{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினத்தில் தாக்கப்பட்ட தொழிலாளி மருத்துவமனையில் சனிக்கிழமை இறந்தார். இது தொடர்பாக இளைஞரை போலீஸார் தேடி வருகின்றனர்.

காயல்பட்டினம் ரத்னாபுரியைச் சேர்ந்தவர் சடையன் மகன் கட்டேரி (53). வியாழக்கிழமை இரவு வீட்டின் முன் நின்றிருந்த இவரிடம், அதே பகுதியைச் சேர்ந்த ஆட்டோ ஓட்டுநரான கோ. சாரதி என்ற சாகுல் ஹமீது (26) தகராறு செய்தாராம். பின்னர் அவர் கட்டேரியைத் தாக்கிவிட்டுத் தப்பியோடிவிட்டாராம். இதில் சிமென்ட் சாலையில் விழுந்த கட்டேரி தலையில் காயமடைந்தார்.

அவர் தூத்துக்குடி அரசு மருத்துவமனையில் அனுமதிக்கப்பட்டார். அங்கு அவர் சனிக்கிழமை இறந்தார்.

இதையடுத்து, சாரதி மீது ஆறுமுகனேரி போலீஸார் கொலை வழக்குப் பதிந்து தேடிவருகின்றனர்.

தகவல்:
தினமணி