காயல்பட்டினம் தைக்கா தெருவிலமைந்துள்ள ஸாஹிப் அப்பா தைக்காவில், அஷ்ஷெய்க் உமர் வலீ நாயகம் அவர்களின் பிரதான குருவான மஹான் புகாரீ தங்கள் அவர்களின் நினைவு நாள் கந்தூரி நிகழ்ச்சி 01.09.2011 அன்று நடைபெற்றது.

அன்று அஸ்ர் தொழுகைக்குப் பின் மாலை 05.00 மணிக்கு மஹான் அவர்களின் புகழ்பாடும் மவ்லித் மஜ்லிஸ் நடைபெற்றது. மஃரிப் தொழுகைக்குப் பின் இரவு 07.00 மணிக்கு ராத்திப் மஜ்லிஸ் நடைபெற்றது.



அதனைத் தொடர்ந்து மஹான் அவர்களின் வாழ்க்கை வரலாற்று சொற்பொழிவை, காயல்பட்டினம் ஹாமிதிய்யா மார்க்கக் கல்வி நிறுவனத்தின் ஆசிரியர் மவ்லவீ ஹாஃபிழ் நஹ்வீ ஒய்.ஸதக்கத்துல்லாஹ் கைரீ சொற்பொழிவை நிகழ்த்தினார்.



நிறைவாக, சென்னை புகாரிய்யா அரபிக்கல்லூரியின் பேராசிரியர் மவ்லவீ ஹாஃபிழ் நஹ்வீ ஏ.எம்.முஹ்யித்தீன் லெப்பை ஷக்காஃபீ துஆவுக்குப் பின், மஹான் அவர்களின் அடக்கஸ்தலத்தில் ஸலாம் பைத் ஓதப்பட்டு நிகழ்ச்சி நிறைவு செய்யப்பட்டது.



இந்நிகழ்ச்சியில் நகர பொதுமக்கள் திரளாகக் கலந்துகொண்டனர். அனைவருக்கும் தபர்ருக் எனும் நேர்ச்சை வினியோகிக்கப்பட்டது.





களத்தொகுப்பு மற்றும் படங்கள்:
M.W.ஹாமித் ரிஃபாய்.