{ முகநூல் கருத்துக்கள்}{ட்விட்டர் கருத்துக்கள்}

காயல்பட்டினம் கோமான் மேலத் தெரு, நடுத்தெரு, கீழத் தெரு ஆகிய முத்தெருக்களையும் அணைத்தவாறு அமைந்துள்ளது மொட்டையார் பள்ளி.









இஃப்தார் - நோன்பு துறப்பு நிகழ்ச்சி:

இப்பள்ளியில் ஆண்டுதோறும் ரமழான் மாதத்தில் இஃப்தார் - நோன்பு துறப்பு நிகழ்ச்சிகள் நடத்தப்பட்டு வருகிறது.

நடப்பாண்டில், 30.06.2015 அன்று பதிவு செய்யப்பட்ட இஃப்தார் - நோன்பு துறப்பு காட்சிகள் வருமாறு:-









இஃப்தார் நிகழ்ச்சியில் நாள்தோறும் 75 முதல் 100 பேர் வரை கலந்துகொள்கின்றனர். அவர்களுக்கு, பேரீத்தம்பழம், தண்ணீர், கஞ்சி, வடை உள்ளிட்டவை பரிமாறப்படுகிறது. வெண்கஞ்சி அருகிப் போன இக்காலத்திலும், இப்பள்ளியில் அவ்வப்போது வெண்கஞ்சி தயாரிக்கப்பட்டு வருவது குறிப்பிடத்தக்கது.

நிர்வாகம்:

கே.எம்.சுல்தான் ஜரூக் பள்ளியின் தலைவராகவும், ஜெ.ஏ.செய்யித் முஹம்மத் செயலாளராகவும், முஹம்மத் காஸிம் பொருளாளராகவும், எம்.ஒய்.காஜா முஹ்யித்தீன் துணைத்தலைவராகவும் சேவையாற்றி வருகின்றனர். பள்ளி நிர்வாகிகளே கஞ்சி ஏற்பாடு உள்ளிட்ட ரமழான் சிறப்பேற்பாடுகளையும் கவனித்துக் கொள்கின்றனர்.

இமாம் - முஅத்தின் - தராவீஹ் இமாம்கள்:

இப்பள்ளியில், மேலப்பாளையத்தைச் சேர்ந்தவர்களான ஹாஃபிழ் வி.எஸ்.முஹ்யித்தீன் பள்ளியின் இமாமாகப் பணியாற்றி வருகிறார். முஅத்தின் பொறுப்புகளையும் கூடுதலாக அவரே கவனித்து வருகிறார்.

ரமழான் தராவீஹ் தொழுகையில் முழு குர்ஆனும் ஓதி முடிக்கப்படுகிறது. நடப்பாண்டு தராவீஹ் தொழுகையை, காயல்பட்டினம் கி.மு.கச்சேரி தெருவைச் சேர்ந்த டூட்டி பாதுல் அஸ்ஹப் என்பவரது மகன் ஷம்சுத்தீன் ஸூஃபீ பொறுப்பேற்று வழிநடத்தி வருகிறார்.

காயல்பட்டினம் கோமான் நடுத்தெருவைச் சேர்ந்த கோஸ் முஹம்மத் என்பவரின் மகன் ஹாஃபிழ் ஷம்சுத்தீன் ஃபவ்ஸான், அதே தெருவைச் சேர்ந்த ஸமூன் ஷாஹுல் ஹமீத் என்பவரின் மகன் ஹாஃபிழ் மழ்ஹர் ஆகியோர் கோமான் ஜமாஅத் பெண்கள் தைக்காவில் தராவீஹ் தொழுகையை வழிநடத்துகின்றனர்.

பள்ளியிலும், தைக்காவிலும் தராவீஹ் தொழுகையை வழிநடத்தும் 3 ஹாஃபிழ்களும், காயல்பட்டினம் ஹாமிதிய்யா திருக்குர்ஆன் ஹிஃப்ழுப் பிரிவில் பயின்று பட்டம் பெற்றவர்கள் என்பது குறிப்பிடத்தக்கது. நடப்பாண்டு ரமழான் மாதத்தில் இஷா தொழுகை 20.30 மணிக்கும், தராவீஹ் தொழுகை 20.45 மணிக்கும் நடைபெறுகிறது.

தமாம் விருந்து:

ஆண்டுதோறும் ரமழான் 27ஆம் நாள் இரவில் தமாம் சாப்பாடு (களறி சாப்பாடு) தயாரிக்கப்பட்டு, ஜமாஅத்தார் அனைவருக்கும் ஸஹர் உணவு விருந்துபசரிப்பு செய்யப்பட்டு வருகிறது.

கைப்பந்து மைதானம்:

இப்பள்ளியின் வெளிப்பகுதி வராந்தாவில், கோமான் ஜமாஅத்தைச் சேர்ந்த இளைஞர்கள் கைப்பந்து (வாலிபால்) மைதானம் அமைத்து, நாள்தோறும் விளையாடி வருவதும், நகர - வட்டார அளவில் நடைபெறும் பல்வேறு போட்டிகளில் பங்கேற்று பரிசுகளைக் குவித்து வருவதும் குறிப்பிடத்தக்கது.

தொகுப்பில் உதவி:
‘சூயஸ் கேனல்’ தாஹிர்
‘பிஸ்மி சைக்கிள்ஸ்’ ஃபாரூக்

கோமான் மொட்டையார் பள்ளியில் கடந்தாண்டு (ஹிஜ்ரீ 1435) நடைபெற்ற இஃப்தார் நிகழ்ச்சி தொடர்பான செய்தியைக் காண இங்கே சொடுக்குக!

கோமான் மொட்டையார் பள்ளியின் வரலாற்றுத் தகவல்கள் உள்ளிட்ட விபரங்களடங்கிய செய்திகளைக் காண இங்கே சொடுக்குக!

கோமான் மொட்டையார் பள்ளி தொடர்பான முந்தைய செய்தியைக் காண இங்கே சொடுக்குக!

நடப்பாண்டு நகர பள்ளிகளின் இஃப்தார் நிகழ்ச்சிகள் குறித்த முந்தைய செய்தியைக் காண இங்கே சொடுக்குக!