Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
1:52:59 AM
திங்கள் | 20 மே 2019 | ரமழான் 15, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
04:4012:2003:4206:3507:48
Sunrise/Sunset timing for Kayalpatnamஉதயம்05:58Moonrise/Moonset timing for Kayalpatnamஉதயம்19:59
மறைவு18:30மறைவு07:05
Morning Twilight
வானியல்கடல்சமூகம்
04:4305:0905:35
உச்சி
12:14
Evening Twilight
சமூகம்கடல்வானியல்
18:5219:1819:45
Go to Homepage
செய்திகள்
Previous News ItemNext News Item
செய்தி எண் (ID #) 11343
#KOTW11343
Increase Font Size Decrease Font Size
ஞாயிறு, ஜுலை 21, 2013
சந்தியுங்கள் மாநிலத்தின் முதன்மாணவர்களை 2013: சிறந்த பள்ளிகளுக்கு பணப்பரிசு மற்றும் விருதுகள்!
செய்திஎஸ்.கே.எஸ். (தாருத்திப்யான் நெட்வர்க்)
இந்த பக்கம் 2224 முறை பார்க்கப்பட்டுள்ளது | வாசகர் கருத்துக்கள் காண (5) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் நகர பள்ளிகளில் பயிலும் மாணவ-மாணவியரை மாநில அளவில் சாதனைகள் புரிந்திட ஊக்கமளிக்கும் நோக்குடன், காயல்பட்டினம் இக்ராஃ கல்விச் சங்கம், தி காயல் ஃபர்ஸ்ட் ட்ரஸ்ட் அமைப்புகள் இணைந்து, “சந்தியுங்கள் மாநிலத்தின் முதன்மாணவரை” என்ற தலைப்பில், ப்ளஸ் 2 அரசுப் பொதுத் தேர்வில் மாநில அளவில் முதலிடம் பெற்ற மாணவ-மாணவியரை காயல்பட்டினத்திற்கு வரவழைத்து, நகர பள்ளி மாணவ-மாணவியருடன் கலந்துரையாடல் மற்றும் நகரின் சிறந்த மதிப்பெண் பெற்ற மாணவ-மாணவியருக்கான பரிசளிப்பு நிகழ்ச்சிகள் 8 ஆண்டுகளாக நடத்தி முடிக்கப்பட்டுள்ளது.

சந்தியுங்கள் மாநிலத்தின் முதன்மாணவர்களை - 2013:

நடப்பு 8ஆம் ஆண்டின் “சந்தியுங்கள் மாநிலத்தின் முதன்மாணவர்களை - 2013” நிகழ்ச்சியின் ஓரம்சமான - மாநில சாதனை மாணவர்களுடன் காயல்பட்டினம் நகர பள்ளிகளின் மாணவ-மாணவியரைக் கலந்துரையாடச் செய்யுடம் கலந்துரையாடல் நிகழ்ச்சி – INTERACTIVE SESSION, கடந்த ஜூன் மாதம் 29ஆம் தேதி சனிக்கிழமையன்று மதியமும், நகரளவில் சிறப்பிடங்களைப் பெற்ற மாணவ-மாணவியருக்கான பரிசளிப்பு விழா நிகழ்ச்சி, அதே நாள் மாலையிலும் காயல்பட்டினம் ரெட் ஸ்டார் சங்க மைதானத்தில் நடத்தப்பட்டது.

கலந்துரையாடல் மற்றும் பரிசளிப்பு விழா நிகழ்ச்சிகள் குறித்த விரிவான செய்தியும், நகரளவில் சிறப்பிடங்களைப் பெற்று, இவ்விழாவில் பரிசுகளைப் பெற்ற மாணவ-மாணவியர் குறித்த முழு விபரங்களும், அண்மையில் காயல்பட்டணம்.காம் இணையதளத்தில் வெளியானது.

இவ்விழாவில், நடைபெற்று முடிந்த 12ஆம் வகுப்பு அரசு பொதுத் தேர்வில் 100 சதவிகித தேர்ச்சி பெற்ற பள்ளிகளுக்கும், நகரளவில் தேர்ந்தெடுக்கப்பட்ட சிறந்த பள்ளிகளுக்கும் பணப்பரிசுகள் மற்றும் விருதுகளும் வழங்கப்பட்டுள்ளன.

இதுகுறித்த விரிவான விபரம் வருமாறு:-

100 சதவிகித தேர்ச்சி:

நடைபெற்று முடிந்த 12ஆம் வகுப்பு அரசு பொதுத் தேர்வில், காயல்பட்டினம்
சுபைதா மகளிர் மேனிலைப்பள்ளியிலிருந்து தேர்வெழுதிய 96 மாணவியரும்,
எல்.கே.மேனிலைப்பள்ளியிலிருந்து தேர்வெழுதிய 88 மாணவர்களும்,
முஹ்யித்தீன் மெட்ரிகுலேஷன் மேனிலைப்பள்ளியிலிருந்து தேர்வெழுதிய 32 மாணவ-மாணவியரும்
100 சதவிகித தேர்ச்சி பெற்றுள்ளனர்.

இதனைப் பாராட்டி, கடந்த ஜூன் மாதம் 29ஆம் தேதியன்று, காயல்பட்டினம் ரெட் ஸ்டார் சங்க வளாகத்தில் நடைபெற்ற “சந்தியுங்கள் மாநிலத்தின் முதன்மாணவர்களை - 2013” பரிசளிப்பு விழா நிகழ்ச்சியின்போது, தி காயல் ஃபர்ஸ்ட் ட்ரஸ்ட் சார்பில் - இப்பள்ளிகளுக்கு தலா ரூபாய் 2 ஆயிரத்து 500 பணப்பரிசும், விருதும் வழங்கப்பட்டது.

விழாவில் சிறப்பு விருந்தினராகக் கலந்துகொண்ட - தமிழக அரசின் முக்கிய துறைகளின் முன்னாள் மூத்த செயலாளர் அலாவுத்தீன் ஐ.ஏ.எஸ். வழங்க, சுபைதா மகளிர் மேனிலைப்பள்ளியின் சார்பில் அதன் தலைமையாசிரியை எம்.ஜெஸீமா,

எல்.கே.மேனிலைப்பள்ளியின் சார்பில் அதன் பணி நிறைவு பெற்ற தலைமையாசிரியர் எம்.ஏ.முஹம்மத் ஹனீஃபா, புதிய தலைமையாசிரியர் எம்.ஏ.எஃப்.செய்யித் அஹ்மத்,

முஹ்யித்தீன் மெட்ரிகுலேஷன் மேனிலைப்பள்ளியின் சார்பில் அதன் துணைச் செயலாளர் கே.எம்.டி.சுலைமான், தலைமையாசிரியர் ஸ்டீஃபன் ஆகியோரும் அவற்றைப் பெற்றுக்கொண்டனர்.







சிறந்த பள்ளிகளுக்கு பணப்பரிசு மற்றும் விருதுகள்:

கடந்த ஆண்டு 12ஆம் வகுப்பு அரசு பொதுத்தேர்வு எழுதிய - காயல்பட்டினத்தின் 7 பள்ளிக்கூடங்களுள்,
பள்ளியின் மொத்த தேர்ச்சி சதவிகிதம்,
முதல் வகுப்பு தேர்ச்சி சதவிகிதம்,
1000க்கும் மேல் மதிப்பெண் பெற்ற மாணவ-மாணவியரின் எண்ணிக்கை
உள்ளிட்ட - நிர்ணயிக்கப்பட்ட கணக்கீடுகளை அடிப்படையாகக் கொண்டு, பரிசுக்குரிய பள்ளிகள் தேர்வு செய்யப்பட்டு, தி காயல் ஃபர்ஸ்ட் ட்ரஸ்ட் சார்பில் விருதுகள் வழங்கப்பட்டது.

சுபைதா மகளிர் மேனிலைப்பள்ளி 441 புள்ளிகளைப் பெற்று முதலிடம் பெற்றது. அதற்கான விருதை, விழாவிற்குத் தலைமை தாங்கிய காயல்பட்டினம் நகர்மன்றத் தலைவர் ஐ.ஆபிதா ஷேக் வழங்க, அப்பள்ளியின் தலைமையாசிரியை எம்.ஜெஸீமா பெற்றுக்கொண்டார்.



எல்.கே.மேனிலைப்பள்ளி 414 புள்ளிகளைப் பெற்று இரண்டாமிடம் பெற்றது. அதற்கான விருதை, மாவட்ட கல்வித்துறை துணை ஆய்வாளர் சங்கரய்யா வழங்க, அப்பள்ளியின் பணி நிறைவு பெற்ற தலைமையாசிரியர் எம்.ஏ.முஹம்மத் ஹனீஃபா, புதிய தலைமையாசிரியர் எம்.ஏ.எஃப்.செய்யித் அஹ்மத் ஆகியோர் பெற்றுக் கொண்டனர்.



அரசு மகளிர் மேனிலைப்பள்ளி 399 புள்ளிகளைப் பெற்று மூன்றாமிடம் பெற்றது. அதற்கான விருதை நகர்மன்றத் தலைவர் ஐ.ஆபிதா ஷேக் வழங்க, அப்பள்ளியின் தலைமையாசிரியை முஹம்மத் ஆயிஷா பெற்றுக்கொண்டார்.



பின்னர், 75க்கும் மேல் மாணவ-மாணவியரைக் கொண்ட பள்ளிகள் ஒரு பிரிவாகவும், 75க்கும் கீழ் மாணவ-மாணவியரைக் கொண்ட பள்ளிகள் மற்றொரு பிரிவாகவும் பிரிக்கப்பட்டு, அவற்றுள், முதலிடம் பெற்ற பள்ளிகள் தேர்ந்தெடுக்கப்பட்டது.

75க்கும் கீழ் மாணவியரைக் கொண்ட சென்ட்ரல் மெட்ரிகுலேஷன் மேனிலைப்பள்ளி 245.83 புள்ளிகள் பெற்று, அப்பிரிவில் முதலிடம் பெற்றது. இதற்காக, அப்பள்ளிக்கு ரூபாய் 5 ஆயிரம் பணப்பரிசும், விருதும் வழங்கப்பட்டது.

இக்ராஃ கல்விச் சங்கத்தின் மூத்த செயற்குழு உறுப்பினர் ஹாஜி வாவு எஸ்.அப்துல் கஃப்பார் அவற்றை வழங்க, அப்பள்ளியின் ஆசிரியை பெற்றுக்கொண்டார்.



75க்கும் மேல் மாணவியரைக் கொண்ட சுபைதா மகளிர் மெட்ரிகுலேஷன் மேனிலைப்பள்ளி 238.54 புள்ளிகள் பெற்று, அப்பிரிவில் முதலிடம் பெற்றது. இதற்காக, அப்பள்ளிக்கு ரூபாய் 5 ஆயிரம் பணப்பரிசும், விருதும் வழங்கப்பட்டது.

தூத்துக்குடி மாவட்ட முதன்மைக் கல்வி அலுவலர் க.செயக்கண்ணு அவற்றை வழங்க, அப்பள்ளியின் தலைமையாசிரியை எம்.ஜெஸீமா பெற்றுக்கொண்டார்.



இவ்வாறாக, சிறந்த பள்ளிகளுக்கு பரிசுகள் வழங்கப்பட்டன.

படங்கள்:
ஹிஜாஸ் மைந்தன்
செய்தியாளர் - காயல்பட்டணம்.காம்
மற்றும்
வீனஸ் ஸ்டூடியோ


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:...
posted by P.S. ABDUL KADER (KAYALPATNAM) [21 July 2013]
IP: 117.*.*.* India | Comment Reference Number: 28824

நிகழ்வு நடந்தேறி 2 வாரம் ஆகிட்டே! தாமதம்.

ஒருவேளை நோம்பு பிடித்துவிட்டு தூங்கிவிட்டீர்களா?

Moderator: முக்கிய செய்திகள் உடனுக்குடன் வெளியிடப்பட்டுவிட்டன. (11147, 11207, 11321 ஆகிய செய்திகளில் காணலாம்.) ஏராளமான விபரங்களுடன் கூடுதல் தகவல்கள் மட்டுமே தற்போது செய்தியாக வெளியிடப்பட்டுள்ளது.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. Re:...
posted by முத்துவாப்பா (al khobar) [21 July 2013]
IP: 176.*.*.* Saudi Arabia | Comment Reference Number: 28825

சந்தியுங்கள் மாநிலத்தின் முதன்மாணவர்களை வருடம் வருடம் நடைபெறுவது கண்டு மிக்க மகிழ்ச்சி ... இது நாள் நமதூர் மாணவர்களுக்கு பெரிய அளவில் மாற்றம் நிகழுமா என்று பார்த்தல் ...??? கேள்வி மட்டுமே மிச்சம் .. இதனால் யாருக்கு இலாபம் என்று பார்த்தல் நமது செலவில் அவர்கள் இலவசமாக திருசெந்தூர் கோவிலுக்கு வந்து செல்கின்றார்கள் . இந்த நிகழ்ச்சியை நடத்துவதற்கு நமக்கு ஆகும் பொருட்செலவை பார்த்தல் பல லட்சங்களை தாண்டுகிறது .

முதல் மாணவருடன் கலந்துரையாடும் பொழுது நமதூர் மாணவர்கள் பயனடைகின்றனர் என்ற கருத்து நிலவுகின்றது . என்ன பயன் ...??? அவர்களிடம் வழக்காமாக கேட்கப்படும் கேள்வி நீங்கள் எப்படி முதன் மாணவராக வந்தீர்கள் .... அதற்கு அந்த மாணவன் நான் டிவி பார்க்காமல் படித்தேன் , அன்னைன்னைக்கு பாடத்தை அன்னன்னிக்கே படிப்பேன் இதை தவிர வேறேதாவது பதில் வந்ததுண்டா ...??? இதற்கு இதனை இலட்சங்கள் தேவையா ...???

சிந்தியுங்கள் .... இதற்கு பதில் சந்தியுங்கள் காயலின் முதல் மாணவரை என்று வைத்தால் மிகவும் பயனுள்ளதாக இருக்கும் . அந்த முதல் மாணவர் மற்றவர்களுக்கு கொடுக்கும் தகவல் மிகவும் பயனுள்ளதாக இருக்கும் மேலும் அது நமதூர் மாணவர்களுக்கு புரியும் . இதனை இலட்சங்கள் செலவில் யாரோ ஒருவரை பாராட்டுவதை விட .. பலாயிரம் செலவில் நம் பிள்ளைகளை பாராட்டுங்கள் பயனுள்ளதாக இருக்கும் ,

இன்ஷா அல்லாஹ் அடுத்த வருடமாவது என் ஆவல் நினைவேரும் என்று நினைக்கின்றேன் .


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:...
posted by A.M. Seyed Ahmed (Riyadh) [21 July 2013]
IP: 188.*.*.* Saudi Arabia | Comment Reference Number: 28826

வாப்பா நீன் முதலில் நோன்பை புடிச்சிகிட்டு தூங்குமா? நான் Jeddah வந்துவிட்டேன் உன்னை இங்கு காணவில்லை....

நண்பேண்டா........................


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
4. இது விவாதமல்ல...புரிந்துணர்வுக்காவே...!
posted by M.N.L.Mohamed Rafeeq (kayalpatnam) [22 July 2013]
IP: 117.*.*.* India | Comment Reference Number: 28831

சுமார் எட்டு ஆண்டுகளாக இந்நிகழ்ச்சியை வெகு சிறப்பாக நடத்தி வரும் இக்ராஃ மற்றும் காயல் ஃபஸ்ட் ட்ரஸ்ட் அமைப்புகளுக்கு பாராட்டுக்கள்!

பொதுவாக இது வேறு யாருக்காகவோ அல்லது மாநிலத்தில் முதல் மாணவர்களை குஷிப்படுத்துவதற்காகவோ நடத்தும் நிகழ்வல்ல! முழுக்க முழுக்க நமதூரில் முதல் மதிப்பெண் எடுத்த மாணவ மாணவியர்கள், முதல் அந்தஸ்த்தைப் பெற்ற பள்ளிகள், 1000க்கு மேல் மதிப்பெண்கள் பெற்ற மாணவ மாணவியர்கள் ஆகியோரை ஊக்கப்படுத்தி சிறப்பிக்கும் ஓர் அற்புதமான தொலை நோக்கு சிந்தனை கொண்டு நடத்தி வரும் பயனுள்ள நிகழ்ச்சி!

இதில் நூற்றுக்கணக்காண பள்ளி மாணவ மாணவியர்கள் சுமார் ஐந்து மணிநேரம் ஓரிடத்தில் ஒன்று கூடி கலைநிகழ்ச்சிகள், ஆட்டம் பாட்டம் இல்லாமல் முழுக்க முழுக்க கல்விக்கான மேம்பாட்டையும் சிறப்புக்களையும் அதற்கான அங்கீகாரத்தையும் கண்டு களித்து பயன் பெறுகின்றனர்.

தேர்வெழுதி தேர்ச்சி பெற்றவுடன் நூற்றுக்கணக்கான மாணவர்களின் விபரங்களை பள்ளிகள் மூலம் பெறப்பட்டு அதற்கான ஆயத்த பணிகளை சுமார் ஒரு மாத காலமாக ஓய்வு ஒளிவின்றி கல்வி ஆர்வலர்கள் குழு மிகுந்த சிரமங்களுக்கிடையில் சரிபார்த்து நெறிப்படுத்தி பரிசுகள், பணமுடிப்புகள், சான்றிதழ்கள் என பல்வேறு பணிகளை பல குழுக்களாக பிரித்து செய்து முடிப்பதை நான் கண்கூடாகக் கண்டு வியந்தேன்.

இவை அனைத்தும் நமதூர் மாணவர்களின் முன்னேற்றத்திற்காகத்தானே என அகமகிழ்ந்தண்டு. மாநிலத்தின் முதல் மாணவர்களை அழைத்து வந்து கலந்துரையாடச் செய்வது மட்டுமல்ல பல்வேறு பயனுள்ள நிகழ்ச்சிகளும் இதில் அடங்கும்.

நாம் வழிச்செலவு கொடுத்து அழைத்து வந்த அவர்கள் தங்களின் மதம் சார்ந்த வழிபாட்டுத்தலங்களுக்குச் செல்லக்கூடாது என்பது எவ்விதத்தில் நியாயம்? இதுவே நம் மதத்தைச் சார்ந்த மாணவர் முதலிடத்தில் வந்து அவர்களை நாம் அழைத்து வரும்போது அவர்கள் அருகிலுள்ள மசூதிகளுக்கோ அல்லது நம் மதம் சார்ந்த சரித்திரப் புகழ் வாய்ந்த இடங்களுக்குச் செல்வதை கூடாது என்று நாம் சொல்வது ஓர் குறுகிய மனப்பாண்மை என்றாகிவிடும். மாணவர்கள் நலன் கருதி நடத்தும் இந்நிகழ்வை மதச்சாயம் பூசி மங்கச் செய்வது கல்விப்பணிக்கு உகந்ததல்ல என்பது எனது கருத்து.

இன்னும் வருங்காலங்களில் இதை விடவும் சிறப்பாக நடத்தி நம் காயல் மாணவ மானவியர்கள் முதலிடம் பெற முக்கிய காரணியாக இவ்விரு அமைப்புக்களும் முழு முயற்சி செய்யும் என்பதில் சந்தேகமில்லை. இறைவன் அருளால் நம் மாணவர்களை அரியாசனத்தில் அமர்த்தி அழகு பார்க்கும் அந்நாள் வெகு தூரத்தில் இல்லை!

-ராபியா மணாளன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
5. Re:...
posted by Mohammed Noohu (Al-Khubar) [22 July 2013]
IP: 5.*.*.* | Comment Reference Number: 28834

'Kayal Toppers Meet' will more appropriate to my opinion. I echo Muthuwappa's comment.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Cathedral Road LKS Gold ParadiseFathima Jewellers
AKM JewellersFaams

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2019. The Kayal First Trust. All Rights Reserved