{ முகநூல் கருத்துக்கள்}{ட்விட்டர் கருத்துக்கள்}

திருச்செந்தூர் சட்டப்பேரவை தொகுதியில் போட்டியிடுவதற்கான வேட்பு மனுவை அ.தி.மு.க. கூட்டணி வேட்பாளர் சரத்குமார் 28.04.2016. வியாழக்கிழமையன்று தாக்கல் செய்தார்.

திருச்செந்தூர் சட்டப்பேரவை தொகுதியில் அ.தி.மு.க. கூட்டணி சார்பில், சமத்துவ மக்கள் கட்சி தலைவர் ஆர்.சரத்குமார் போட்டியிடுகிறார்.

இதையொட்டி, அன்று மதியம் திருச்செந்தூரிலுள்ள அதிமுக தேர்தல் பணிமனையிலிருந்து தொண்டர்களுடன் வேட்பாளர் ஊர்வலமாகப் புறப்பட்டுச் சென்றார். 13.05 மணியளவில், திருச்செந்தூர் சட்டப்பேரவைத் தொகுதி தேர்தல் நடத்தும் அலுவலரும் - கோட்டாட்சியருமான தெ.தியாகராஜனிடம் அவர் வேட்பு மனுவைத் தாக்கல் செய்து, உறுதிமொழி எடுத்துக்கொண்டார்.



அப்போது, சமத்துவ மக்கள் கட்சியின் மகளிரணி மாநில செயலாளர் ராதிகா சரத்குமார், தென்மண்டல அமைப்புச் செயலாளர் என்.சுந்தர், திருச்செந்தூர் சட்டப்பேரவைத் தொகுதி அதிமுக செயலாளர் எஸ்.வடமலைப்பாண்டியன், ஒன்றிய செயலாளர் மு.இராமச்சந்திரன் உள்ளிட்டோர் உடனிருந்தனர்.

வேட்பாளர் ஆர்.சரத்குமாருக்கு மாற்று வேட்பாளராக என் சுந்தர் வேட்பு மனு தாக்கல் செய்தார்.