ஊர்ஜிதமான தகவல்கள் தெரிவிக்கின்றன.

இதில் - நகராட்சி ஆணையர் காந்திராஜ், நகராட்சி பொறியாளர் சிவகுமார், நகராட்சி பணிகள் மேற்பார்வையாளர் சுதாகரன், சுகாதார ஆய்வாளர் பொன்வேல் ராஜ், தொழில்நுட்ப உதவியாளராக ஒப்பந்த அடிப்படையில் பணிப்புரியும் செந்தில் குமார், இப்பணிகளுக்கான டெண்டர் பெற்றுள்ள சேலத்தை சார்ந்த SK & CO நிறுவனத்தை சார்ந்தவர்கள் ஆகியோர் மட்டும் கலந்துக்கொண்டுள்ளனர்.

இது குறித்து - காயல்பட்டணம்.காம், நகராட்சி ஆணையர் காந்திராஜை வினவியது. பூமி பூஜை நடக்கவில்லை என மறுப்பு தெரிவித்த அவர், இது குறித்த விண்ணப்பம் மாசு கட்டுப்பாட்டு வாரியத்திற்கு அனுப்பப்பட்டுள்ளது என்றும், தனது அடுத்த (DCZMA) கூட்டத்தில், இது குறித்து பரிசீலனை செய்வதாக, மாசு கட்டுப்பாட்டு வாரியம் தெரிவித்துள்ளதாகவும் கூறினார்.

நகராட்சி ஆணையர் மறுத்தாலும், புதனன்று பூமி பூஜை நடந்ததை, காயல்பட்டணம்.காம் - நம்ப தகுந்த வட்டாரங்கள் மூலம் - மீண்டும் ஊர்ஜிதம் செய்துள்ளது.

சர்வே எண் 278 இடத்தில், பயோ காஸ் திட்டம் அமைந்திட, அனுமதி வழங்க கோரி, சம்பந்தப்பட்ட அதிகாரிகளுக்கு - மாவட்ட ஆட்சியர் அலுவலகத்தில் இருந்தும், அரசியல் வட்டாரங்களில் இருந்தும் கடுமையான நெருக்கடி கொடுக்கப்பட்டு வருவதாகவும் தெரிகிறது.

அக்டோபர் 8, 2013இல் பயோ காஸ் திட்டத்திற்கு தோதுவான இடங்களை பார்வையிட்டு, மூன்று இடங்களை மாவட்ட ஆட்சியர் பரிந்துரை செய்திருந்தார். அவற்றில் ஒன்றான - சர்வே எண் 278 குறித்த, மாவட்ட ஆட்சியரின் குறிப்பில் -

"மேற்படி நிலப்பரப்பு கடற்கரைப்பகுதியினை ஒட்டி அமைந்துள்ளதால், கடற்கரை மேலாண்மை பகுதி (CRZ) வரையறைக்குள் அமையப்பெறாவண்ணம் திட்ட செயல்பாட்டிற்கான நிலம் தெரிவு செய்யப்படலாம்"

என தெரிவிக்கப்பட்டிருந்தது என்பது குறிப்பிடத்தக்கது.







இவ்வாறிருக்க, புல எண் 278இல் இன்று காலையில் பதிவு செய்யப்பட்ட படங்கள் சில:-















[கூடுதல் படங்கள் இணைக்கப்பட்டன @ 23:19 / 28.03.2015]


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. நம் வாய்க்கு வாக்கரிசி தான்...
posted by முஹம்மது ஆதம் சுல்தான்! (yanbu) [28 March 2015]
IP: 128.*.*.* Romania | Comment Reference Number: 39863

யார் குத்திய நெல் அரிசியாகப்போகிறது என்று பொறுத்திருந்து பார்ப்போம். இவர்களுக்குள்ள "ஈகோ" வினால் நெல் குத்தப்படாமல் போனால் நம் வாய்க்கு அரிசி வராது, இறுதியில் "வாக்கரிசி"க்கான நிலைதான் நமக்கு வந்து சேரும்!

அல்லாஹ் அனைத்தும் அறிந்தவன்!

பொறுமையுடன்,
முஹம்மது ஆதம் சுல்தான்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. Re:...காயல் பட்டிணம் மட்டும் விதி விலக்கா என்ன
posted by Shaik Abdul Cader (Kayal Pattinam) [28 March 2015]
IP: 182.*.*.* India | Comment Reference Number: 39865

உலகம் முழுக்க சாக்கடை அரசியல் நடந்துகொண்டிருக்கும்போது காயல் பட்டிணம் மட்டும் விதி விலக்கா என்ன ? ஆனால் கண்டு புடிச்சிட்டீங்களே ...பாராட்டுக்கள்...அல்ஹம்து லில்லாஹ்.....காயலை காக்க அல்லாஹ் போதுமானவன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:...
posted by சாளை எஸ்.ஐ.ஜியாவுத்தீன் (அல்கோபார்) [29 March 2015]
IP: 37.*.*.* Saudi Arabia | Comment Reference Number: 39872

என்னமோ நடக்குது... மர்மமா இருக்குது...!!!

சிறுவயதில் எங்களுடைய அப்பா, பல கதைகள் சொல்லுவார்கள். குறிப்பாக ஜின்களைப் பற்றி. ஜின் அது செய்தது, இது செய்தது, அதை கொண்டுவந்தது என்று. அப்பொழுது எல்லாம் நான் நம்புவது இல்லை. (ஜின் உள்ளது என்று நம்புவேன்).

இன்று இந்த செய்தியை படித்த பின்பு , அப்பா கூறிய அனைத்து கதைகளையும் நம்பும்படி ஆகி விட்டது.

ஆணையர் கூறுகிறார் - " பயோ காஸ் திட்ட பூமி பூஜை " நடக்க வில்லை என்று.

புகைப்பட ஆதாரங்கள் என்னவோ, இடங்கள் எல்லாம் JCB வைத்து நன்றாக சுத்தப்படுத்தப்பட்டு, பூஜை எல்லாம் நடந்து முடிந்ததை காட்டுகிறது.

ஆக, இது சாத்தான் அல்லது ஜின்களின் வேலைகளாக தான் இருக்கும்.

சாளை எஸ்.ஐ.ஜியாவுத்தீன், அல்கோபார்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
4. கேலிக்கூத்தான முடிவுக்கு வரலாமா?
posted by முஹம்மது ஆதம் சுல்தான்! (yanbu) [29 March 2015]
IP: 128.*.*.* Romania | Comment Reference Number: 39874

ஒருவர் புதுசா JCB வாங்கி இருக்கிறார்.அது ஒழுங்கா வேலை செய்கிறதா என்று ஒரு சோதனை செய்வதற்கு,அந்த இடத்தில் ஓட்டி இருக்கிறார்.அந்த இடமும் சம தளமாக மாறிவிட்டது.

அந்த இடத்தை பார்த்த சிறுவர்கள் அதில் எழு கல்லு விளையாட்டை விளையாட்டி இருக்கலாம்.(ஏழு கற்களை அடுக்கிவைத்து விளையாடுவது,. இதற்க்கு பெரிய இடம் வேண்டும்)

அச்சிறுவர்கள் விளையாடிய பின்னர் அந்த கற்கள் அங்கேயே கிடந்ததால்.அது பூமிபூஜைக்காக வைத்த கல்லு என்று ஒரு கேலிக்கூத்தான முடிவுக்கு வரலாமா?

பொய் என்றால் என்னவென்று தெரியாத ஆணையர் அடித்து கூறி மறுக்கிறார். மாசுகட்டுப்பாட்டு வாரியமே இதைவிட வேறு என்ன சான்று வேண்டும்? அல்லாஹ் அனைத்தும் அறிந்தவன்!

அன்புடன்,
முஹம்மது ஆதம் சுல்தான்!


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
5. Re:...
posted by Vilack sma (jeddah) [29 March 2015]
IP: 176.*.*.* Saudi Arabia | Comment Reference Number: 39876

அவர்கள் சொல்லும் இடத்திலோ , அல்லது இவர்கள் சொல்லும் இடத்திலோ இந்த திட்டம் நிறைவேறாது . ஆக , இந்த திட்டம் கை நழுவி போவது உறுதி .

காயலின் வரலாறு இப்படித்தான் பேசும் , " இன்னாருடைய ஆட்சியில்தான் , இப்படி ஒரு நல்ல திட்டம் வந்து , அது நிறைவேற்ற முடியாமல் பாழாகிபோனது " .


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
6. Re:...
posted by Shaik Abdul Cader (Kayal patnam) [30 March 2015]
IP: 223.*.*.* India | Comment Reference Number: 39893

@vilack ...வரலாறு,சரித்திரம் ௭ல்லாம் சரி.ஆனால் பூகோள பிரச்சினை உள்ளதாமே ?


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்
அதிகாலையில் சிறுமழை!  (29/3/2015) [Views - 1690; Comments - 1]

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Fathima JewellersAKM Jewellers
FaamsCathedral Road LKS Gold Paradise

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2020. The Kayal First Trust. All Rights Reserved