{ முகநூல் கருத்துக்கள்}{ட்விட்டர் கருத்துக்கள்}

வி-யுனைட்டெட் ப்ளாஸம் கோப்பைக்கான காயல் ப்ரீமியர் லீக் கால்பந்துப் போட்டிகள் வரும் ஜூன் மாதம் 01ஆம் நாளன்று துவங்குகிறது. வீரர்கள் தேர்வு மே 26 அன்று நடைபெறவுள்ளதாகவும், விண்ணப்பங்கள் வரவேற்கப்படுவதாகவும் அறிவிக்கப்பட்டுள்ளது. இதுகுறித்து வெளியிடப்பட்டுள்ள அறிக்கை:-

வல்ல அல்லாஹ்வின் பேரருளால், வி-யுனைட்டெட் ஸ்போர்ட்ஸ் க்ளப் சார்பில், காயல்பட்டினம் ஐக்கிய விளையாட்டு சங்கம் (USC), காயல் ஸ்போர்ட்டிங் க்ளப் (KSC) மற்றும் நகரின் அனைத்து விளையாட்டு மைதானங்களின் நிர்வாகங்கள், விளையாட்டுப் பிரியர்களின் ஆதரவோடு காயல் ப்ரீமியர் லீக் கால்பந்துப் போட்டியை - ஐக்கிய விளையாட்டு சங்க மைதானத்தில் நடத்தி வருகிறது. அல்ஹம்துலில்லாஹ்.

இவ்வாண்டு, வி-யுனைட்டெட் ஸ்போர்ட் க்ளப் நடத்தும் Blossoms கோப்பைக்கான காயல் ப்ரீமியர் லீக் கால்பந்துப் போட்டியை, இன்ஷாஅல்லாஹ் வரும் ஜூன் மாதம் 01ஆம் நாள் முதல் ஐக்கிய விளையாட்டு சங்க மைதானத்தில் நடத்த திட்டமிடப்பட்டுள்ளது.

இம்முறை 12 அணிகள் இப்போட்டித் தொடரில் பங்கேற்கவுள்ளன. அணிகளுக்கான வீரர்கள் தேர்வு இம்மாதம் 26ஆம் நாளன்று நடைபெறவுள்ளது. அதற்கான விண்ணப்பங்கள் வரவேற்கப்படுகிறது.

விருப்பமுள்ள வீரர்கள் காயல்பட்டினம் பிரதான வீதியிலுள்ள பிஸ்மி கிஃப்ட் மற்றும் கலாமீஸ் குலோத்திங் யாஸர் அரஃபாத் ஆகியோரிடம் விண்ணப்பங்களைப் பெற்றுக்கொள்ளலாம். பூர்த்தி செய்யப்பட்ட விண்ணப்பங்களை இம்மாதம் 24ஆம் நாளுக்குள் இவ்விரு இடங்களிலும் வழங்கி, குறித்த காலத்தில் வீரர்கள் தேர்வை முறையாகச் செய்திட ஒத்துழைக்குமாறு கேட்டுக்கொள்ளப்படுகிறீர்கள்.

இவ்வாறு அந்த அறிக்கையில் தெரிவிக்கப்பட்டுள்ளது.

தகவல்:
M.ஜஹாங்கீர்

கடந்தாண்டு (2013) வி-யுனைட்டெட் கே.பி.எல். கால்பந்து சுற்றுப்போட்டி அறிவிப்பு குறித்த செய்தியைக் காண இங்கே சொடுக்குக!

வி-யுனைட்டெட் ஸ்போர்ட்ஸ் க்ளப் தொடர்பான முந்தைய செய்தியைக் காண இங்கே சொடுக்குக!