{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் ஐக்கிய விளையாட்டு சங்கம் சார்பில், நிகழும் கோடை காலத்தை முன்னிட்டு நடத்தப்பட்ட United Summer Camp விளையாட்டுப் போட்டிகளில், நகரின் இளம் வீரர்கள் ஆர்வமுடன் பங்கேற்றுள்ளனர். இதுகுறித்த செய்தியறிக்கை:-

ஐக்கிய விளையாட்டு சங்கம் பெருமையுடன் நடத்திய UNITED SUMMER CAMP!!!

ஐக்கிய விளையாட்டு சங்கம் பெருமையுடன் நடத்திய காயல் நகர அளவில் 8 முதல் 10 வரை பயிலும் பள்ளி மாணவர்களுக்கான UNITED SUMMER CAMP எல்லாம் வல்ல அல்லாஹ்வின் பெருந்துணையால் ஏப்ரல் 14ஆம் தேதி தொடங்கி ஏப்ரல் 22ஆம் தேதி வரை சுமார் 50 இளம் வீரர்கள் பங்கேற்போடு இனிதே நிறைவுற்றது அல்ஹம்துலில்லாஹ்.

காயல் நகர இளம் கால்பந்து வீரர்களின் திறன் மேம்படுத்தும் நோக்குடன் ஐக்கிய விளையாட்டு சங்கத்தினரால் தலை சிறந்த பயிற்சியாளர்களைக் கொண்டு ஏப்ரல் 14ஆம் நாள் துவங்கப்பட்டது, துவக்க நாள் அன்று ஜனாப். உமர் அலி மற்றும் ஜனாப். LTS சித்தீக் ஆகியோர் சிறப்பு விருந்தினர்களாகக் கலந்து கொண்டு வீரர்களுக்கு அறிவுரை வழங்கி நிகழ்வைத் தொடங்கி வைக்க சுமார் 50 இளம் வீரர்கள் மிகுந்த ஆர்வமுடன் தங்கள் பயிற்சியினை தொடர்ந்தனர்.

சகோதரர் காழி அலாவுதீன் (AFC 'C' License Coacher), எல்.கே. பள்ளியின் உடற்பயிற்சி ஆசிரியர்களான சகோதரர் ஜமால் முஹம்மது, சகோதரர் இஸ்மாயில் மற்றும் முன்னாள் SAI & இந்தியன் வங்கி வீரர் சகோதரர் மொகுதூம் நெய்னா ஆகியோர் அடங்கிய எமது பயிற்சியாளர்கள் இளம் வீரர்களுக்கு Basic Knowledge About Football, Basic Skills, Ball Control, Techniques, Winning Mentality, Discipline ஆகியவற்றைத் திறம்படப் பயிற்றுவித்தனர், மேலும் வீரர்களுக்குப் புத்துணர்வு பானங்களும், ஊட்டச்சத்து உணவுகளும் பயிற்சியின் இடையே அவ்வப்போது வழங்கப்பட்டது.

மேலும், இப்பயிற்சி முகாம் சிறப்பாக நடைபெற உறுதுணையாக இருந்த எல்.கே பள்ளியின் ஆசிரியர் மீரா தம்பி, சகோதரர் சதக்கத்துல்லாஹ் மற்றும் கித்ரு பைசல், புகைப்பட உதவிகள் புரிந்த அப்துல் ரஹ்மான் மற்றும் ரஹ்மத்துல்லாஹ், தகவல் தொடர்பு துறை பொறுப்பாளர்கள் தைக்கா சாஹிப் மற்றும் நெய்னா, இந்நிகழ்வு சீரும் சிறப்புடன் நடைபெற அனுசரணையாலும் ஒருங்கிணைப்பிலும் பெரும் பங்காற்றிய உள்ளூர் மற்றும் வெளிநாடு வாழ் ஐக்கிய விளையாட்டு சங்க முன்னால் வீரர்களுக்கும், சிறப்புறப் பயிற்சியை வழங்கிய பயிற்சியாளர்கள் அனைவருக்கும் UNITED SUMMER CAMP குழுவின் சார்பாக நெஞ்சார்ந்த நன்றியைத் தெரிவித்துக் கொள்கின்றோம்.

UNITED SUMMER CAMP-ன் இறுதி நாள் அன்று சிறப்பு விருந்தினர்களாக ஐக்கிய விளையாட்டு சங்கத்தின் செயலாளர். P.S.M. இல்யாஸ், ஐக்கிய விளையாட்டு சங்கத்தின் முன்னாள் தலை சிறந்த கோல் கீப்பர்களான ஜனாப். இப்ராஹிம், ஜனாப். அன்சாரி மற்றும் ஜனாப். காழி அலாவுதீன் மற்றும் ஜனாப். யாசர் கலாமி ஆகியோர்கள் கலந்து கொண்டு வீரர்களுக்கு அறிவுரைகளை வழங்கி ஊக்கப்படுத்தினர். மேலும் இந்நிகழ்வின் சிறப்புப் பார்வையாளராகக் கால்பந்து ஆர்வலர் மற்றும் பயிற்சியாளர் ஜனாப் சதக் பாய் அவர்கள் கலந்து கொண்டது வீரர்களுக்கு புத்துணர்வை வழங்கியது என்றால் மிகையல்ல.

UNITED SUMMER CAMP-ல் பங்கு பெற்ற அணைத்து வீரர்களுக்கும் சான்றிதழ், கால் பந்து சீருடை மற்றும் சிறப்புப் பரிசுகள் வழங்கி கவுரவிக்கப்பட்டது, இது போன்ற நிகழ்வை ஆண்டு தோறும் தொடர்ந்து நடத்த வேண்டும் என்ற வீரர்கள் மற்றும் பெற்றோர்களின் அன்பு வேண்டுதலை ஏற்று இனிதே நிறைவுற்றது UNITED SUMMER CAMP.

கோடை விளையாட்டு முகாமின் படங்களுள் சில:-

















எமது முகாமை பற்றி எமது பயிச்சியாலர்களும், முகாமின் மூத்த வீரர்களும் பகிர்ந்து கொண்ட கருத்துக்களையும் ஆலோசனைகளையும் காணக் கீழே சொடுக்கவும்:

1) காழி அலாவுதீன், பயிற்சியாளர்: https://drive.google.com/open?id=1R9SDBeHvthIa5y_CxGNvHtklMzCUotah

2) இஸ்மாயில், பயிற்சியாளர்: https://drive.google.com/open?id=1YRe1aPNNR9ji41VhpyhURTElFhCZoPgD

3) மொகுதூம் நெய்னா, பயிற்சியாளர்: https://drive.google.com/open?id=1CsA4xC_TAy9cFvofdeqSi1J7ioqCScg

4) LTS சித்தீக், மூத்த வீரர்: https://drive.google.com/open?id=1y5gCwLrBXVhrSPcrlgf6scl13EEXuvmm

5) அன்சாரி, கோல் கீப்பர்: https://drive.google.com/open?id=1jOIFaP85EkeJE7brC5dP89HKVCsoUCm_

இவ்வாறு அந்த அறிக்கையில் தெரிவிக்கப்பட்டுள்ளது.

தகவல்:
UFL குழு

படங்கள்:
அப்துல் ரஹ்மான் & ரஹ்மத்துல்லாஹ் ஐக்கிய விளையாட்டு சங்கம் - USC