காயல்பட்டினம் ஹாமிதிய்யா மார்க்கக் கல்வி நிறுவனம் மற்றும் முஅஸ்கர் மகளிர் அரபிக்கல்லூரி ஆகியவற்றின் பேராசிரியர் மவ்லவீ ஏ.சுல்தான் அப்துல் காதிர் ரஹ்மானீயின் தந்தை ஹாஜி எஸ்.எல்.அஹ்மத் ஆலிம், இம்மாதம் 20ஆம் தேதியன்று காலமானார்.

அவரது மறைவுக்கு இரங்கல் தெரிவிக்குமுகமாக, காயல்பட்டினம் மஜ்லிஸுல் புகாரி ஷரீஃபில், 25.06.2013 செவ்வாய்க்கிழமை இரவு 07.15 மணியளவில், ஈஸால் தவாப் நிகழ்ச்சி நடைபெற்றது.

புகாரி ஷரீஃப் தலைவர் மவ்லவீ நஹ்வீ இ.எஸ்.செய்யித் முஹம்மத் புகாரீ தலைமையில் நடைபெற்ற இந்நிகழ்ச்சியில், கத்முல் குர்ஆன் ஓதப்பட்டு, மறைந்த மார்க்க அறிஞரின் பெயரில் ஈஸால் தவாப் செய்யப்பட்டது.

அதன் தொடர்ச்சியாக, மஜ்லிஸுல் புகாரி ஷரீஃப் மற்றும் குருவித்துறைப் பள்ளி நிர்வாகங்களுக்கு அவர் ஆற்றிய சேவை குறித்து மார்க்க அறிஞர்களால் உரை நிகழ்த்தப்பட்டது.

துஆ - ஸலவாத்துடன் நிகழ்ச்சி நிறைவுற்றது.