IP: 163.*.*.* Japan

மக்கள் விழிப்புணர்வு பெற இப்படியான முயற்சிகள் மேற்கொண்டுள்ள நண்பர்களுக்கு வாழ்த்துக்கள். உங்களை உற்சாகப் படுத்த பணம் காசு தர வேண்டியதில்லை உங்கள் உணர்வுகளை மதித்து இந்த ஆவண படம் திரையிடும்போது நமதூர் மக்கள் திரளாக வந்திருந்து உங்களுடன் தங்கள் கருத்துக்களை பகிர்ந்து கொண்டாலே உங்களுக்கு இதுபோன்ற இன்னும் பல ஊழல்களை மக்கள் முன் எடுத்து வைத்து விழிப்புணர்வை ஏற்படுத்த வேண்டும் என்ற எழுச்சியை ஏற்படுத்தும்.

ஒரு திருமண வீடு அங்கே வெகு விமரிசையாக நிலவொளி போல் மின்விளக்குகள் போடப்பட்டு ஒளி வெள்ளத்தில் அந்த இடமே மிதந்து நிற்கிறது. ஒலி ஒளி அமைப்பாளர்கள் இதற்காக அந்த திருமண வீட்டார்களிடம் வசூலிக்கும் பணம் மிக குறைவு. திருமணநாளுக்கு முன்னதாகவே இவர்கள் பேரம் பேசுகிறார்கள். 12 மணிநேரம் அல்லது 24 மணி நேரம் லைட்டுகள் எரிய தனியாக மோட்டார் ஜெனெரெடர் போடவேண்டுமானால் அதற்கு இவ்வளவு ரூபாய் தரவேண்டும். தெருவில் அரசு அமைத்துள்ள மின் கம்பியில் இருந்து லைன் இழுத்தால் அதற்கு ஆபீசில் உள்ளவர்களை கவனித்தால் போதும். உங்களுக்கு செலவு குறைய வரும். இப்படி பேரம் பேசுபவர்கள் யாரோ வறுமைக் கோட்டுக்கு கீழே உள்ள ஏழை பாளைகள் அல்ல .வசதி படைத்தவர்கள். சட்டி சட்டியாக விருந்து அளிப்பவர்கள் வீடு நிறைய மின் அலங்காரங்கள், வீட்டு வெளியே சீரியல் லைட் போட்டு இரவை பகலாக ஆக்கி தங்கள் மேலாதிக்கத்தை ஊர் முழுக்க வெளிச்சம் போட்டு காட்டும் பணக்காரர்கள். அரசியல் தலைவர்கள் கூட்டங்கள் மேடைகள் எல்லாமே இந்த ஒளி வெள்ளத்தில் மிதப்பது இப்படித்தான். பின் ஏன் நஷ்டம் வராது.

IF YOU CANNOT SOLVE A PROBLEM THEN YOU ARE PART OF THAT PROBLEM

உங்களால் ஒரு பிரச்சினையை தீர்க்க முடியாவிட்டால், நீங்கள் அந்த பிரச்சினை தீராமல் இருப்பதற்கு ஓர் காரணம் என்று சொல்வார்கள். உண்மையில் நாம் பொதுமக்களும் இதற்கு ஒரு காரணம். ஏற்கெனெவே எல்லா ஆட்சிகளுமே ஊழல் மயம் என்பதற்கு சகாயம் அறிக்கையே போதும்.இந்த ஆவண படத்தை திரையிட எப்படி அரசு காவல்துறை அனுமதித்தது என்பது ஆச்சரியமாக உள்ளது. ''மூடு, டாஸ்மாக்கை மூடு'' என்று பாட்டுப் பாடினாலே அவர்களை தேசிய பாதுகாப்பு சட்டத்தில் கைது செய்யும் ஒரு அவலநிலை இந்த தமிழகத்தில் இருக்கும்போது இப்படி ஒரு துணிச்சலான செயலை செய்து மக்களுக்கு விழிப்புணர்வை ஏற்படுத்தி இருப்பதை பாராட்டவே வேண்டும். இளைஞர்கள் நினைத்தால் எல்லா ஊழல்களையும் வெளிக் கொண்டு வர முடியும். அவர்கள் எதிர்பார்ப்பதெல்லாம் அதற்கான அங்கீகாரம் தான்.

கால்பந்தாட்டத்தில் 11 வீரார்கள் விளையாடும்போது 11000 பேர் கைதட்டி கரகோஷம் எழுப்பி அவர்களை உற்சாகப் படுத்துகிறோம்.அவர்கள் வெற்றி வாகை சூடவேண்டும் என்ற வேட்கையை வெறியை அந்த கரகோஷம் உண்டாக்குகிறது.

அல்லாஹ்வையும் மறுமை நாளையும் கொண்டு ஈமான் கொண்டுள்ள நாம் இந்த ஹராமான விஷயத்தை விட்டும் தவிர்ந்திருக்க வேண்டும். அரசுதான் நம்மிடம் எக்க சக்கமாக வரி வசூலிக்கிறதே, நமது பணம்தானே கொள்ளை போகிறது, அப்படி இருக்கும்போது இதை செய்வதால் என்ன வந்து விடப் போகிறது என்று நினைப்பது தவறு.

DO NEGATIVES DO NOT MAKE ONE POSITIVE இரண்டு தவறுகள் சேர்ந்தால் ஒரு சரியாகாது.

விழிப்புணர்வு பயணம் தொடரட்டும். மக்கள் விழித்து எழும் நாள் வெகு தூரத்தில் இல்லை.

IP: 61.*.*.* India

அஸ்ஸலாமு அலைக்கும் (வரஹ்)

இந்த நிகழ்ச்சிக்கு செல்ல எனக்கு வாய்ப்பில்லாமல் போனது வருத்தமே! இந்த நிகழ்ச்சியில் கலந்துக்கொள்ள வாய்ப்பேற்பட்டிருந்தால் நிறைய கருத்துக்கள் ஆலோசிக்கப்பட்டிருக்கும்.

----------------------------------

இந்த நிகழ்ச்சியின் மூலம் அறிய வந்ததது / தெரிய வந்ததது எல்லாம் தமிழ்நாடு முழுவதற்குமான மின் விநியோகத்தில் பல ஆயிரம் கோடி ரூபாய் முறைக்கேடு மற்றும் மின் தட்டுப்பாடு பற்றியதே!

இந்த முறைக்கேட்டினால் மக்களுக்கு மிகுந்த சிரமம் மற்றும் மக்களின் வரிப்பணம் கொள்ளையடிக்கப்பட்டது என்பது உண்மைதான் – அதே நேரத்தில் மக்கள் சம்பாதித்த (வரி கட்டியது போக உள்ள) சொந்த பணம் கொள்ளையடிக்கப் படவில்லை – மக்கள் அரசுக்கு செலுத்திய வரிப்பணம்தான் கொள்ளையடிக்கப்பட்டிருக்கிறது.

---------------------------------

ஆனால் காயல்பட்டணத்திலோ! மக்களுடைய சொந்த பணம், இதே மின் வாரியத்தால் கொள்ளையடிக்கப்பட்டு கொண்டிருக்கிறது என்பதை எத்தனை பேர் அறிவார்கள்?

இந்த கொள்ளையில் நமது பணம் மட்டும் கொள்ளையடிக்கப்படவில்லை - நமது அறிவும், மானமும், மரியாதையும் கேளிக்கூத்தாக்கப்படுகிறது என்பதை மிகவும் வருத்தத்துடனே! இங்கே தெரியப்படுத்துகிறேன்.

இதற்கு மேல் அதிகம் எழுத விரும்பவில்லை – அதே நேரத்தில் இன்ஷா அல்லாஹ்! விரைவில் இதற்கான முற்றுப்புள்ளி வைக்கப்படும் - அதன் பின் விசயங்கள் அத்தனையும் வெட்ட வெளிச்சமாகும்.

வஸ்ஸலாம்.