{ முகநூல் கருத்துக்கள்}{ட்விட்டர் கருத்துக்கள்}

ஹாங்காங்கில் 06.07.2016. புதன்கிழமையன்று ஈதுல் ஃபித்ர் - நோன்புப் பெருநாள் கொண்டாடப்பட்டது.

அந்நாட்டின் கவ்லூன் பெரிய பள்ளிவாசலில், காலை 07.00 மணிக்குத் துவங்கி, ஒரு மணி நேர இடைவெளிகளுக்கிடையே 3 விடுத்தங்களாக பெருநாள் தொழுகை கூட்டாக நிறைவேற்றப்படுவது வழமை. அதன்படி, நடப்பாண்டும் 3 விடுத்தங்களாக நோன்புப் பெருநாள் தொழுகை நடத்தப்பட்டது. முதல் ஜமாஅத்தை பள்ளியின் தலைமை இமாம் மவ்லவீ ஹாஃபிழ் முஹம்மத் அர்ஷத், இரண்டாவது ஜமாஅத்தை துணை இமாம் மவ்லவீ ஹாஃபிழ் எம்.ஏ.கே.ஷுஅய்ப் நூஹ் மஹ்ழரீ, மூன்றாவது ஜமாஅத்தை கம்பல்பக்ஷ் எஸ்.எச்.பாக்கர் ஸாஹிப் ஆகியோர் வழிநடத்தினர்.

தொழுகை நிறைவுற்ற பின்னர், அங்குள்ள காயலர்கள் ஒன்றுகூடி கட்டித் தழுவி, கைலாகு செய்து, தமக்கிடையில் மகிழ்ச்சியையும், வாழ்த்துக்களையும் பரிமாறிக் கொண்டதுடன், குழுப்படமும் எடுத்துக்கொண்டனர்.













தகவல் & படங்கள்:
ஹாங்காங்கிலிருந்து...
ஹாஃபிழ் A.L.இர்ஷாத் அலீ