Kayal on the Web

செய்திகள்

செய்தி எண் (ID #) 15884

#KOTW15884

வியாழன், மே 7, 2015

பிளஸ் 2 தேர்வில் 90.6% தேர்ச்சி: மாநில அளவில் திருப்பூர் பவித்ரா, கோவை நிவேதா முதலிடம்!

செய்தி: காயல்பட்டணம்.காம்
இந்த பக்கம் 2931 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய

(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)

click here to post your comment using facebook

{ முகநூல் கருத்துக்கள்}{ட்விட்டர் கருத்துக்கள்}

தமிழகம், புதுச்சேரியில் 8.80 லட்சம் மாணவ, மாணவிகள் மற்றும் பெற்றோர்கள் ஆவலோடு எதிர்நோக்கியிருந்த பிளஸ் 2 தேர்வு முடிவு இன்று காலை 10 மணிக்கு வெளியிடப்பட்டது.

தமிழை முதன்மை பாடமாக எடுத்துப் படித்த திருப்பூர் விகாஸ் வித்யா மெட்ரிக் பள்ளி மாணவி பவித்ரா முதலிடம் பெற்றார். இவர் 1192 மதிப்பெண்கள் பெற்றுள்ளார். அதேபோல் கோவை சவுடேஸ்வரி வித்யா மெட்ரிக் பள்ளி மாணவி நிவேதாவும் 1192 மதிப்பெண்கள் பெற்று முதலிடம் பெற்றுள்ளார்.

1190 மதிப்பெண்கள் பெற்று 4 பேர் இரண்டாம் இடம் பிடித்தனர். ஈரோடு மாவட்ட ஆதர்ஷ் வித்யாலயா பள்ளியைச் சேர்ந்த விக்னேஸ்வரன், நாமக்கல் எஸ்.கே.வி.பள்ளியைச் சேர்ந்த பிரவீண், நாமக்கல் எஸ்.எஸ்.எம்.லக்‌ஷ்மியம்மாள் மெட்ரிக் பள்ளியைச் சேர்ந்த மாணவர் சரண்ராம், திருச்சி சவுடாம்பிகா மெட்ரிக் பள்ளியைச் சேர்ந்த மாணவி வித்யவர்ஷினி ஆகியோர் இரண்டாம் இடம் பெற்றுள்ளனர்.

நாமக்கல் மாவட்டம் டிரினிட்டி அகாடமி மாணவி பாரதி 1189 மதிப்பெண்கள் பெற்று மூன்றாம் இடத்தைப் பிடித்துள்ளார்.

தேர்வு முடிவுகளை அரசுத் தேர்வுகள் இயக்ககத்தில் தேர்வு துறை இயக்குநர் தேவராஜன் வெளியிட்டார்.

மொத்த தேர்ச்சி விகிதம் 90.6%

பிளஸ் 2 தேர்வில் மொத்த தேர்ச்சி விகிதம் 90.6%. கடந்த ஆண்டும் இதே தேர்ச்சி விகிதமே இருந்தது என்பது குறிப்பிடத்தக்கது.

மாணவர்கள் தேர்ச்சி விகிதம் 87.5%. மாணவிகள் தேர்ச்சி விகிதம் 93.4%. இந்த ஆண்டும் வழக்கம்போல் மாணவிகளே அதிக அளவில் தேர்ச்சி பெற்றுள்ளனர்.

பாட வாரியாக 200-க்கு 200 பெற்றவர்கள் எண்ணிக்கை:

இயற்பியல்- 124, வேதியியல்- 1,049, உயிரியல்-387, தாவரவியல்-75 விலங்கியல்-4, கணிதம்-9710, கணினி அறிவியல்-577, வணிகவியல்-819, கணக்குப்பதிவியல்-5,167, வணிகக் கணிதம்- 1,036 பேர் 200-க்கு 200 பெற்றுள்ளனர்.

முடிவை அறிந்துகொள்வதற்கான இணையதள விவரங்கள் அறிவிக்கப்பட்டுள்ளன. தலைமை ஆசிரியர்களால் பதிவிறக்கம் செய்யப்பட்ட தற்காலிக மதிப்பெண் சான்றிதழை (புரவிஷனல் மார்க் ஷீட்) தாங்கள் படித்த பள்ளியில் மே 14-ம் தேதி முதல் பெற்றுக்கொள்ளலாம்.

மாணவர்கள் தங்கள் பதிவு எண், பிறந்த தேதி, மாதம், ஆண்டு ஆகியவற்றை குறிப்பிட்டு தேர்வு முடிவுகளை மதிப்பெண் விவரங்களுடன் இணைய தளங்களில் அறிந்துகொள்ளலாம்.

முடிவை அறிந்துகொள்ள நாட வேண்டிய வலைதளங்கள் விவரம்:

www.tnresults.nic.in
www.dge1.tn.nic.in
www.dge2.tn.nic.in
www.dge3.tn.nic.in

தேவைப்பட்டால், மே 18-ம் தேதி முதல் www.dge.tn.nic.in என்ற இணையதளத்தில் மாணவர்களும் தனித்தேர்வர்களும் தங்களது பிறந்த தேதியை குறிப்பிட்டு தற்காலிக மதிப்பெண் சான்றிதழை தாங்களே பதிவிறக்கம் செய்து கொள்ளலாம்.

பிளஸ் 2 அரசு பொதுத் தேர்வு கடந்த மார்ச் 5-ம் தேதி தொடங்கி 31-ம் தேதி முடிவடைந்தது. தமிழகம், புதுச்சேரியில் 8 லட்சத்து 80 ஆயிரம் மாணவ, மாணவிகள் தேர்வு எழுதினர்.

விடைத்தாள் திருத்தும் பணி மார்ச் 16-ம் தேதி தொடங்கி ஏப்ரல் 18-ம் தேதி முடிவடைந்தது. இப்பணியில் 40 ஆயிரத்துக்கும் மேற்பட்ட ஆசிரியர்கள் ஈடுபட்டனர். விடைத்தாள் திருத்தும் பணி முடிந்த பிறகு, மாணவர்களின் மதிப்பெண் பட்டியல், அரசு தகவல் தொகுப்பு மையத்துக்கு (டேட்டா சென்டர்) ஆன்லைனில் அனுப்பப்பட்டு மதிப்பெண் சான்றிதழ் தயாரிப்புப் பணிகள் மேற்கொள்ளப்பட்டன.

இதனையடுத்து பிளஸ் 2 தேர்வு முடிவு மே 7-ம் தேதி, எஸ்எஸ்எல்சி தேர்வு முடிவு மே 21-ம் தேதி வெளியிடப்படும் என்று அரசுத் தேர்வுகள் இயக்ககம் கடந்த ஏப்ரல் 23-ம் தேதி அறிவித்தது.

அறிவிக்கப்பட்டபடி, பிளஸ் 2 தேர்வு முடிவு இன்று வெளியிடப்பட்டது.

தகவல்:
தி இந்து

{TAGS} plus two twelfth public exam result state level dge mtst

இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>

1. Re:...
posted by Vilack sma (jeddah) [07 May 2015]
IP: 176.*.*.*

Saudi Arabia | Comment Reference Number: 40427

சாதனைகள் புரிந்த அனைத்து மாணவர்களுக்கும் வாழ்த்துக்கள் . " சந்தியுங்கள் மாநிலத்தின் முதல் மாணவரை " என்ற நிகழ்ச்சியில் உங்களை சந்திக்க ஆவலாய் உள்ளோம் .

வரும்போது , " நான் இரண்டு வருடமாக TV பார்க்கவில்லை , குடும்ப நிகழ்சிகளுக்கு செல்லவில்லை , பெற்றோர்களும் ஆசிரியர்களும் எனக்காக அரும்பாடு பட்டார்கள் , வீட்டில் இருந்து கிளம்பினால் பள்ளி , பள்ளியில் இருந்து திரும்பினால் வீடு " இதுபோன்ற எல்லோரும் சொல்லும் புளித்துப்போன அறிவுரைகளையே நீங்களும் தயாரித்து வராமல் , எந்த முறையில் படித்தீர்கள் , பள்ளியிலும் வெளியிலும் உங்கள் கவனம் எந்த முறையில் இருந்தது போன்ற புதுமையான அறிவுரைகளோடு எங்கள் ஊருக்கு வாருங்கள் . எங்கள் ஊர் மாணவர்களும் உங்களைப்போன்ற சிறப்பான இடத்தை அடைய ஆக்கபூர்வமான அறிவுரைகளை எதிர்பார்க்கிறோம் .

இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]

2. மாஷா அல்ல்லாஹ் மப்ரூக் வாழ்த்துக்கள்
posted by SHEIKH ABDUL QADER (RIYADH) [07 May 2015]
IP: 5.*.*.* | Comment Reference Number: 40437

அஸ்ஸலாமு அலைக்கும் வரஹ்மத்துல்லாஹி வபரக்காத்துஹு. இறைவன் வழங்கும் சாந்தியும் சமாதானமும் உண்டாவதாக .

இறைவன் மிகப்பெரியன்.

இறையருள் நிறைக.

நானிலம் உணர்ந்த (நி)வேத,பவித்ரம் என்றகல்வியை மாநிலஅளவில் முதலாவதாகவந்து வெற்றிகனியைதழுகித்தக்கவைத்துக்கொண்ட செல்விகள் பவித்ரா,நிவேதா ஆகியஉங்களுக்கும் பெற்றோர்,ஆசிரிய ஆசிரியைகள் பள்ளி நிர்வாக நிர்வாகிகள் மற்றும் நீங்கள் சார்ந்த ஊராருக்கு எங்களின்,எங்களூர் மக்களின் சார்பாக வாழ்த்துக்களும் பிரார்த்தனைகளும்.

உங்களுக்குத்தான் தெரியும் இவ்வெற்றியையெட்ட நீங்கள் எவ்வளவு ஈடுபாட்டுடன் முயன்றிருப்பீர்களென்று இன்னும் உங்களைச்சுற்றி குடும்பத்தினர் கல்விக்குடும்பத்தினர் அனைவரும் எவ்வளவு ஊக்கம்தந்து இந்நிலைக்கு கொண்டுவந்து இன்னும் வாழ்த்தி ஊக்குவித்துக்கொண்டிருப்பார்கள்.

உங்களின் இவ்வெற்றியை உளமாரப்பகிருங்கள், இன்னும் உங்களுக்கு ஊக்கம்தர தூக்கம் துறந்து விழித்திருக்கிறது உங்கள் உறவுகளும் உணர்வுகளும் . உலகெல்லாம் செல்லுங்கள் வெற்றியின் இரகசியத்தைச்சொல்லுங்கள்,விடிவெள்ளியாக மின்னுங்கள் விண்ணைஎட்டுங்கள் வாழ்வெனும் வானில் அறிவன்புத்திண்ணைகட்டுங்கள்.

முக்கியமாக்உங்கள் பெற்றோர்கள்மீது காதல் கொள்ளுங்கள்.

உங்கள்வாழ்வில் எல்லாநல வளங்களும்பெற்று நீடிய ஆயுள் நிம்மதியுடன் வாழ்க

இறைவன் மிகப்பெரியவன்.

இறையடிமை,
ஷேக் அப்துல் காதிர்.