Weddings Special Page in Kayalpatnam.com Since 1998 - Kayal on the Web - Your home away from home Bus Service - Signature Campaign
Current Kayalpatnam Time
12:03:07 PM
செவ்வாய் | 31 ஐனவரி 2023 | துல்ஹஜ் 1279, 1440 
Prayer timing for Kayalpatnam
ஃபஜ்ர்ளுஹ்ர்அஸ்ர்மஃக்ரிப்இஷாஃ
05:2212:3515:5518:2719:39
Sunrise/Sunset timing for Kayalpatnamஉதயம்06:38Moonrise/Moonset timing for Kayalpatnamஉதயம்14:02
மறைவு18:23மறைவு02:08
Morning Twilight
வானியல்கடல்சமூகம்
05:2605:5106:16
உச்சி
12:31
Evening Twilight
சமூகம்கடல்வானியல்
18:4519:1119:36
Go to Homepage
செய்திகள்
Previous News ItemNext News Item
செய்தி எண் (ID #) 16197
#KOTW16197
Increase Font Size Decrease Font Size
சனி, ஜுலை 4, 2015
இஃப்தாருடன் நடைபெற்ற அபூதபீ கா.ந.மன்ற பொதுக்குழுவில் புதிய நிர்வாகிகள் ஒருமனதாகத் தேர்வு! விடைபெறும் தலைவருக்குப் பிரியாவிடை!!
செய்திஎஸ்.கே.எஸ். (தாருத்திப்யான் நெட்வர்க்)
இந்த பக்கம் 3800 முறை பார்க்கப்பட்டுள்ளது | வாசகர் கருத்துக்கள் காண (3) <> கருத்து பதிவு செய்ய
(ஒப்புதலுக்காக காத்திருக்கும் கருத்துக்கள் - 0; நிராகரிக்கப்பட்ட கருத்துக்கள் - 1)
click here to post your comment using facebook{ முகநூல் கருத்துக்கள்}{ட்விட்டர் கருத்துக்கள்}

இஃப்தார் - நோன்பு துறப்பு நிகழ்ச்சியுடன் நடைபெற்ற - ஐக்கிய அரபு அமீரகம் அபூதபீ காயல் நல மன்ற பொதுக்குழுக் கூட்டத்தில், விடைபெறும் தலைவருக்கு பிரியாவிடையளிக்கப்பட்டதுடன், புதிய தலைவர், துணைத்தலைவர்கள், செயலாளர் ஆகிய நிர்வாகிகள் ஒருமனதாகத் தேர்ந்தெடுக்கப்பட்டுள்ளனர். இதுகுறித்து, அவ்வமைப்பின் சார்பில் வெளியிடப்பட்டுள்ள நிகழ்வறிக்கை:-

முதல் அமர்வு:

எல்லாம்வல்ல அல்லாஹ்வின் பேரருளால், எமது அபூதபீ காயல் நல மன்றத்தின் 6ஆவது பொதுக்குழுக் கூட்டம் இஃப்தார் ஒன்றுகூடல் நிகழ்ச்சி, இம்மாதம் 25ஆம் நாளன்று (ரமழான் பிறை 8 வியாழக்கிழமை) 18.45 மணியளவில், அபூதபீ ஸலாம் தெரு, அல்பிர்தௌஸ் டவர் (National Bank of Fujaira and Takreer) 3ஆவது மாடியில் அமைந்துள்ள "அரபு உடுப்பி" [ARAB UDUPI]யின் பேன்குவெட் ஹாலில் [Banquet Hall] மன்றத் தலைவர் மவ்லவீ ஹாஃபிழ் எம்.ஏ.ஹபீபுர்ரஹ்மான் மஹ்ழரீ தலைமையில், கவுரவ தலைவர் ஐ.இம்தியாஸ் முன்னிலையில் நடைபெற்றது. சிங்கப்பூர் காயல் நல மன்ற பொருளாளர் எம்.எம்.மொகுதூம் முஹம்மத் சிறப்பழைப்பாளராகக் கலந்துகொண்டார்.

துணைத்தலைவர் எஸ்.ஏ.சி.ஷாஹுல் ஹமீத் நிகழ்ச்சிகளை நெறிப்படுத்த, ஹாஃபிழ் எச்.எல்.இஸ்ஸத் மக்கீ கிராஅத் ஓதி நிகழ்ச்சிகளைத் துவக்கி வைத்தார். அழைப்பையேற்று இந்நிகழ்விற்கு வருகை தந்திருந்த மன்றத்தின் நிர்வாகக் குழு, செயற்குழு, பொதுக்குழு உறுப்பினர்கள், புதிய உறுப்பினர்கள், அனைவரையும், மன்றத்தின் செயற்குழு உறுப்பினர் மவ்லவீ ஹாஃபிழ் எஸ்.எம்.பி.ஹுஸைன் மக்கீ மஹ்ழரீ வரவேற்றுப் பேசினார்.



ஆண்டறிக்கை:

மன்றச் செயல்பாடுகளை விளக்கும் ஆண்டறிக்கை மற்றும் நடப்பாண்டின் வரவு-செலவு கணக்கறிக்கையை, மன்றச் செயலாளர் வி.எஸ்.டி.ஷேக்னா லெப்பை சமர்ப்பிக்க, கூட்டம் அதற்கு ஒருமனதாக ஒப்புதளித்தது..

இஃப்தார் - நோன்பு துறப்பு நிகழ்ச்சி:

ஹாஃபிழ் எஃப்.ஷாஹுல் ஹமீத் மஃரிப் அதான் சொல்ல, தொடர்ந்து இஃப்தார் - நோன்பு துறப்பு நிகழ்ச்சி நடைபெற்றது. மஃரிப் தொழுகைக்கான இடைவேளையுடன் முதல் அமர்வு நிறைவுற்றது.

காயல்பட்டினம் பாரம்பரிய முறைப்படி கறிகஞ்சி, பழ வகைகள், வடை வகைகளுடன் இஃப்தார் - நோன்பு துறப்பு நிகழ்ச்சி நடைபெற்றது.



கஞ்சி தயாரித்து வழங்கிய கவுரவ தலைவர் ஐ.இம்தியாஸ் அஹ்மத், இஸ்மாஈல் ஆகியோருக்கும், இஃப்தார் விருந்துக்கு அனுசரணை வழங்கிய சகோதரர்களுக்கும் நன்றி தெரிவிக்கப்பட்டது.

இரண்டாம் அமர்வு:

19.40 மணிக்கு, இரண்டாம் அமர்வு துவங்கியது.

தலைமையுரை:

கூட்டத்திற்குத் தலைமை தாங்கிய மன்றத் தலைவர் மவ்லவீ ஹாஃபிழ் எம்.ஏ.ஹபீபுர் ரஹ்மான் மஹ்ழரீ தலைமையுரையாற்றினார்.



அனைவரையும் வரவேற்று தனதுரையைத் துவக்கிய அவர், மன்றச் செயல்பாடுகளில் உறுப்பினர்களின் ஒற்றுமையுடன் கூடிய ஈடுபாட்டைப் பாராட்டியும் - ஒற்றுமையின் அவசியம் குறித்து வலியுறுத்தியும் பேசினார்.

உறுப்பினர்களின் தாராள உதவியால்,
நமதூர் இறையில்லங்களில் பணிபுரியும் இமாம் - முஅத்தின்களுக்கு பெருநாள் ஊக்கத்தொகை வழங்கும் திட்டம்,
வறுமை நிலையிலிருக்கும் நமதூர் மக்களுக்கு உதவும் ரமழான் உணவுப் பொருள் வழங்கும் திட்டம்,
இக்ரா மூலம் ஏழை மாணவ/மாணவியருக்கான கல்வி உதவி திட்டம்,
ஷிஃபா மூலம் மருத்துவ உதவி
போன்ற திட்டங்களை விவரித்து, அவற்றில் மன்றத்தின் பங்களிப்புகளையும் விளக்கினார்.

மன்றத்தின் வளர்ச்சி, உறுப்பினர்களின் ஒற்றுமை, சந்தா தொகையை நிலுவையின்றி செலுத்தல் உள்ளிட்டவற்றை உள்ளடக்கியே அவரது உரை முழுக்க அமைந்திருந்தது.

விடைபெறும் தலைவருக்குப் பிரியாவிடை:

தன் சொந்தத் தேவை காரணமாக தாயகம் திரும்பவிருக்கும் மன்றத் தலைவருக்கு, பிரியாவிடையளிக்கும் நிகழ்ச்சி நடைபெற்றது. தலைவரின் நற்பண்புகள் - சேவைகளைப் பாராட்டியும் - நினைவுகூர்ந்தும் எஸ்.ஏ.சி.ஷாஹுல் ஹமீத் உரையாற்றியதோடு, அவரது வருங்கால வாழ்வு சிறக்கவும், சமூக நலப்பணிகள் தொடரவும் வல்ல அல்லாஹ்விடம் பிராத்தித்து உரையை நிறைவு செய்தார்.

புதிய நிர்வாகிகள் தேர்வு:

மன்றத்தின் புதிய நிர்வாகிகளது பெயர்களை விடைபெறும் தலைவர் முன்மொழிய, மன்றத்தின் கவுரவ தலைவர் ஐ.இம்தியாஸ் அஹ்மத் வழிமொழிய, அனைத்து உறுப்பினர்களின் தக்பீர் முழக்கத்துடன் கீழ்கண்ட புதிய நிர்வாகிகள் ஒருமனதாகத் தேர்ந்தெடுக்கப்பட்டனர்:-

தலைவர்:
வி.எஸ்.டி.ஷேக்னா லெப்பை

துணைத் தலைவர்கள்:

(1) எஸ்.ஏ.சி. ஷாகுல் ஹமீத்
(2) சுப்ஹான் என்.எம். பீர் முஹம்மத்

பொதுச் செயலாளர்:
எம்.மக்பூல் அஹ்மத்

இதர பொறுப்புகளில், ஏற்கனவே உள்ள நிர்வாகிகளையே தொடர்ந்து நீடிக்கச் செய்வதென தீர்மானிக்கப்பட்டது.

நினைவுப் பரிசு:

விடைபெறும் தலைவருக்கு, மன்றத்தின் கவுரவ தலைவர் ஐ.இம்தியாஸ் அஹ்மத், புதிய தலைவர் வி.எஸ்.டி.ஷேக்னா லெப்பை, துணைத்தலைவர்கள் எஸ்.ஏ.சி. ஷாஹுல் ஹமீத், சுப்ஹான் என்.எம்.பீர் முஹம்மத், பொதுச் செயலாளர் எம்.மக்பூல் அஹ்மத், பொருளாளர் எம்.ஓ.அன்ஸாரீ ஆகியோரினைந்து நினைவுப் பரிசு வழங்கி கண்ணியப்படுத்தினர்.



தாயகம் திரும்பிய பிறகும், மன்றத்தின் நகர்நலப் பணிகளுக்குத் தொடர்ந்து ஒத்துழைப்பளிக்குமாறு அனைவரும் கேட்டுக்கொண்டனர்.

மன்றத்தின் 6 மாத கால நகர்நலப் பணிகள்:

ஜனவரி 2015 முதல் ஜூன் 2015 வரை மன்றம் மற்றும் தனி நபர் அனுசரணை மூலம் ரூபாய் 4,10,500 [நான்கு லட்சத்து பத்தாயிரத்து ஐநூறு] தொகையைக் கொண்டு, அல்லாஹ்வின் மாபெரும் கிருபையால் கீழ்க்கண்ட நலத்திட்டப் பணிகள் மேற்கொள்ளப்பட்டுள்ளன:-

இமாம், முஅத்தின் நிதி கூடுதலாக மொத்தம் ரூ 55,000 உதவி:

பெருநாளை முன்னிட்டு, நகர பள்ளிவாசல்களின் இமாம் - முஅத்தின்களுக்கு வழங்கப்படும் ஊக்கத்தொகை வகைக்காக மன்றத்தின் சார்பில் 25 ஆயிரம் ரூபாய், தனிநபர் அனுசரணையில் 30 ஆயிரம் ரூபாய் என மொத்தம் 55 ஆயிரம் ரூபாய் வழங்கப்பட்டுள்ளது.

51 பேருக்கு ரமழான் சமையல் பொருளுதவி:

வழமைபோல நடப்பு ரமழான் மாதத்திலும், நகரிலுள்ள ஏழை - எளிய குடும்பங்களுக்கு அத்தியாவசிய சமையல் பொருளுதவி வழங்கப்பட்டுள்ளது. மன்றம் மற்றும் தனிநபர்களின் அனுசரணையுடன், மொத்தம் 51 பேருக்கு, ரூபாய் 1 லட்சத்து 32 ஆயிரத்து 500 தொகையில் இப்பொருட்கள் வழங்கப்பட்டுள்ளன.

மருத்துவ உதவி:

மருத்துவ உதவி கோரி பெறப்பட்ட விண்ணப்பங்கள் மன்றத்தின் மருத்துவக் குழுவால் பரிசீலிக்கப்பட்டு, இறுதி செய்யப்பட்ட விண்ணப்பங்களுக்காக மொத்தம் 78 ஆயிரம் ரூபாய் - ஷிஃபா ஹெல்த் அன்ட் வெல்ஃபர் அசோஸியேஷன் மூலம் வழங்கப்பட்டுள்ளது. ஷிஃபா வருடாந்திர நிர்வாகச் செலவின வகைக்காக 10 ஆயிரம் ரூபாய் வழங்கப்பட்டுள்ளது.

இக்ராஃ மூலம் கல்வி உதவித்தொகை:

நடப்பு 2015-2016 கல்வியாண்டில், இக்ராஃ கல்விச் சங்கம் மூலம் - ஏழை மாணவ-மாணவியர் கல்வி உதவித்தொகை வகைக்காக 30 ஆயிரம் ரூபாய் தொகையும், இக்ராஃ வருடாந்திர நிர்வாகச் செலவின வகைக்காக 12 ஆயிரம் ரூபாய் தொகையும் நிதியொதுக்கீடு செய்யப்பட்டது.

இதர உதவிகள்:

அவசர நிதியுதவியாக ஒருவருக்கு 60 ஆயிரம் ரூபாய் வழங்கப்பட்டது. ஜகாத் நிதியிலிருந்து 32 ஆயிரம் ரூபாய் வழங்கப்பட்டது.

மன்றத்தின் நகர்நல உதவித் திட்டங்கள் இவ்வாறாக நிறைவேற்றப்பட்டுள்ளன.

கூட்ட நிறைவு:

மன்றத்தின் மக்கள் தொடர்ப செயலாளர் ஏ.ஆர்.ரிஃபாய் - இதுநாள் வரை மன்றத்தின் நகர்நலப் பணிகளுக்காக உளமார சேவையாற்றியமைக்காக - விடைபெறும் தலைவருக்கும், கூட்டத்தில் பங்கேற்ற அனைவருக்கும் நன்றி கூறினார். மவ்லவீ ஹாஃபிழ் நஹ்வீ எஸ்.ஏ.இஸ்ஹாக் லெப்பை மஹ்ழரீ இறை வேண்டுதலோடு பொதுக்குழுக் கூட்ட நிகழ்ச்சிகள் நிறைவுற்றன.

பஃபே முறையில் இரவுணவு:

பஃபே முறையில் இரவுணவு விருந்துபசரிப்பு செய்யப்பட்டது. அனைத்து நிகழ்ச்சிகளிலும், மன்ற உறுப்பினர்களும், குடும்பத்தினரும் திரளாகக் கலந்து சிறப்பித்தனர். எல்லாப் புகழும் அல்லாஹ்வுக்கே - அல்ஹம்துலில்லாஹ்!




இஃப்தார் மற்றும் பொதுக்குழுக் கூட்டத்தின் அனைத்து நிகழ்வுகளையும் https://picasaweb.google.com/117783117264538740964/KWAADGBMJune252015#slideshow/6164372637626872946 என்ற இணைப்பில் சொடுக்கி, படத்தொகுப்பாகக் காணலாம்.

இவ்வாறு அந்த அறிக்கையில் தெரிவிக்கப்பட்டுள்ளது.

அபூதபீ கா.ந.மன்றம் சார்பாக...

தகவல்:
M.E.முகியதீன் அப்துல் காதர்
(செய்தி & ஊடகத்துறை பொறுப்பாளர்)

செய்தியாக்கம்:
A.R.ரிஃபாய்
மக்கள் தொடர்பு செயலர்

படங்கள்:
சுப்ஹான் N.M.பீர் முஹம்மத்
(துணைத் தலைவர்)


அபூதபீ காயல் நல மன்றம் சார்பில் கடந்தாண்டு இஃப்தார் நிகழ்ச்சியுடன் நடத்தப்பட்ட பொதுக்குழுக் கூட்டம் குறித்த செய்தியைக் காண இங்கே சொடுக்குக!

அபூதபீ காயல் நல மன்றத்தின் முந்தைய (5ஆவது) பொதுக்குழுக் கூட்டம் குறித்த செய்தியைக் காண இங்கே சொடுக்குக!

அபூதபீ காயல் நல மன்றம் தொடர்பான முந்தைய செய்தியைக் காண இங்கே சொடுக்குக!

[கூடுதல் விபரம் இணைக்கப்பட்டது @ 13:40 / 05.07.2015]


Previous News ItemNext News Item
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>
இறுதி கருத்துக்கு செல்ல இங்கு சொடுக்கவும் >>
1. Re:...நெஞ்சம் நிறைந்த நல்வாழ்த்துக்கள்.
posted by சட்னி,எஸ்.ஏ.கே.செய்யது மீரான்,ஜித்தா (ஜித்தா) [05 July 2015]
IP: 37.*.*.* | Comment Reference Number: 41217

இம்மன்ற ஆரம்ப கால முதல் இன்று வரையில் தலைவராக பெரும்பணியாற்றிய மதிப்புக்குரிய தலைவர் ஆலிம் பெருந்தகை அவர்கள் விடைபெற்று தாயகம் செல்லும் அவர்கள் வாழ்வில் எல்லாவித நலமும் வளமும் பெற்று தொடர்ந்து பொது தொண்டு செய்திட வாழ்த்தியும் வல்லவன் அல்லாஹ்வை வேண்டுகின்றேன்.

மேலும் மாற்றியமைக்கப்பட்ட நிர்வாகத்தில் புதிய தலைவராக தேர்ந்தெடுக்கப்பட்டுள்ள என்னருமை தம்பி வி.எஸ்.டி.ஷேக்னா லெப்பைக்கும்,மற்றும் துணைத்தலைவர்கள்,செயலாளர் நண்பர் மக்பூல் மற்றும் அனைத்து செயற்குழு உறுப்பினர்களுக்கும் எனது உளமார்ந்த நல்வாழ்த்துக்களுடன் உங்களின் மக்கள் பணி நனி சிறக்க நாயன் அல்லாஹ் பேரருள் புரிவானாக ஆமீன்.


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
2. நிலைப்படங்கள்
posted by SUBHAN N.M.PEER MOHAMED (ABU DHABI ) [05 July 2015]
IP: 217.*.*.* United Arab Emirates | Comment Reference Number: 41219

அஸ்ஸலாமு அலைக்கும் (வரஹ்) நிகழ்ச்சியின் முழுமையான நிலை படங்களை காண

https://picasaweb.google.com/117783117264538740964/KWAADGBMJune252015
இந்த லிங்கை சொடுக்கவும்

சுபான்
அபு தபி


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
3. Re:...
posted by சாளை எஸ்.ஐ.ஜியாவுத்தீன் (அல்கோபார் ) [07 July 2015]
IP: 77.*.*.* Saudi Arabia | Comment Reference Number: 41245

புதிய நிர்வாக குழுவிற்கு பாராட்டுக்களும் வாழ்த்துக்களும்.

விடைபெறும் தலைவரின் வாழ்வு அருமையாக அமைய பிராத்திக்கின்றோம்.

புகைப்படங்கள் அனைத்தும் அருமை.

சொந்தங்கள், நண்பர்கள் அனைவர்களையும் கண்டத்தில் மகிழ்ச்சி.

சில காலங்களாக கவலையில் வாடிக்கொண்டு இருந்த, சுப்ஹான் காக்காவின் சிரித்த முகத்தை கண்டத்தில் மிகுந்த திருப்தி.

உங்களை அனைவர்களின் வாழ்வு இனிமையாகவும், மக்கள் தொண்டு தொடரவும் பிராத்திக்கின்றேன்.

என்ன ஒரு பொறாமை என்றால், எங்களுக்கு வருடங்கள் நகர நகர முடிகள் எல்லாம் நரைக்கின்றது, அங்கு உள்ள நண்பர்களுக்கு கருத்துக்கொண்டே செல்லுகின்றன. என்ன மாயமோ..!! தெரியவில்லை அல்லது சுப்ஹான் காக்காவுடைய காமெராவின் மகிமையோ..! புரியவில்லை.

சாளை எஸ்.ஐ.ஜியாவுத்தீன், அல்கோபார்


இந்த கருத்து உங்களுக்கு பிடித்துள்ளதா?

[இவரின் பிற கருத்துக்களை காண இங்கு சொடுக்கவும்]
முதல் கருத்துக்கு செல்ல இங்கு சொடுக்கவும் >>
இச்செய்தி குறித்த உங்கள் கருத்தை பதிவு செய்ய இங்கு சொடுக்கவும் >>

முகநூல் வழி கருத்துக்கள்
ட்விட்டர் வழி கருத்துக்கள்

பிற செய்திகள்

காயல்பட்டணம்.காம் இணையதள பக்கங்கள் தமிழ் வழி தேடல்
செய்திகள் ஆங்கில வழி (TAG) தேடல்
குறியீடு எண்கள் (ID #) வழி தேடல்
தேதி வாரியாக செய்தி தேட இங்கு சொடுக்கவும்
Advertisement
Cathedral Road LKS Gold ParadiseFathima Jewellers
AKM JewellersFaams

>> Go to Homepage
செய்திகள்
அண்மைச் செய்திகள்
அதிகம் வாசிக்கப்பட்டவை
அதிகம் கருத்து கூறப்பட்டவை
பரிந்துரைக்கப்பட்டவை
இந்த நாள், அந்த ஆண்டு
நீங்கள் படிக்காதவை
செய்திகளை தேட
தலையங்கம்
அண்மைத் தலையங்கம்
பிற தலையங்கங்கள்

ஆக்கங்கள்
எழுத்து மேடை
சிறப்புக் கட்டுரைகள்
இலக்கியம்
மருத்துவக் கட்டுரைகள்
ஊடகப்பார்வை
சட்டம்
பேசும் படம்
காயல் வரலாறு
ஆண்டுகள் 15
வாசகர் கருத்துக்கள்
செய்திகள் குறித்த கருத்துக்கள்
தலையங்கம் குறித்த கருத்துக்கள்
எழுத்து மேடை குறித்த கருத்துக்கள்
சிறப்புக் கட்டுரைகள் குறித்த கருத்துக்கள்
கவிதைகள் குறித்த கருத்துக்கள்
இணையதள கருத்தாளர்கள்
புள்ளிவிபரம்
சிறப்புப் பக்கங்கள்
புதிய வரவுகள்
நகர்மன்றம்
வீடு, மனை விற்பனை தொழில் (REAL ESTATE)
குடிநீர் திட்டம்
ரயில்களின் தற்போதைய நிலை
ரேஷன் கடைகளில் பொருள்களின் நிலை

EDUCATION
பள்ளிக்கூட கட்டணங்கள்
HSC Results (Since 2007)
Comparative Analysis
Best School Award Rankings
Centum Schools
1000 or above Students
12th Standard Timetable
10th Standard Timetable
தகவல் மையம்
காயல்பட்டினம் தொழுகை நேரங்கள்
சூரிய உதயம் / மறைவு கணக்கிட
சந்திர உதயம் / மறைவு கணக்கிட
ஆபரணச் சந்தை
அரசு விடுமுறை நாட்கள்
நிகழ்வுகள் பக்கம்
தமிழக அமைச்சரவை
காயல்பட்டினம் வாக்காளர் பட்டியல்
Hijri Calendar
Government
OTHER SERVICES
Email Service
Mobile Version
On Twitter
ADVERTISE HERE
Website Traffic
What are GoogleAds?
Advertisement Tariff
ABOUT US
Suggestions
Credits
KOTW Over The Years
About KFT
Recommend This Site
Kayal on the Web is one of several websites managed by The Kayal First Trust, a charitable organisation based in Kayalpatnam, Tuticorin District, Tamil Nadu, INDIA. By accessing and using this website, you are assumed to have read the Terms of service - governing this Website.
Designed for The Kayal First Trust by NetGross

© 1998-2023. The Kayal First Trust. All Rights Reserved