Kayal on the Web

செய்திகள்

செய்தி எண் (ID #) 11124

#KOTW11124

வெள்ளி, ஜுன் 28, 2013

நாளை (ஜூன் 29) சந்தியுங்கள் மாநிலத்தின் முதன்மாணவர்களை!!!

செய்தி: எஸ்.கே.எஸ். (தாருத்திப்யான் நெட்வர்க்)
இந்த பக்கம் 3732 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகர பள்ளிகளில் பயிலும் மாணவ-மாணவியரை மாநில அளவில் சாதனைகள் புரிந்திட ஊக்கமளிக்கும் நோக்குடன், காயல்பட்டினம் இக்ராஃ கல்விச் சங்கம், தி காயல் ஃபர்ஸ்ட் ட்ரஸ்ட் அமைப்புகள் இணைந்து, “சந்தியுங்கள் மாநிலத்தின் முதன்மாணவரை” என்ற தலைப்பில், ப்ளஸ் 2 அரசுப் பொதுத் தேர்வில் மாநில அளவில் முதலிடம் பெற்ற மாணவ-மாணவியரை காயல்பட்டினத்திற்கு வரவழைத்து, நகர பள்ளி மாணவ-மாணவியருடன் கலந்துரையாடல் மற்றும் நகரின் சிறந்த மதிப்பெண் பெற்ற மாணவ-மாணவியருக்கான பரிசளிப்பு நிகழ்ச்சிகளை கடந்த 7 ஆண்டுகளாக நடத்தி வருகிறது.

அந்த வரிசையில், நடப்பு 8ஆம் ஆண்டின் “சந்தியுங்கள் மாநிலத்தின் முதன்மாணவர்களை - 2013” நிகழ்ச்சி, இம்மாதம் 29ஆம் தேதி சனிக்கிழமையன்று (நாளை) காயல்பட்டினம் ரெட் ஸ்டார் சங்க மைதானத்தில் நடத்தப்படவுள்ளது.

நடைபெற்று முடிந்த ப்ளஸ் 2 அரசுப் பொதுத் தேர்வில் மாநில அளவில் முதலிடங்களைப் பெற்ற எஸ்.அபினேஷ், எஸ்.ஜெயசூர்யா ஆகிய மாணவர்கள் இந்நிகழ்ச்சியில் வரழைக்கப்பட்டு பாராட்டி - பரிசளிக்கப்படவுள்ளனர்.

நாளை மதியம் 02.00 மணிக்கு, காயல்பட்டினம் நகரின் அனைத்துப் பள்ளி மாணவ-மாணவியருடன் மாநில சாதனை மாணவர்கள் சந்திக்கும் கலந்துரையாடல் நிகழ்ச்சி நடைபெறுகிறது.

அதனைத் தொடர்ந்து, நாளை மாலை 04.30 மணிக்கு பரிசளிப்பு விழா நிகழ்ச்சி நடைபெறுகிறது. இவ்விழாவில், மாநிலத்தின் முதன்மதிப்பெண் பெற்ற சாதனையாளர்களுக்கும், நகர சாதனையாளர்களுக்கும் பரிசுகள், பதக்கங்கள் மற்றும் சான்றிதழ்கள் வழங்கப்படவுள்ளன.

இந்நிகழ்ச்சிகள் குறித்து இக்ராஃ கல்விச் சங்கம் மற்றும் தி காயல் ஃபர்ஸ்ட் ட்ரஸ்ட் அமைப்புகளின் சார்பில் வெளியிடப்பட்டுள்ள பிரசுரங்கள் வருமாறு:-

“சந்தியுங்கள் மாநிலத்தின் முதன்மாணவர்களை - 2013” நிகழ்ச்சியை முன்னிட்டு, இக்ராஃ கல்விச் சங்கத்தின் மூத்த செயற்குழு உறுப்பினர் ஹாஜி எம்.ஏ.எஸ்.ஜரூக் ஒருங்கிணைப்பில் - அதன் நிர்வாகிகள், தி காயல் ஃபர்ஸ்ட் ட்ரஸ்ட் நிர்வாகிகள், ரெட் ஸ்டார் சங்க தலைவர் ஷேக் அப்துல் காதிர், அதன் நிர்வாகி ஆஸாத் உள்ளிட்ட குழுவினரின் மேற்பார்வையில், நிகழ்விடமான காயல்பட்டினம் ரெட் ஸ்டார் சங்க மைதானத்தில் ஏற்பாடுகள் முழுவீச்சில் நடைபெற்று வருகின்றன.

{TAGS} iqra the kayal first trust kft mst 2013 mtst 2013 meet the state topper 2013 red star society rss

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by Mohamed Salih (Bangalore) [28 June 2013]
IP: 121.*.*.*

India | Comment Reference Number: 28289

அல்ஹம்து லிலாஹ்..

பரிசு பெரும் அணைத்து மாணவ , மணவியர்க்கும் என் இதயம் கனிந்த நல்வாழ்த்துக்கள் ..

நீங்கள் மென்மேலும் பல வெற்றிகளை பெற்று பெற்றோருக்கும் , உங்கள் ஊருக்கும் , நமது ஊருக்கும் பெருமை சேர்த்து தாருங்கள் இன்ஷா அல்லாஹ்..

பெங்களூர் ரில் இருந்து ,
முஹம்மத் சாலிஹ் கே.கே.எஸ்

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. வாழ்த்துக்கள்...!
posted by M.N.L.முஹம்மது ரபீக், (காயல்பட்டினம்.) [28 June 2013]
IP: 117.*.*.*

India | Comment Reference Number: 28292

நமதூரின் மாணவ கண்மணிகளின் உயரிய முன்னேற்றத்திற்காக பாடு படும் இந்த இரு அமைப்புக்களையும் பாராட்டியே ஆக வேண்டும். இது போன்ற ஊக்கமளிக்கும் நிகழ்ச்சிகளால் நம் மாணவ-மாணவியர்களிடம் நல்ல முனேற்றம் தெரிகின்றது.பல் வேறு சிரமங்களுக்கிடையில் எவ்வித பிரதிபலனையும் எதிர்பாராமல் சேவையாற்றி வரும் இவ்வமைப்பின் ஆக்கப்பூர்வமான பணிகள் சிறந்திட வாழ்த்துக்கள்.-ராபியா மணாளன்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

3. Re:...
posted by mackie noohuthambi (colombo) [28 June 2013]
IP: 122.*.*.*

Sri Lanka | Comment Reference Number: 28297

வெற்றி மீது வெற்றி வந்து உன்னை சேரும் அதை வாங்கி தந்த பெருமை எல்லாம் உன் தாயை சேரும்.

நம்மில் எத்தனை பேர் நம் தாயை மதிக்கிறோம் என்பதை இந்த கணம் வெற்றியாளர்கள் எண்ணி பார்க்க வேண்டும். நபிகள் நாயகம் மிக அழகாக சொல்வார்கள். ஒரு மனிதன் உலகிலேயே மிகவும் கடமை பட்டவன் யாருக்கு என்ற கேள்வி எழுந்த பொது உன் தாய் உன் தாய் உன் தாய் என்று மூன்று முறை சொல்லிவிட்டு நான்காவது தந்தை என்றார்கள்.

உண்ணாமல் இருந்து உறங்காமல் விழித்து இருந்து நம் முன்னேற்றத்துக்காக அவள் சுகங்களை முந்தானையில் முடிந்து வைத்து கொண்டு துக்கங்கள் துயரங்களை அப்புறம் தள்ளி விட்டு இருக்கும் அந்த தாயை போற்றுவோம் மதிப்போம் தாயில்லாமல் நான் இல்லை தானே எவரும் பிறப்பதில்லை, எனக்கொரு தாய் இருந்தாள் அவள் பாதத்தில் சுவர்க்கம் இருக்கிறது.இறைவன் அவளை அழைத்துக் கொண்டாலும் அல்லும் பகலும் அவள் சுவர்க்க வாழ்வுக்காக இறைவனை பிரார்த்தித்துக் கொண்டிருக்கிறேன்.

நாம் எல்லோரும் இந்த நல்ல வேளையில் நாம் தாய்களை ஒரு கணம் நினைத்து பாப்போம்.

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்